أحتجتلك يا أطيب بشر وين ألاقيك؟؟

18

قعدت اتصيح من الالم .. تبا توقف بس ما تقدر ..ريولها ما تشيلها .. قعدت تزحف لين وصلت للفون .. ودقت على الأرقام وثواني ورد الطرف الثاني
دانه وهي تصيح: الو
هند:هلا دانه
دانه: هند الحقيني .. ذبحني هند ذبحني
هند بخوف: بسم الله شفيج تصيحين .. ومنو هذا الي ذبحج
دانه: ريلي ال.. منو غيره .. هند الله يخليج تعالي شليني .. اخاف اي الحين ويرد يضربني
هند: دانه دانه .. اسمعيني .. طرشيلي لوكيشن بيتكم او اي شيء لاني ما ادل البيت وانا بكون عندج ان شاء الله
دانه:ان شاء الله .. بس بسرعه هند أخافه يرد ويبهدلني اكثر
هند: لا تحاتين ما بيسوي فيج شيء ( وسكرت عنها)
جود: منو هذي
هند: تذكرون البنت الجميلة الي يت بحفلة الملجه
الكل: هيه
هند: هي الي متصله عليّ .. ريلها ضاربنها ضرب
نجود: الله يعينها الصراحه .. وياخذ الريايل الي يمدون أيدهم على حريمهم على اتفه الأسباب تحت مسمى الرجولة
هند: لو تعرفين قصتها جان قتلتي ريلها مب بس دعيتي عليه
نوره: والحين انتي رايحة عندها؟!
هند: اكيد بروح البنت متصله عليّ واتصيح تباني أساعدها
نوره: لا تقولين انج بتروحين بروحج
هند: عيل شو تبيني اسوي .. بروح الحق عليها قبل لا ريلها يرد ويزيدها ضرب
نوره: هند لا تروحين بروحج .. صدقيني ذياب بيعصب .. بروحه معصب عليج عشان قبل شوي
هند: لا تحاتين بستأذن منه .. وبعدين يمكن اروح معاه او مع فهد .. اخاف اروح بروحي اي ريلها ويكفخني انا بعد
جود: طمنينا عليج
هند: ان شاء الله .. حسستوني بروح أجاهد
البنات: هههههههه
..............................................
ف مكان ثاني .. قاعد يتمشى بسيارته وهو ماسك ايدها ومعصب .. وهي تحاول تهديه
حمد: خلاص مها لا تحنين على راسي
مها: افا حمد الحين انا احن عليك .. بعدين انا قتلك طلقها ما قلت اضربها
حمد: قتلج انا ما ضربتها الا لانها غلطت عليج وانا ما ارضى بهالشيء
مها: حبيبي دام انت معصب عليها جذي طلقها ليش مخلنها على ذمتك
حمد: بطلقها وعشانج بس
مها: فديت حبيبي انا
حمد: وين تبينا انروح
مها: اممم انت شكلك تعبان وأعصابك تعبانه .. روح محل عصائر وخذلك عصير وبعدين ردني البيت .. وانت بعد رد البيت وريح نفسك
حمد وهو يأشر على عيونه: من عيوني يا عيوني انتي
مها بدلع: حياتي ههههههههههههه
............................................
كان قاعد يخطط شو يسوي .. و مجتمع مع الريايل عشان يعطيهم يوزع عليهم المهام
الزعيم: اسمعوني .. انا ابا كل واحد من عائلة سعيد محمد ال.. تدمر .. أباهم يضيعون ويتشحتون من مكان لمكان
الريال1: نحن تحت امرك يا الزعيم انت بس اشر وكل شيء بيكون مثل ما تبا
الزعيم: عفيا عليك يا جاسم .. جذي أباكم نفس جاسم قول وفعل .. الشيء الي لازم تعرفونه .. اني انا أباكم ادمرون هالعائله الا اثنين .. جود ونجود .. اذا هالاثنين ياهم شيء حتى لو شمخه ما بتسلمون من ايدي .. فهمتوا
الكل: فاهمين
الزعيم: والشيء الثاني انا قلت ابا الكل يدمر يعني الكل .. من اكبر واحد فيهم لين اصغر فرد عندهم .. أباهم كلهم يعانون .. واباكم تراقبونهم عدل وين يروحون ووين يردون ومتى يجتمعون .. ابا اعرف كل شيء عنهم وبالتفصيل الممل ما تنسون شيء .. حتى الخدم راقبوهم لان نحتاجهم بعدين .. فهمتوا
الكل: فهمنا
جاسم: أنزين بالزعيم تبانا نقضي على منو اول شيء
الزعيم: بنبدأ اول شيء ب...
.......................................
ف مكان اول مره انروحه .. كانت امهم قاعده فالصاله تشرب شاي .. وهم حواليها يسولفون .. كانوا مستانسين لان ابوهم محد ف يحسون بالحرية شوي
حامد وهو يراوي امه اللاب: امايه شوفي السياره هذي .. شرايج فيها
ام حمود: حلوه ما شاء الله بس ليش تسأل ؟!
حامد: هههههههههه ليش بعد الله يهديج يالوالده عشان اشتري السياره
حمود: وانت ما تعبت من كثر ما تشتري وتبيع فهالسياير
حامد: ياخي احب شيء اسمه سياره .. أتمنى يكون عندي شركة سيارات .. وجي كل حد اي يشتري .. ولا انا اطلع بالسياره الي انا اباها بدون محد يقولي شيء .. اااخ بس شعور حلو الصراحه
حمدان وهو يلعب بليستيشن: من كثر ما تشتري سيارات صار ما عندنا باركن عشان السياير الباقيه .. وانا قريب بأخذ الليسن وباخذلي سياره وين تباني احطها ان شاء الله