أحتجتلك يا أطيب بشر وين ألاقيك؟؟

8

هند دخلت بيتهم وعلى طول على غرفة فهد .. بطلت الباب
هند: فهههههدددددد !!!!... فهددد شو سويت يا فهد حرام عليك حرااام !!!
كان فهد كاسر الزجاج وشال قطعه منه وقطع ايده .. طلعت هند من الغرفه وراحت غرفة امها بس ما حصلتها طلعت وراحت قسم اخوها وقعدت اتدق الباب .. شوي وطلع فارس وهو منزعج من الدق
فارس:هندوه شفيج .. حد يدق الباب جذي
هند وهي تصيح: فارس .. فارس فهد .. روح شوفه
ركض فارس غرفة فهد وشاف المنظر شله على طول ووداه المستشفى مع هند .. وصلوا المستشفى ودخلوا فهد غرفة العمليات ... وبعد انتظار ساعه كامله طلع الدكتور وكلم فارس وراح .. شوي وطلعوا فهد وودوه وحده من الغرف ..أما هند ف كانت منهاره ما تعرف شو اتسوي كل مره تيها فكره عن السبب الي خلا فهد جذي يسوي
فارس وهو يحضنها: بس هندوه مب زين جذي اتصيحين بتتعبين بعدين
هند: فارس شو قالوا لك عنه .. شو قالك الدكتور
فارس: اول شيء اهدي .. الدكتور قال ان هذي محاولة انتحار .. والحمدلله ان ما نزف وايد وتلاحقنا عليه لانه قاطع الوريد والحمدلله انه ما وصل للشرايين ولا كان بيموت
هند سندت ايدينها على ريولها ومسكت راسها: الحمدلله يا رب الحمدلله .. يارب انك تحفظه يا رب .. يا رب سامحه .. يا رب شافه يا رب
فارس وقف: قومي خلينا انرد البيت
هند: ما ابا ارد .. بقعد عند اخوي
فارس: مستحيل اخليج تقعدين معاه .. اليوم حاول ينتحر وإذا خليتج معاه ما ادري شو بيسوي فيج .. يلا امشي معاي البيت بسرعه
هند بعصبيه: خلااص فارس روح ما ابا اي معاك .. بقعد عند فهد .. خل يسوي الي يسويه فيني عادي .. بس ما بخلي اخوي بروحه فاهم!!
فارس طلع من بوكه فلوس وفره عليها: متى ما شبعتي من عنده ردي البيت انا مب مستعد اركب ميانين معاي
هند بابتسامه الم: مشكور وما تقصر ... يا... اخوي هه
طلع فارس معصب من عندهم وركب سيارته وراح البيت دخل وشاف أميره وأمه قاعدين فالصاله و يتريونه
ام فارس بخوف : فارس يمه شفيك .. هند اختك شفيها سمعتها اتصارخ من شوي
فارس وهو يبوس راس امه: ما فيني شيء يالغاليه .. بس هالمينون حاول ينتحر وهند خافت وقَعَدت اتصارخ و وديته المستشفى
ام فارس: مات!!
فارس: للأسف لا
ام فارس: الحمدلله يا رب .. وأختك وين
فارس: ما طاعت تي معاي تبا تقعد عنده الحبيبه خايفه عليه
ام فارس: جان سحبتها معاك شو تبا تقعد عنده تخبلت هذي ولا شو؟!!
فارس: يمه تعرفين بنتج عنيده ورأسها يابس .. طولت لسانها عليّ وقَعَدت
ام فارس: حسبي الله ونعم الوكيل .. حسبي الله ونعم الوكيل
أميره : عموه مب زين تتحسبين عليهم
فارس: أميره روحي فوق بسرعه
أميره: وانا شو قلت الحين عشان تمشيني ها
فارس بصوت عالي: اميييييييررررهه !!!
قامت أميره من مكانها وراحت غرفتها وفارس قعد مع امه شوي وبعدين راح فوق
.........................................
عند هند اول ما طلع فارس .. قربت كرسيها من فهد ومسكت ايده الي ما فيها شيء ونزلت راسها وقَعَدت اتصيح .. ما تتخيل انها تفقد صندوق اسرارها .. ما تتخيل انها تفقد اغلى واعز ناسها من بعد ابوها .. ما تتخيل ان اَهلها كلهم يشلون حقد وكره اتجاه الانسان هذا .. اتجاه واحد قلبه ابيض وف حياته ما كرهم ولا حقد عليهم و على معاملتهم له .. دايماً يحميهم من اشياء هم يجهلونها .. قعدته بيت الكتب واللاب والتلفزيون مب ع الفاضي .. شوي حست هند بحركه ..رفعت راسها شافت فهد واعي وقاعد يطالعها ويبتسم .. والشيء الي صدمها اكثر وأكثر دموعه الي نزلت .. تقربت منه و باسته على راسه ومسحت دمعته
هند: ليش سويت جذي .. ليش.. لهدرجه إيمانك ضعيف .. تبا تدخل جهنم فهد .. ما تبا الجنه .. ما تبا تقابل الله ورسوله .. ما تبا تشوف ابوك
فهد: اسف هند .. بس كان لازم اسوي جذي
هند: ليش .. شو هالشيء الي يخليك تفكر تنتحر .. مينون انته مب صاحي
فهد: ما كنت ابا انتحر .. كنت ابا ابعدج عن البيت شوي
هند باستغراب: تبعدني عن البيت .. تقوم تقطع ايدينك .. فهد كلمني بالمنطق
فهد: تذكرين المجهول الي كلمتج عنه .. اليوم شفته ف حارتنا وكل شوي قاعد يدور .. اتصلت فيه وقال انج اليوم ما بترجعين البيت ابداً اذا شافج .. يعني كان ناوي يخطفج ويقتلج .. وسويت جذي عشان تبتعدين عن البيت وما يقدر يسوي شيء وقتها .. ادري بتقولين كان في مليون طريقه غير هذا .. بس بعد ادري انج عنيده وبتقعدين تسألين وايد اسئله و وقتها ما ينفع شيء
هند حضنته وصاحت: اسفه فهود .. والله اسفه .. مره ثانيه لا تسوي شيء مينون مثل هذا بس عشان تحميني
فهد: والله لو ان موتي فيها سلامتج جان مت .. كله ولا دلوعة ابوي تتأذى
هند: بسم الله عليك .. الله يرحمه ويغمد روحه الجنه يا رب
فهد: امين يا رب .. بس تعرفين من تملجين انا بكون مطمن ومرتاح لانج وقتها بتكونين تحت حماية جندي
ابتسمت هند
فهد: هههههههههههههههههههههه .. ويا راسج طع الويه كيف استوا من المستحى .. اسميه ذياب مسوي فيج علوم عاد .. انا بس قلت اسمه استحيتي باجر بيكون مجابلنج شو بتسوين وقتها ها !!؟
هند بخجل : يلا عاد يالسخيف اففف ... خلاص برد البيت انا
فهد: ويا منو بتردين ؟
هند: ويا التكسي.. فارس عطاني فلوس عشان ارد معاه
فهد: شو مينون هذا .. اقعدي هني ودقي حق اي حد اي يشلج
هند: يعني ادق حق منو ها .. فارس قال اذا طلعت ما برد
فهد: دقي حق ذياب
هند: مستحييييييييييييييييييل ... انا تضاربت معاه قبل شوي
فهد: ما عليه روحي معاه وراضيه ما في شيء صعب
هند: .....
فهد: هندووه يا تردين البيت مع ذياب يا تقعدين معاي لين اطلع
هند: ليش يعني ذياب بالذات ليش مب حد ثاني
فهد: انا ابا ذياب .. اتصلي فيه وقوليله ايج المستشفى .. وبعدين خليه اي الغرفه قبل لا تطلعين معاه ولا تركبين السياره الا وانا مكلم ذياب سمعتيني
هند: اوك اوك ..افففف كيف صاير حنان.. كأنك حرمه حامل اففففف
فهد وهو كاتم ضحكته: هندووووووه يالعنز
هند: ههههههههههههههههه انزين خلاص خلاص
...................................................
عند ذياب كان ف ميلس واحد من ربعه ومعاه عيال عمه وربعهم متجمعين وسوالف وغيره
حامد: ولد عمي شفيك يا ريال .. اشوفك اليوم قاعد بروحك وزعلان.. شسالفه!؟؟؟
ذياب: ما فيني شيء .. محمد اخوك ما قالك متى بيرجع ؟؟!
حامد: لا والله .. اصلاً نادر ما يتواصل معانا .. اذا بيتصل اتصل فأمي خمس دقايق ويسكر بس
ذياب: ما عليه اعذروه مشغول الولد .. عنده كم شغله وبيرد لكم ان شاء الله
حامد باستغراب: مشغول ف شوه .. وبعدين انت شدراك!!
ذياب توهق : اااا .. مشغول فال.. فالدراسة .. وأنا .. اقول جي مجرد اجتمال لا اكثر ولا اقل
حامد: ايوااااااا
شوي ورن فون ذياب وكانت المتصله هند .. طلع برا ورد عليها
ذياب: نعم
هند: ااا ... ذياب انا اسفه على الموقف الي قبل شوي .. والله كنت مستعيله وخايفه على فهد .. وانت الله يهداك وقفت قدامي وتبا اتسولف
ذياب:...
هند بنبرة حزن: ذياب فهد حاول ينتحر.. ويوم عرف فارس لانه هو الي كان يايبنه المستشفى .. عصب وقعد يعق كلام وبعدها طلع
ذياب:....
هند: اذا انت بعد أتفكر ان اخوي مينون .. تراك غلطان .. ذياب فهد اصحى عني وعنك .. فهد يحمي العائلة كلها .. وبالمقابل شوف هم كيف يعاملونه والله حرام يعني لو حد ثاني كانوا بيتعاطفون معاه
ذياب ببرود: انتي وين
هند: فالمستشفى
ذياب: اي مستشفى ؟؟
هند :ال*****
وسكر فويهها .. هند عصبت منه ودخلت عند فهد وراحت عنده وووو....
✖️✖️✖️✖️✖️✖️✖️✖️✖️✖️✖️✖️✖️