عند حمد ودانه .. كانوا ف المحل وقاعدين يشوفون القطاو دانه: شوف هذي حلوه حمد: ما شاء الله تشبهج دانه ضربته على بطنه: حمددد .. شو تشبهج حمد: هههههههههه امزح معاج يا عمري انتي احلى دانه عقدت حوايبها: جب جب اوك حمد: خلاص انزين اختاري الي تبيه عشان نروح انحوط عدل دانه: ما ادري خله يطلع لنا ذكر وانثى بس يكونون صغار حمد زقر الريال وقاله مثل ما قالت دانه .. والريال طلع له احلى قطوتين وسبحهم ونظفهم وعطاهم اياه مع الاغراض والاكل والادويه والفيتامينات الي ممكن يحتاجونها وادوات التنظيف حقهم .. شلت دانه قطوه وتمت تلعب فيها اما حمد ف دفع الفلوس وراحوا السياره حمد: مستانسه دانه وهي تلعب مع القطوه: وايد وايد وايد .. مشكور حبيبي على اليومين الحلوين هذيل حمد: مديمه الفرحة يارب
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
...................................... عند محمد.. بعد ما فرغ عصبيته بالزقاير دخل الغرفه وشاف نوره قاعده تاكل ثلج واتطالع تلفزيون محمد باستغراب: انتي شو قاعده تاكلين نوره : ثلج مجروش محمد: وليش تاكلين ثلج نوره: اااااه يا ربي بدينا .. اكله لاني اشتهيه بعد ليش محمد قرب منها: انتي بكامل قوا.. قاطعته نوره وهي تسكر خشمها: قوم عني ريحتك زقاير يعععععع ... محمد قوم والله الريحه تلوع بالجبد محمد ابتعد عنها: قمنا قمنا .. بروح اتسبح نوره: زين اتسوي وعق الكندوره ف الزباله محمد لف عليها: انتي اخر شيء بتخليني اعق كل ملابسي نوره: ما اتحمل الريحه هذي محمد: استغفر الله العلي العظيم .. ما بعق شيء بعطيه امايه تغسله ارتحتي نوره طنشته وتمت تاكل الثلج .. اما هو دخل يتسبح ولما طلع لقاها بعدها مع الثلج محمد: ما شاء الله الثلج هذا ما ذاب ولا خلص نوره: خلص كحححح كححح .. ورحت يبتلي كححح كحح ..مره ثانيه محمد: بسج خلاص لا تاكلين بتمرضين بعدين نوره حطت الكوب: خلاص اصلاً شبعت ومزاجي تعدل الحمدلله محمد قعد عندها وهي حطت راسها على كتفه محمد باس راسها: شفيج نوره: ما فيني شيء .. بس احاتي علاقة ميره و وليد محمد: لا تحاتين ما بيصير بينهم شيء غير الخطبه وخلاص نوره: بس نحن لازم نوضح حق ميره حقيقة وليد محمد: ما بتصدق حتى لو شافت الشيء بعينها ما بتصدق نوره: كله مني .. اصلاً انا الغلطانه لاني ما كلمتها من البدايه محمد: شو تقصدين نوره تنهدت: تذكر اول ما يا وليد هني .. ميره كانت معجبه فيه وكانت دايماً تتكلم عنه واتدافع عنه ومرات تتغزل فيه قدامنا .. وانا كنت اهددها مرات ومرات اسكت عنها .. وبعدها انشغلت ب مصايبي محمد بعدها عنه: لين الحين تعتقدين ان زواجنا مصيبه نوره تمت ساكته واتطالعه محمد: تكلمي !! نوره: قبل لا اعرفك هيه كنت حاطه ف بالي انك مصيبه بالنسبه لي ومستحيل ارتاح معاك يوم واحد .. اما الحين بعد ما عرفتك عدل اقول انك احلى مصيبه صارت لي واحمد ربي عليك ليل ونهار .. حتى ادعي لامي انها غصبتني اخذك وما سمعت لرفضي لك محمد ابتسم: الحين جذي انتي قاعده تمدحيني ولا تذميني نوره: ههههههههههههههه ردت راسها لكتفه وكملت سوالف معاه .............................................. ف المستشفى ذياب كان قاعد ويطالع ف اللا مكان يبا يتكلم يبا يسوي شيء بس مب قادر يحس في شيء يمنعه من هذا كله خوله وهي تمسح دموعها: ذياب قوم خلنا نرد البيت لازم نبلغ الكل ذياب هز راسه بلا خوله: ذياب قعدتنا هني ما منها فايده قوم خلنا نرد ذياب :.... خوله تنهدت واتصلت ف خليفه وخبرته عن حالة هند و وصته يبلغ الكل ... نص ساعه والكل كان موجود ف المستشفى الا ( محمد ونوره..اميره..خلود وبناتها..اليد واليده..عيال خوله..حمد ودانه) ام فارس والدموع متحجره ف عينها: شفيها بنتي .. شو ياها امس ما كان فيها شيء خوله: عموه ما ندري شو الي صار بالضبط ..حاولنا نواعيها الصبح وما ردت علينا ويوم يبناها قالو انها دخلت ف غيبوبه فارس: انزين وشو سبب الغيبوبه خوله بلعت ريجها: زيادة ف جرعة الانسولين فهد بصدمه: مستحيل كيف يعني زياده ف جرعة الانسولين .. هي ما كان فيها الاعراض هذي .. وبعدين انا اعرف ابرها عدل نفس الجرعه .. وما كان عندها موعد عشان يزيدون من الجرعه خوله تمت اتصيح: قالوا ان معظم الي دخلوا ف الغيبوبه هذي ما قاموا منها الكل علت اصواتهم وذياب سكر عيونه بألم مب قادر يستوعب الي يصير من جهه ثانية كانت نجود حاضنه جود واتصيح منهاره : ليييش هند لييش .. ليييش جذي صار فيهااا جود همست لها: اهدي نجود اهدي .. ان شاء الله بتقوم ان شاء الله نجود ابتعدت عنها: امس امس قالتلي انها تحبنا و قالت اعتبركم خواتي الي ما يابتهم امي .. امس كانت تكلمني ولا كانه فيها شيء .. كانت بخير .. ما كان فيها شيء كانت تضحك واتسولف معانا .. كك.. وانقطع صوتها من كثر الصياح شوي و وصلوا دانه وحمد .. دانه لما عرفت بالخبر انهارت حالها حال البقيه وحمد كان يحاول يهديها .. دقايق و وصلوا محمد ونوره .. نوره وصلت وعلى طول راحت عند ذياب الي كان قاعد ف زاويه بعيد عن الكل والكل قاعد يراقبها نوره: ذياب وينها ذياب منزل راسه وما يرد على حد نوره رفعت راسه بعنف: تكلم وينها ذياب تم يطالعها واشر على الغرفه نوره: ليش .. ليش خليتها بروحها .. ليش انت مب معاها لييييششش محمد: نوره اهدي تعالي اقعدي نوره كانت معصبه والكل مستغرب عصبيتها ومصدومين من ردة فعلها نوره: وين الدكتور الي كان معاها خوله: نوره نحن تكلمنا مع الدكتور ما في فايده هند محتاجه دعانا نوره: ابا ادخل واقعد عندها لين تقوم .. ما ابا اخليها بروحها ف الوقت هذا خوله: مانعين حد يدخل عندها عشان ما تسبب لها مضاعفات نوره: مب على كيفهم .. راحت عند الباب تبا تفتحه وما قدرت تمت تحاول تفتحه وادق الباب عشان يفتحونه لين يا ذياب وسحبها ذياب بعصبيه ولاول مره ينطق: شو مفكره اتسوين يعني ها .. ما في فايده خلاص .. الي قاعده اتسوينه ابداً ما بيرجعها .. تعرفين شو قال الدكتور معظم الي دخلوا الغيبوبه ما قاموا منها يعني نسبة انها تقوم من الغيبوبه 1 % مس.. قاطعته نوره بكف وهي تتنفس بصعوبه من زود العصبيه: لا تقول عنها جذي .. هند اختي قبل لا تصير حرمتك .. بتقوم انا اعرف انها بتقوم .. الدكتور ما يعرف شيء اصلاً يكرهها .. الدكتور واحد من العصابه الي تهددنا .. الباب بينفتح وانا الي بدخل وبقعد عندها لازم ينفتح .. مب على كيفهم يخلونها بروحها .. هند اتخاف اتم بروحها وتكره المستشفى .. وبعدين ليش مسكرين الليت جذي هي تخاف من الظلام عندها فوبيا ليش تبون تخوفونها حمد: محمد رد نوره البيت .. المكان هذا مب مناسب حقها محمد: نوره يلا نوره: ما ابا اتحرك من هني .. بقعد عند هند محمد سحبها رغم اعتراضها وركبها السياره ..................................... عند وليد كان طالع برا المستشفى ويتكلم بالتلفون وليد: ههههههههههههههه هي هي دريت .. انا الحين ف المستشفى جاسم: الحين دور منو ؟! وليد: خلكم على ذياب وانا بجابل دانه .. لانها عرفت منو انا جاسم: انزين يالزعيم وفهد كيف الوضع معاه وليد: لا فهد ما يقدر يسوي شيء .. لاحظت عليه اليوم وشكله ما يدري عن شيء .. ف برايه هذا بنواجهه ف النهايه جاسم: خلاص تمام .. صح انت من فتره عطيتنا تعليمات عشان نوره ومحمد .. كيف الحين ؟! وليد: لا نوره ومحمد هذيل حاله خاصه بعد خلوهم عليّ .. والله وطحتوا ف ايدي يا عائلة محمد ال.. هههههههههههه دانه: تحلم اتصك شعره من راسهم فهمت؟! وليد لف وراه ببطء وبعدها ابتسم ابتسامه عريضه: انا وصلت لهم وقاعد ادمرهم واحد ورا الثاني .. حلمي قاعد يتحقق دانه: وشو بتستفيد ورا كل هذا ليش قاعد ادمرهم وهم الي كرموك وسكنوك عندهم وامنوا بناتهم عندك بعد وليد ببرود: ومنو انتي عشان اقولج كل شيء .. وبعدين شو قصدج ان امنوا بناتهم عندي .. هه هذيل خواتي وانا ما رديت الا عشانهم ولاني ما اباهم يتأذون مثل ما صار معاي دانه: انسان حقير وبتبقى حقير طول عمرك ويت تبا تروح بس وقفها صوته: ترا دورج قرب ف استعدي لفت عليه: ليش شو بتسوي فيني يعني هااا وليد: ما تدرين يمكن اخلي حمد يطلقج واقتل ابوج واروغ حرمة ابوج من بيتها واخذ بيتكم وااجره على ناس وبعدها اخليج تتشردين واقتلج دانه بلعت ريقها بخوف وعطته ظهرها ومشت عنه داخل وكل هذا وميره كانت تراقبهم عند الباب .. اول ما دخلت دانه انصدمت فيها وخافت انها سمعت الكلام الي دار بينها وبين وليد دانه: ميره شو تسوين هني ميره بعصبيه: انتي ما تستحين على ويهج .. هند داخل تعبانه والكل حالته حاله وانتي هني قاعده تتحرشين بخطيبي دانه: انا!!!! .. ميره حبيبتي شو الي قاعده تقولينه ميره: شو بتنكرين بعد .. انتي الي رحتي وراه ووقفتي نص ساعه وراه وفوق هذا كله تكلمتي معاه شو يعني هذا دانه: ميره انتي مب فاهمه شيء ميره صفعتها كف باقوى ما عندها: هذا لانج قربتي على شيء مب ملكج المره الثانيه عند حمد فهمتي دانه تمت اتطالعها وعيونها غرقت من الدموع .. تعدتها وراحت عند البقيه .. شافها حمد وتقرب منها دانه وهي منزله راسها: حمد ابا ارد البيت حمد: شفيج دانه: ابا ارد البيت تعبانه حمد هز راسه بتفهم واستأذن من الكل ورد البيت .......................................... بعد اسبوع .... ف بيت ابو حمود .. كانوا كلهم مجتمعين على الغدا الا نوره ام حمود: محمد وينها نوره ما تبا تاكل محمد: تعبانه امايه ما تبا تاكل حمود: الله يعينها ويعينا ويقوم هند بالسلامه يارب الكل: امين حامد: امايه ابوي وينه .. معقوله ما يعرف عن حالة هند ام حمود: لا يعرف عن حالتها .. بس يوم خبرته ما ابدا اي اهتمام عادي عنده الموضوع واليوم طلع يقول عنده شغل حمدان: الله يعينه على نفسه ما ادري كيف متحمل نفسه .. بعدين امايه ما ليقيتي تاخذين الا هذا المخلوق ام حمود: هذا نصيبي وانا راضيه فيه .. وبعدين انت تدري انه ما كان جذي قبل لا تنولد انت حمدان سكت ونزل راسه وقعد ياكل بهدوء .. كان ناسي الموضوع بس دايماً يذكرونه بالموضوع هذا .. اما ام حمود ف ندمت على زلة لسانها ام حمود: حمدان حمدان وقف: الحمدلله .. انا شبعت بروح ارتاح شوي حامد: يمه ما كان لازم اتذكرينه بالموضوع هذا .. جذي بيحس انه منبوذ وانه هو السبب بالمشاكل الي قاعده تصير معانا ام حمود: زلة لسان والله مب قصدي اني اضايقه او احسسه بشيء حمود: ما عليه حصل خير محمد: الحمدلله تسلم ايدج امايه على الغدا الحلو هذا ام حمود: بالعافيه عليك حبيبي محمد: الله يعافيج تركهم ودخل غرفته يتطمن على نوره الي كانت قاعده على الشبريه واتطالع ف مكان معين بدون لا يظهر اي تعبير على ويهها .. تنهد وراح قعد قدامها محمد:ما تبين تتغدين نوره هزت راسها بلا محمد: نوره ما يصير جذي ارحمي حالج وحال الي ف بطنج صار لج اسبوع بس على الماي شوفي ويهج كيف صار نوره نزلت راسها محمد مسك ايدها: حبيبي .. اذا كنتي صدق تحبين هند ف لازم تهتمين بصحتج وصحة الي ف بطنج .. تخيلي هيه بعد ما تقوم وتشوفج بالحاله هذي شو بيصير فيها .. اكيد بتتضايق وبتدهور حالتها اكثر نوره تمت اتطالعه محمد ابتسم: قومي تعالي كلي ... ان شاء الله لو لقمتين بس تتغذين انتي ويتغذا الي ف بطنج .. يلا قومي نوره: ابا اطلع محمد: تعالي كلي وبطلعج المكان الي تبينه نوره: ما ابا شيء .. بس ابا اطلع .. ابا اروح البحر .. هند كانت تحب البحر واذا تضايقت تروح هناك .. ودني هناك يمكن ارتاح شوي محمد: ان شاء الله .. يلا قومي تلبسي عشان نطلع .. بنروح دبي ..................................... ف بيت ابو خليفه .. مجتمعين على طاولة الغدا ابو خليفه: ذياب وين ام خليفه: ف المستشفى ابو خليفه: لا حول ولا قوة الا بالله خوله: من تعبت هند وهو كله يقعد ف المستشفى ما يرجع غير الصبح يتسبح ويبدل ويطلع حتى دوامه ما قام يروحه ام خليفه: عيالي بيروحون من ايدي .. ذياب من صوب ونوره من صوب ابو خليفه: نوره ما ينخاف عليها محمد معاها واكيد انه بيهتم فيها .. بس ذياب انا الي بقعد معاه وبكلمه ان شاء الله خليفه : ابويه اليوم شفت سعيد ابو خليفه: شو يبا خليفه وهو يطالع خوله الي قاعده تاكل بهدوء: يبا يرد خوله ابو خليفه: حياه الله البنت موجوده اي وقت يباها ياخذها الكل انصدم من رده .. كلهم كانوا متوقعين انه يرفض ولا يقول مثل كل مره الراي راي البنت خوله: ابويه ك.. قاطعها ابو خليفه: ما ابا اسمع شيء .. اذا يا سعيد وقال ابا اردها لبستج عبايتج وعطيتج اياه غير جذي ما ابا اسمع خوله: ابويه بس انا ما اباه مب غصب ابو خليفه: تعرفين ان طلقه وحده بس الريال هو الي يقرر متى حرمته ترجع خوله بقهر: بس انا مب موافقه ارجع له حتى لو كان القرار بيده ابو خليفه: عيالج ما لهم ذنب .. سلطان الفتره هذي محتاج ابوه وزايد مثل الشيء .. انتي بروحج ما تكفين خوله نزلت راسها بضيق حمد:ابويه دامها ما تباه لا تغصبونها على شيء برايها ابو خليفه:ما يصير تقعد جذي .. خل ترجع عند ريلها استر لها ميره: انا رايي من راي ابوي .. وبعدين شو تتريا خلاص ترد لريلها بدال لا اتم قاعده هني لا شغله ولا مشغله بس طول الوقت ف غرفتها ولا راقده خليفه: اتمنى اخت ميره ما تدخلين وتنشغلين ف نفسج وبس مالج دخل ف سوالف الكبار ام خليفه: خلاص سكروا السالفه خلوا البنت تاكل عدل شوي وقاموا حمد ودانه: الحمدلله ميره: حمد مشغول اليوم حمد: شو تبين ميره: ابا اروح باسكن حمد: بشوف لين العصر .......................................... عند حمدان .. كان قاعد ف غرفته ويلعب بلايستشن .. شوي ودخلت امه ام حمود: حمدان حمدان شافها ولف يكمل لعبه: ما فيني شيء ام حمود قعدت على الشبريه: حمدان تعال ابا اكلمك حمدان: قتلج ما فيني شيء .. وعشان الي قلتيه انا مب زعلان .. هه محد يزعل من الحقيقه ام حمود: حمدان والله العظيم ما كنت اقصد الي قلته ابو حمود بصوت عالي : سلااامه سلامه .. سلامههه حمدان باستهزاء: روحي .. روحي تلاقينه الحين معصب ويبا يطلع حرته فيج ام حمود تنهدت ويت تبا تطلع بس فاجأها ابو حمود وهو يبطل الباب بعصبيه ابو حمود: ما تسمعيني ازقرج ام حمود بخوف: كك كنت بطلع لك الحين ابو حمود: جهزي ملابسج بتروحين بيت اهلج ام حمود: ليش ابوحمود: بروح ابوظبي وباخذ حمود معاي وانتي وباقي عيالج روحوا بيت اهلج ولا تردين الا اذا انا طلبت منج تردين ام حمود: ان شاء الله طلع وطلعت هي وراه عشان اتجهز اغراضها ...................................... توقعاتكم؟!!
