أحتجتلك يا أطيب بشر وين ألاقيك؟؟

19

دانه بعد دقايق من التفكير : ما اقدر
هند: شو الي ما تقدرين
دانه: ما اقدر اشتكي عليه ما ابا اسوي هالشي
هند:ليش دانه هذا حقج .. لازم تعلمينه الأدب .. وتوقفين فويهه .. وإذا ما قدرتي الشرطه بيوقفون .. ما بيصير فيه شيء غير ان يكتبونه تعهد لو تبين .. يعني مصير ريلج فايدينج
دانه: هند افهميني انا ما أباهم يحققون معاي ولا يكتبونه تعهد ولا شيء .. خلاص انا مسامحتنه
هند: وليش اتسامحينه .. هو مب ويه حد يسامحه
دانه: صدقيني أهله ناس طيبين ما ابا احرق قلبهم عشان واحد نفسه هو .. برايه انا اؤمن بأن الله يمهل ولا يهمل .. ومرده بيلاقي عقابه من رب العباد .. ماله داعي اسوي هذا كله .. انا انسانه موكله امري لله سبحانه وتعالى
.........................................................
ف المطار .. كانوا حامد وحمود هناك يدورون أخوهم .. اتصلوا فيه كذا مره وما يرد عليهم
حامد: اقولك دق على ربيعك خله يشوف شغله
حمود: قتله .. بس اخاف محمد ما يروح عنده
حامد: خله يكلم باقي ربعه ويتفقون
حمود: ما عليك .. بعد شوي بتشوف محمد انا واثق انه ما بيضيعه
حامد:بنشوف
دقايق ورن فون حمود وكان المتصل رقم غريب ورد عليه
حمود:الو
: السلام عليكم
حمود: عليكم السلام .. هلا اخوي تفضل
: اشحالك حمود
حمود: محمد .. هلا والله .. انا بخير الحمدلله اشحالك انته وينك يا ريال
محمد: حمود انا ف مطار ابوظبي .. ماسكيني الجمارك ما يبون يطلعوني .. ابا حد يتفاهم معاهم
حمود: ثواني وبكون عندك
محمد: حمود لا تسرع وتخوف امايه عليك .. بروحها ما تتحمل .. وانتبه ابوي يعرف عني
حمود: لا تحاتي
راحوا حمود وحامد صوب الجمارك وشافوا محمد قاعد يحاول يقنع الشرطي ان يخليه يسافر دام انه ما عنده اي شيء مخالف
حامد: وين تبا تروح وتخلي اهلك يا مسود الويه
محمد لف عليهم وانصدم منهم .. حضن اخوانه وهو مب مصدق عيونه
حمود: الحمدلله على السلامه
محمد: الله يسلمك
سلموا على بعض و خذوا اخبار بعض .. وحمود قال حق محمد مقلبهم له والي هو انهم كانوا السبب بان الجمارك يوقفون محمد .. قعدوا يتكلمون شوي واتفقوا على شيء وركبوا السياره وطيران للمكان المطلوب
..........................................
ف المستشفى .. كانوا البنات قاعدين وملانين
جود: متى بطلع يا ناس مليت والله
نوره: توج قايمه من غيبوبه ما كملتي يومين حتى
جود: انزين ما فيني شيء الحين .. ابا اطلع ملل هني
نجود: انا سألت الممرضة متى تقدرين تطلعين قالت .. يبالج أسبوع عندهم
جود: شوووووو!!!! ... والله ما اقعد أسبوع .. باجر انا طالعه يعني طالعه
نوره: ومنو بيطلعج يا حظي .. كلهم بيقولون اسمعي كلام الدكاتره حتى يدي
جود: اممممم بخلي يدوه اطلعني .. كلمتين وبتقول طلعوها وخلوها عندي انا بداريها
نجود: يعني ليش تبين تطلعين .. شو عندج في البيت
جود: ابا اطلع اشوف حياتي .. بدور لي ريل
نوره: هيه حتى انا الحين بطلع بدور لي ايد خخخخخ
جود ونجود: ام ام السخااااافههه
نوره وهي تشوف ساعتها :مالت عليكم .. هئئئئئئى الساعة 10:50 !!!! ... ياويلي من ابوي متأخره على البيت
نجود: اتصلي ف الدريول عشان اي يشلج
نوره: نجودوووه لا تستهبلين اكيد الحين راقد ما تعرفي ان دوامه يخلص الساعه عشر .. الحين منو بيردني البيت
جود: امممم هي صح .. شوفي هندوه اعتقد هي راحت اتشوف دانه وبعدها ما ردت البيت ... كلميها عشان يشلونج هي وذياب
نوره: تصدقون اني نسيتها هذي ... خلاص الحين بتصل فيها وبشوفهم
.............................................
ف بيت اليد .. كانوا حمود وحامد ومحمد هناك .. قالوله السالفه كلها وان ابوهم رافض ان محمد يرد البيت الا وف ايده الشهاده
اليد بعصبيه: أبوكم هذا ين وقعد .. حد ما يبا ضناه عنده وتحت نظره .. اسمع يا محمد ان عرفت انك طلعت برا البلاد ولا شيء صدقني ما برحمك سمعت ولا لا .. اقعد هني بين أمك واهلك وابوكم هذا خلوه عليّ محد بيأدبه وبيخليه يمشي على صراط المستقيم غيري انا
حامد: بس يدي اذا ما قدر علينا وعلى محمد .. بيصب غيضه كله ف امايا
اليد وهو يضرب حامد بعصاه : وانتو ليش عيالها دافعوا عنها .. وابوكم هالهيس اذا ما جلدته بهالعصا ما اكون ولد ابوي
حامد وهو يمسح مكان الضربه الي يت على ايده: يعني يدي ما تعرف تشرح الموضوع الا اذا جلدت حد .. والمشكلة عينه ما تطيح الا عليّ انا ( من بعد ما قال هالكلام ركض بعيد عن يده قبل لا ينضرب)
اليد: حمود تعال ودني عنده خلني اادبه بهالعصا
حمود: ههههههههه خله يدي .. ياهل ما يعرف شو يقول
اليد: وين ياهل على هالحجم .. هذا غول مب ياهل
حمود ومحمد: ههههههههههههههههههههههههههههه
.............................................
عند هند وذياب .. توهم طالعين من المستشفى من بعد ما اطمنوا على صحة دانه .. ركبوا السياره وهند اول ما ركبت ردت راسها ورا وتنهدت بالقو .. لف عليها ذياب بس ما قال شيء  و حرك السياره
هند: اليوم كان متعب وايد .. وايد احداث صارت
ذياب:...
هند: حتى الساعات تمر و كأنها شهر
ذياب:...
هند شافت ان ذياب ما يرد عليها ومطنشنها .. سكتت وما تكلمت كل الي سوته انها غمضت عينها وراحت ف عالم ثاني
:::::::::::::::::::::::::::::::::
شوي ولا تسمع صوت هرنات السياير بطلت عينها وشافت سياره يايه قدامهم لفت على ذياب وشافت سياره ثانيه يايه من صوبه مسرعة
هند صارخت: ذيااااااااااااااااااااااااااااااااااااااااااااااب
بووووووووووووف << صوت دعمت السياره
طارت فيهم السياره وانجلبت ثلاث جلبات .. دقايق وقامت ادور عليه .. كان جسمها خله دم وجروح .. ما كانت تقدر تمشي من الالم الي ف ريلها .. شافت مجموعه من الناس متجمعين على حد .. راحت عندهم ولقت ذياب طايح ويردد اسمها .. راحت عنده وحطت راسه ف حظنها
هند والدموع تنزل من عيونها: ذياب .. ذياب قوم انته وعدتني انك ما تخليني بروحي .. ذيااااب قوم انااا ابااااك
ذياب: ه .. هن .. ههنن.. هند
هند: انا عندك ذياب انا عندك .. شوفني وفيت بوعدي اني ما اخليك .. بس الحين دورك انت توفي بوعدك لا تخليني وتروح .. ذياب أنا احبك لا تخليييينييي
ذياب مسك ايده وباسها: انا .. انا .. اح.. ب .. احبج
وتسكرت عيونه وأيده الي كانت ماسكه ايد هند بالقو ارتخت وطاحت
هند: ذياااااااب.. لا لا لا .. لا تروح الله يخليك ... ذياااب قووووم .. لا تخليني بروحي قوم
><
><
><
><
><
><
><
><
><
><
><
><
><
><
><
><
><
><
><
><
><
><
><
><
><
><
><
><
><
><
><
><
><
><
><
><
><
><
><
><
ذياب وهو يضربها على ويهها بالخفيف: هند.. هند قومي شفيج .. هندوه حبيبي
فزت هند من نومها :هئئئئئئئئئىى . بسم الله الرحمن الرحيم .. بسم الله الرحمن الرحيم
ذياب: هند .. شفيج .. ليش اتصيحين
هند لفت عليه بخوف .. وقَعَدت اتطالعه .. ويوم استوعبت الموضوع حضنته وقَعَدت اتصيح
ذياب: بسم الله عليج .. شو صارلج .. ليش اتصيحين
هند: ح.. حلمت .. انك .. مت
ذياب: انا عندج .. انا موجود .. كان حلم حلم
هند قامت من حضنه: كنت زعلان مني وما تكلمني .. وانا رقدت ويوم قمت كانت في سيارتين وحده.. قدامنا والثانيه صوبك .. انت تفاديت السياره الي قدامك بس ما كنت منتبه على السياره الي كانت يايه صوبك .. وبعدين .. بعدين انجلبت السياره .. ذياب كنت ادورك.. فكل مكان وما حصلتك .. بعدين يوم شفتك كنت .. كنت..
قاطعها ذياب: اشششش اشششش ... خلاص سكتي لا تكملين .. مجرد حلم .. ما صار شيء
هند: كان جسمك كله دم .. حتى ويهك ما كانت تبين ملامحها
ذياب: هندوه خلاص لا تفكرين بالموضوع .. خلاص انسي انا بخير ما فيني شيء
هند: بس انت زعلان مني
ذياب باسها على راسها: مب زعلان .. ف حياتج شفتي حد يزعل من قلبه !!!
هند: سامحني ذياب اذا زعلتك اليوم او ازعجتك بتصرفاتي .. أوعدك اني ما ازعجك مره ثانيه واني اسمعك كلامك وما أعاندك ابداً
ذياب: خلاص يا قلبي خلاص .. لا تصيحين .. انزلي يبتج البحر عشان ترتاحين شوي وبعدين بنرد
هند وهي تمسح دموعها: وين نحن
ذياب: عند البحر ف دبي .. كلمت فارس و وافق .. يلا انزلي
هند: ذياب ما اريد شوف كيف ظلام
ذياب: انا معاج .. انزلي يلا
هند: ان شاء الله .. بس ما نقعد وايد .. انرد بسرعه
ذياب:  حاضر .. من عيوني .. كم هند عندي
............................................
عند البنات فالمستشفى .. اتصلت نوره ف هند وذياب ويعطيها مغلق .. اتصلت فوق الخمس مرات وكل مره نفس الشيء
نوره: افففف ما يردون
جود: يعني افهميها يبون يقعدون بروحهم
نوره: الحين منو بيردني البيت والله ابوي اليوم بيخلني انام ف الشارع مب الحوش بعد
نجود: جربي دقي حق حمد يمكن يكون قريب ويشلج
نوره: هذا اخر واحد ممكن انه يخدمني
جود: شوفي خليفه او خوله
نوره: خوله مستحيل تطلع الفليل وخليفه استحي اكلمه يمكن عند حرمته
نجود: ما لج غير حمد .. دقي عليه وشوفي جربي حظج
نوره: بنشوف
اتصلت فيه مرتين والمره الثالثه رد عليها
حمد بتعب : الو
نوره: حمد انت وين
حمد: تبين شيء
نوره: حمد انا فالمستشفى والحين الساعه 11 وانا متأخره عن البيت اخاف ابوي يرقدني فالشارع .. بتي اتشلني ولا ارد بتكسي وانت خلك على الخط لين اوصل البيت
حمد: لا لا .. الحين انا بي اشلج .. اتجهزي
نوره : خلاص اوك اترياك لا تسحب
.............................................
عند دانه ف المستشفى كانت أتفكر بالموقف الي صار قبل شوي تحس انه حلم
<><><><><><><><><><><><><>
دانه:" اول ما طلعوا هند وذياب .. طلبت من الدكتور انه يتصل ف حمد ويخبره عن حالتي والحمدلله الدكتور كان متعاطف معاي واتصل فيه وما عارض طلبي هذا .. سمعت الدكتور يسلم عليه ويعرفه على نفسه بس .. ما سمعت باقي المكالمه لان طلع برا الغرفه .. كنت وقتها أعيش ف حالتين متناقضتين اول شيء كنت متوتره والثانيه كنت مرتاحه .. مرتاحه لاني قدرت اقنع المحقق ان الي صار معاي مجرد حادث صار معاي فالبيت مب اكثر .. ومتوترة عشان ردت فعل حمد يوم بيعرف عن حالتي .. يا ترى بيخاف عليّ وبيزورني المستشفى ولا ما بيهتم  وبيقعد مع الي يحبها .. اخاف انه يطنشني وينكسر قلبي اكثر وقتها مستحيل اقعد معاه ......
حمد:داااااانهههه !!!
تفاجئت انه زارني كنت اخطط شو اسوي اذا ما زارني
حمد وهو يمسك ويهه دانه وعيونه مفتوحه بخوف: دانه انتي بخير .. كل هذا انا السبب فيه .. انا مسوي فيج جذي!!
دانه: ما توقعت بتزورني .. على بالي بتنشغل مع حبيبتك
حمد: الدكتور قالي فيج كسر ب ايدج اليمين ورضوض .. معقوله انا مسوي كل ها!!!
دانه: لا مب انت .. حبك لحبيبتك سوا فيني جذي .. حمد اذا زعلان مني لاني قلت الكلام الي قلته عن حبيبتك .. تقدر تيبها باجر عشان اعتذر منها ومستعده أبوس راسها عشان رضاك
حمد: دانه لا تقولين جذي .. انتي حرمتي وما ارضى انج اتسوين هالشيء .. سامحيني على الي سويته فيج .. يعله فيني ولا في..
دانه وهي تقاطعه : بسم الله عليك من كل شر .. لا تقول جذي ... لا تدعي على نفسك بالشر
حمد وهو يبوسها على راسها: اوعدج اني ما امد ايدي عليج مره ثانيه .. وإذا سويتها يعني انا مب ريال
وبعدها ياه اتصال مرتين ما رد والمره الثالثه رد وطلعت اخته نوره .. ودعني وطلع من الغرفه
<><><><><><><><<<><><><><><
لا تعصبون بس ترا صدق زاد حبي لهالانسان اكثر .. كل يوم احبه اكثر عن الي قبله رغم انه مرات يضربني ويغلط عليّ بس ما زلت احبه .. الي صار اليوم مب هو السبب وانا متأكده من هالشيء
.............................................
عند نوره .. اتصل فيها حمد وقالها انه يترياها تحت .. سلمت على البنات ونزلت
نوره وهي تسكر الباب: السلام عليكم
حمد: وعليكم السلام
وحرك السياره .. نوره استغربت من حال اخوها تعبان و متبهذل وحالته حاله .. بس ما تكلمت وصلوا البيت وكل واحد على غرفته .. ونوره حمدت ربها ان ابوها راقد ولا كانت بتصير وجبة دسمه على اخر الليل .. دخلت غرفتها بدلت ملابسها وكل شيء ويت تبا تنام بس ما قدرت .. تفكيرها ف حمد اخوها يمنعها انها تغمض عيونها حتى .. طلعت من غرفتها وراحت عند حمد دقت الباب ودخلت
نوره: حمد
حمد:  هلا نوره .. تعالي .. شو تبين
نوره وهي تقعد عنده: حمد انت فيك شيء اليوم .. احسك تعبان ومتضايق .. في شيء صاير معاك وانا ما ادري
حمد قعد يطالع نوره ثواني و بعدين حضنها بدون ما يقول شيء
نوره تفاجأت من حركته : حمد شفيك .. ليش جذي حالك .. ما تعودت عليك جذي
حمد:...
نوره وهي تمسك ويهه: حمد تباني ازقر امي ولا خليفه
حمد هز راسه بلا و حط راسه على ريولها : نوره محتاجج .. احس اني ضايع بين نارين .. نوره انا ف مصيبه .. اخوج ف مصيبه
نوره: قولي يمكن اقدر أساعدك .. يمكن احللك المشكلة الي انت فيها
حمد قعد يفكر شوي وبعدين ما حس على نفسه الا وهو قايل حق نوره كل السالفه .. نوره انصدمت من اخوها اول شيء انه متزوج وهم ما يعرفون وثاني شيء انها اليوم كانت تدعي على الريايل الي يعنفون حريمهم وآخر شيء اخوها منهم
حمد ودموعه تنزل: نوره ما اعرف شو اسوي .. انا احبهم الاثنين .. ومستحيل كل وحده ترضى بالثانية .. وما ابا اكسر قلب وحده فيهم وتتأذى مني .. اخاف اقول حق امي وابوي ويزعلون مني .. ما اعرف شو اسوي
نوره وهي تمسح على راسه : حمد اهدا الحين .. اسمعني انت الحين نام وانا بفكر وبقولك شو اتسوي باجر
يت نوره تبا تقوم بس حمد مسك ايدها : خلج معاي .. لا تخليني اقعد بروحي ما ابا افكر ف السالفه هذي
قعدت نوره تمسح على راسه لين رقد ورقدت هي معاه
...................................................
رأيكم وتوقعاتكم يالحلوين😘❤️

🔸ابا رأيكم على كل شخص ف الروايه ؟؟! ومنو حبيتو اكثر ؟!

🔴 سامحوني على التأخير .. الأفكار ما تطلع بسرعه .. مخي ماخذ اجازه وما يبا يفكر << الحبيب ما خذ اجازه قبلي