أحتجتلك يا أطيب بشر وين ألاقيك؟؟

35

في المستشفى كانت ام خليفه منهاره وتصيح وخوله قاعده عندها وتحاول تهديها وخليفه يحاول يهدي ابوه الي معصب وناوي على حمد وأما ميره فكانت واقفه ف الزاويه تراقبهم بصمت 
ابوخليفه: كنت حاس ان ورا هالولد مصيبه .. من كثر طلعاته و مبيته برا البيت
خوله: يبا الله يخليك اذا شفت حمد لا تقعد تتجادل معاه كلمه شوي شوي انصحه
ابوخليفه بعصبيه: بعد كل الي سواه وتبيني انصحه انا لو مب ف المستشفى جان ضربته ضرب ورغته من البيت
خليفه: هد أعصابك يا ابوي وكل شيء بينحل.. حمد هذا انا بتفاهم معاه ولا يهمك بس انت لا تعب نفسك عن يرتفع ضغطك
ابو خليفه: لا حول ولا قوة الا بالله .. لا حول ولا قوة الا بالله
.........................................
ف بيت ام فارس قسم فارس
كانت قاعده تمشط شعرها وتكلم اختها بالفون .. شوي ودخل فارس وسلم
اميره: انزين اقولج انا بعدين بكلمج .. يلا مع السلامه
فارس: شو مستوي ف البيت
اميره: حمد طلع متزوج بالسر من سنه تقريباً 
فارس: اوووف .. وكيف عرفوا
اميره: ظرف كان على الباب وشافه خليفه
فارس: لا حول ولا قوة الا بالله
اميره: مشغول اليوم ولا
فارس: ليش شو تبين
اميره: ابا اروح عند امي
فارس: ليش
اميره بطلت عيونها: شو الي ليش امي بروح ازورها
فارس: انزين انزين .. ببدل وبوديج
اميره: ما بترتاح
فارس: لا بوصلج وبي ارتاح وبعدين المغرب بي وراج
اميره وهي تمسك ويهه: شفيك .. في شيء مضايقك في شيء ماخذ تفكيرك تحاتي شيء .. شفيك؟!!
فارس وهو يمسك ايدها: لا تحاتين ما فيني شيء بس شوية مشاكل ف الشغل
اميره: خلاص دام جذي مب لازم توديني بروح يوم ثاني ان شاء الله
فارس: لا بوديج قومي لبسي عباتج وبوصلج عند اهلج بعدين بي هني وبرتاح ... ما اباج تقعدين هني وسط المشاكل وصراخ ولويه .. روحي عند اهلج احسن
اميره: ان شاء الله
.......................................
ف هولندا / أمستردام بالتحديد قدام the amsterdam dungeon
نوره وهي تسحب محمد: خلاص خلنا نروح شوف كيف زحمة
محمد وهو يمسك ايدها: لا يا عمري خلاص وصلنا وبندخل بعد شوي
بعد ثلاث دقايق دخلوا ونوره كانت خايفه وترتجف وكانت ماسكة ايد محمد بالقو ومرات تعصر عليه .. وكل ما طلع لها شيء تصارخ وتلصق ف محمد وتموا على هذي الحاله لين خلصوا وطلعوا
محمد: ها شرايج بالمكان
نوره: اسكت عني بس ولا تكلمني فهمت
محمد: هههههههههههههههـ ليش عاد نوير قلتي لي انج ما تخافين
نوره: سخييييييف
ومشت عنه وهو تم يمشي وراها و يناديها .. يت تبا تعبر الشارع بس في شيء علق ف جوتيها ونزلت تبا تشوفه وما انتبهت للسياره الي يايه صوبها .. شوي سمعت صوت محمد وصوت هرن السياره رفعت راسها
نوره: مححمممممدددد
ما حست بنفسها الا وهي ف حضن واحد
محمد: انتي بخير
نوره هزت راسها بهيه
محمد بعصبيه : مينونه انتي حد يقعد ف نص الطريق يعني ما تشوفين السيارات ولا شو
نوره نزلت راسها
محمد وهو يرفع راسها: يوم اكلمج ردي عليّ .. ما سمعتيني ازقرج ولا بعد صمخه
نوره قامت عنه ومشت .. تقدمها محمد ومسك ايدها ومشاها معاه لأقرب كوفي وقعد وقعدها معاه
محمد: اسف لاني عصبت عليج .. خفت عليج لا يصير فيج شيء ولا تروحين من ايدي .. وغير هذا كنت ازقرج وانتي مسوتلي طاف
نوره كانت لافه ويهها واتطالع العالم ومطنشتنه
محمد: تبيني اطلب لج شيء معين ولا اطلب على ذوقي
نوره:...
محمد: نوره اذا تميتي جي ومطنشتني تراني بخليج وبروح
نوره:.....
محمد قام من عندها وراح قعد ف الطاوله الا عند طاولتهم وكان فيها بنت
محمد:hi
البنت:ها.... محمددد!!! .. ما اصدق شو تسوي هني
محمد: ما شيء والله ياي اخلص دوره تعليميه وسياحه
البنت: ياي بروحك
محمد: هيه " وبعدين قال بصوت واطي وهو يأشر على نوره" .. ياي مع الحرمه
البنت بطلت عيونها وبصوت واطي: تزوجت!!... متى؟!!!
محمد: من أسبوعين
البنت: انزين ليش قاعده بروحها
محمد: انا قمت عنها زعلانه وابا اقهرها
البنت: هههههههههههههههههه لا يكون مسوي مقلب
محمد: تقدرين تقولين جذي
البنت:حرام عليك توها عروس وجذي تسوي فيها
محمد: عادي عشان تتحمل الصعاب
البنت: ههههههههههههههههههههه يا حلاة السوالف وياك والله
محمد ابتسم لها
البنت: اقولك قوم روح عند حرمتك شوفها كيف تكسر الخاطر
محمد:  ان شاء الله ... بس عطيني رقمج عشان نشوفج مره ثانيه
البنت: من عيوني
خذ رقم البنت وبعدين راح عند نوره
محمد: ها هديتي ولا بعدج معصبه وزعلانه
نوره: ابا ارد الفندق
محمد: بعدني انزين ما شربت الكوفي
نوره: محمد قوم ردني وبعدين اطلع بروحك
محمد: انزين قومي بردج فرصة بعد عشان اطلع معاها نوره طالعته بنظره ومشت معاه
.........................................
عند الزعيم
الزعيم: ها شو سويتوا
راشد: ودينا الظرف ودقينا الباب ورحنا
الزعيم: في حد شافكم
راشد: لا ما في حد شافنا راقبنا المكان عدل
الزعيم: حلو حلو ... والله يا حمد طحت ف ايدي وشو الي بيفكك مني ههههههههههههههههههههههه
راشد: انزين يالزعيم مب لازم انفرق بين حمد ومرته
الزعيم: مب الحين ..الإنسان عشان اتشوفه ذليل لازم تكسره مرتين .. وحمد بيصير فيه نفس الشيء .. اول شيء أهله الي بيتبرون منه اكيد وبعدها حرمته يوم بتشوف خيانته مع مها ههههههههههههههههههه
راشد: يالزعيم انت تعرف ان مها ما تسوي شيء قبل لا تاخذ مبلغ وقدره
الزعيم: ما عليك خل مها عليّ وانتو ما عليكم الا انكم تنفذون الي اقولكم عنه
............................................
ف المستشفى وصلوا حمد ودانه
دانه: تعرف وينهم
حمد: هي اعرف
دانه: انزين شوي شوي شفيك تركض
حمد لف عليها: شفيج
دانه: حمد راسي احس برد اطيح
حمد وهو يمسك كتوفها: دانه الله يخليج قوي نفسج نحن وصلنا وما نبا نرد قوي نفسج
دانه: ان شاء الله بس خلك ماسك ايد
حمد مسك ايدها ومشى معاها .. دق الباب ودخلوا
حمد: السلام عليكم
ابوخليفه بعصبيه: ولك عين بعد ياي لين هني يا مسود الويه
خليفه: ابوي هد أعصابك الأمور ما تنحل بالطريقة هذي
حمد: يبا اسمعني قبل لا تحكم عليّ بأي شيء
ابوخليفه: شو تباني اسمع منك .. تباني اسمع سواد ويهك معاها ولا الطريقه الي اتزوجتوا فيها
حمد: يبا احبها ... احبها ومااقدر اتخلى عنها ووقتها كنت صغير وأتزوجتها لاني احبها .. وخليته بالسر لاني كنت حاط ف بالي انكم ما بتقبلون اتزوجوني إياها لانها مب من ثوبنا
ابوخليفه: دامك تعرف انها مب من ثوبنا ليش اتزوجتها... شو تباني اقول حق الناس باجر ولدي خذ وحده مب من ثوبنا وحده ما نعرف لا اصلها ولا فصلها .. تبا الناس يتشمتون عليّ يا حمد تباني اصير مضحكة قدام النااااااس هذا الي تباه
حمد: يبه من متى انت تفكر ف كلام الناس .. ومن متى يهمك اصلاً كلام الناس .. وبعدين يبا انا ما سويت شيء غلط انا تزوجت على سنة الله ورسوله واذا على البنت والله والنعم فيها ذهب .. صدقني يا بوي ان ما يهمني لا اصلها ولا فصلها دام اني احبها واغليها
ابو خليفه: هه قومي يا موزه وسمعي ولدج كيف يتكلم .. حمد صار ريال .. حمد قام يرادد ابوه ويبا يسوي الي ف راسه
حمد: يبا افهمني والله احبها ومب قصدي اني اراددك والله العظيم .. وانا بسوي الي تباه الي تباه يا ابوي بس انت امر
ابو خليفه: طلقها ... مب تبي رضاي طلقها وقدامي بعد
حمد: يبا انت شو تقول يمه تكلمي قولي شيء .. والله ما اقدر اطلقها حرمتي هذي وأحبها وأباها وما بلقى احسن عني
ابوخليفه : طلقها وخذ نجود بنت عمك
دانه وهي ترص على ايد حمد وهمست له: حمد م ممم ما اقدررر
ومن خلصت جملتها طاحت غشيانه
.....................................
ف ألمانيا
كانت منسدحه على الكنب و ماده ريلها  .. شوي ويا ذياب وحط عليها كمادات بارده
ذياب: الحين انتي ليش معانده وما تخليني اوديج المستشفى
هند: لان ما فيني شيء وبعدين الحمدلله مب جرح ولا كسر
ذياب: حتى لو لازم يشوفونج ونطمن
هند: ريلي وانا اعرف اكثر عنهم
ذياب: عنيده عنيده .. ما عليه اذا الورم هذا ما خف لين الفليل بوديج المستشفى
هند: اوك
ذياب: انا الحين بروح ايب لنا غدا وبيبلج كريم حق ريلج
هند:اوك بس خذ معاك مظله شكله بينزل مطر الجو مغيم والدنيا صايره كانها الفليل
ذياب:ان شاء الله .. ديري بالج على نفسج ولا تبطلين الباب حق حد لان عندي مفتاح
هند: ان شاء الله
باسها على راسها وطلع وتمت هند اتطالع فلم حاطينه على التلفزيون واندمجت فيه .. مرت ساعه وخلص الفلم وهيه غفلت وفجأة سمعت صوت الرعد وفزت من مكانها .. راحت عند الدريشة وشافت الدنيا غرقااانه وبرق ورعد وهوا قوي وما في حد يمشي .. خذت فونها واتصلت ف ذياب مرتين ثلاثه اربعه... عشره بس ما يرد عليها خافت وتمت تحاتي وتدعي انه يرد .. لفت تبا تدخل الغرفه بس سمعت صوت الباب التفت صوب الباب الي تبطل بس ما قدرت اتشوف منو الموجود بسبب البرق الي ضرب والكهربا الي انقطعت
هند بخوف: ذياب وصلت ... ذياب انت الي عند الباب .. ذياب اذا انت قرب شوي لا تخليني بروحي تعرفي اني اخاف من الظلمه .... ذياااب شفيك ساكت ليش ما ترد عليّ
صوت من وراها: لانه مب ريلج ... انا جاسم يا بعد عمري .. شفت الجو مطر ومحد يمشي ف الشوارع قلت خلني اي عندج وباقي شلتي يشوفون شغلهم مع ذياب
هند لفت وراها وبصوت عالي: انت شو تسوي هني .. اطلع برا و وينه ذياب وين وديتووووهههه
جاسم مسكها من رقبتها وبهمس: اشششششش صوتج لا يعلى عشان ما اقتلج وافرج.. سوي الي اقولج عنه وبتكونين بخير
هند وجسمها يرجف وصوتها نفس الشيء: الله يخليك خلني ف حالي شو تبا فيني منو انت وليش تلاحقني انا ف حياتي ما ضربت حد ولا سويت لحد شيء .. انت من وين طلعت لي
جاسم وهو يتقرب منها: انا الله يسلمج واحد من عصابة الزعيم .. تعرفين الزعيم ... امممم انتو شو تسمونه شو تسمونه .. هيه المجهووول ههههههههههه ... انا من صوبه ومهمتي هني اني اقتلج انتي وذياب وارد البلاد وانشر الخبر بين أهلج
هند: شو سويتلكم شو تبون مني
جاسم: للأسف مب انا المتأذي الزعيم هو الي متأذي وناوي على اهلج كلهم
هند: ليش شو السبب
جاسم وهو يمسك ويهها: امممم حبي مب كأنج تسألين وايد
هند وهي أتدزه:وخرررر عنيييي لا تقرررب تحمل انك تتقرب منييي
جاسم: شفيج شفيج ليش هالعصبيه
هند تمت تضربه واتدزه لين دعمت الطاوله .. تحسست الطاوله وكان في قلاص .. خذته وتمت تتبع صوت خطوات جاسم بس ما في حس فجأه حست حد وراها وما مداها تلتفت الا وهو ماسك حلجها حاولت اتدزه بس ما قدرت .. شاتت ريله عند الركب وسمعت صراخه لفت وفرت القلاص وشردت تتحسس اليدار لين دخلت غرفه وقفلت الباب وتمت اتصيح ف زاويه .. حاول جاسم انه يفتح الباب ويكسر لين نجح ف هالشيء ودخل عليها وهند خلاص بتموت من الخوف مب قادره توقف من الرجفه وتمت اتصارخ وتحاول تبعده عنها وتفر اي شيء ايدها تي عليه
جاسم : اششششش اذا سمعت صوتج بعد بقتلج
هند وهي تصيح: خلاص خلني ف حالي شو تبا فيني شووووووو ... ذياااااااااااااب ذيااااااب الحقني .. الله ياخذك ان شاء الله ... انت والي معاك
جاسم مسكها من رقبتها ورفعها لمستواه وقال بعصبيه: نفس واحد اسمعه منج بعد نهايتج على ايدي فه...
ما حس الا بواحد ماسك قميصه من ورا وساحبنه وقعد يضربه ويضربه وصارت ضرابه بينهم لين اخر شيء دز ذياب عنه وطلع برا يركض
ذياب وهو يروح عند هند: هند فيج شيء انتي بخير
هند قاعده ف زاويه وتصيح: وخر عني لا تقرب صوبي لا تقرب صوبييي
ذياب: حبيبي انا ذياب .. تعالي تعالي معاي
هند وهي تتنفس بصعوبه: ظلام ذياب ظلام ظلاااااام
ذياب: انا معاج انا معاج انتي بس تعالي حطي ايدج ف ايدي وقومي معاي يلا
هند: ما با ما با لا تقرب
ذياب شغل فلاش من فونه و حطه عليها: تعالي الحين في نور .. تعالي خلينا نطلع من هني
هند وقفت ويت تبا تمشي بس ما قدرت وطاحت مغمي عليها
.........................................
شو تتوقعون بيصير بعد الأحداث هذي؟؟!🤔🔥