بعد أسبوع .. سعيد صار يروح ويرد يبا خوله ترد له وهي طبعاً رافضه هذا الشيء .. والكل واقف مع سعيد بان خوله لازم ترد لريلها عشان عيالها الا اخوانها رافضين لانها هي رافضه و واقفين معاه .. جود تحسنت حالتها شوي .. هند وذياب صار تواصلهم مع بعض قليل لان ذياب مشغول ف دوامه .. دانه طلعت من المستشفى وحاولت مع الي زارها ان يعطيها مده اكثر وعطاها أسبوعين والحين هي قاعده ادور طريقه تدبر له الفلوس وحمد ما يدري عن الي يصير معاها لانه مشغول بالدوام واهله .. نوره صارت علاقتها مع حمد احسن واقوى عن قبل ودايماً حمد يقولها كل شيء وما يخبي عليها شيء .. وصارت تتواصل مع دانه بشكل شبه يومي .. حصه ومنال .. كل يوم يفكرون بشيء يديد ودايماً طايحين عند الاخصائيات يا إنذار او تعهد وصاروا يطلعون مع بعض اكثر .. فهد يوم عن يوم يزيد حبه لنجود وحركاتها وعفويتها بس يحاول قد ما يقدر يخفي هالشيء معنه يعرف انها تحبه ><><><><><><><><><><><>< يوم السبت العصر .. كان ذياب توه طالع من بيته ومتوجه لبيت يده لانهم كلهم متجمعين هناك كالعاده .. لمح سياره تمشي حوالين بيت يده ودايماً توقف عند الباب وتروح .. استغرب من سياره GTR اول مره يشوفها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وقف قدام بيت يده يتريا السياره ترد ويوم شافها اشر للسياره نزل منه واحد طول بعرض وملامحه حاده شوي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الريال: السلام عليكم ذياب: وعليكم السلام والرحمه .. خير اخوي اشوفك رايح وراد على هالبيت بغيت شيء ؟!!! الريال ابتسم ابتسامه جانبيه : شكلك ما عرفتني .. بس ما عليه بتعرفني بعدين .. بو احمد( اليد) موجود ذياب: هيه نعم موجود .. حياك تفضل داخل الريال: زاد فضلك ذياب بصوت عالي عشان يسمعونه الحريم والبنات : هووود هوووود .. معااااي رياااال قاموا البنات والحريم ودخلوا داخل وشلوا الوسخ وكل شيء اليد: حياك يا ذياب .. هددااا هدااا دخل ذياب ومعاه الريال وسلم على الكل وقعد اليد: حيّ الله من يانا .. اقرب كل من الفواله .. عاد اسمحلنا شيء بسيط هذا الريال: ما تقصر .. بس انا مب ياي اكل فواله اليد: عيل؟! الريال: شكلك ما عرفتني اليد: لا والله منو الريال ما عرفتك الريال: انا وليد يا يدي شو نسيتني اليد: وليد .. منو وليد .. مار عليّ هال .... وليييييدددد!!!! .. وينك يابوي تعبت وانا ادور عليك وين ارضك .. أمك وينها .. سامحني يا بوي على الي صار فيك و ف أمك ( حط طرف غترته على عيونه وقعد يصيح) وليد حضنه وباس راسه : مسامحنك يا يدي .. وانا اعرف ان الغلط مب غلطتك .. الغلط من المرحوم أبويه اليد وهو يصيح: والله اني ادور عليك ف كل مكان .. ما حصلتك .. رحت بيتكم القديم وطلعتوا مأجرينه .. ما خليت مكان لين ما دورتكم فيه .. بس بعدين صار لي حادث و بتروا ريلي وبعدها ما قدرت ادوركم وانا بهالظروف حامد: يدي منو هذا ؟! اليد: هذا ول.. قاطعه ذياب وهو منزل راسه: ولد عمك سعيد ... وليد حمدان: ولد عمنا !!!.. ومن متى عمي عنده ولد .. شو السالفه ؟؟! اليد: انا اقول خل الحريم يتجمعون كلهم مره وحده لان لازم يعرفون منو هذا .. ذياب أبويه نادهم خل ايون هني قام ذياب وزقر الحريم والبنات كلهم .. وطلعوا واتجمعوا كلهم ف الحوش مستغربين من اليد وطلبه اليده: خير محمد ليش مجمعنا هني .. ومنو الريال الي معاك اليد: تعالي يا عوشه .. تعالي وشوفي عيونه وبتعرفين منو هذا ... عيون مثل عيون الغاليه الله يرحمها رفع وليد عيونه على اليده .. وتمت اليده تشوف عيونه وتحاول تتذكر منو هذا .. لين حطت ايدها على صدرها وعيونها مفتوحه اليده: وليييييييييييدد!!!!! ... يمه ولدي وينك انت وين سرت وهديتنا بروحنا وليد وهو يمسح دموعها: موجود موجود تمت اليده حاضنتنه واتصيح و سلمت عليه ونفس الشيء باقي الحريم نجود: شسالفه .. ليش كلكم اتصيحون منو هذا اليده: هذا اخوج يا نجود اخوج ... هذا وليد نجود: اخوي!!! ... ومن متى انا عندي اخو اليده: امج قبل لا تحمل فيكم كانوا قايليها انها مستحيل تحمل و راحت تعالجت فكذا مكان بس ما شيء فايده .. وقتها أمج اقترحت على ابوج انه يتزوج و حنت عليه وفعلاً ابوج اتزوج ام وليد .. وحملت ام وليد ف اول سنه من اتزوجت ابوج وبعدها بثلاث سنوات امج حملت فيكم .. وعلاقة ام وليد وامج كانت وايد وايد قويه كانوا كانهم خوات ودايماً مع بعض جود ودموعها ف عيونها: وليدااان وليد ابتسم لها : جوجو جود ركضت عنده وحضنته وقَعَدت اتصيح بصوت عالي وهو دمعت عيونه بس مسحهم عشان محد يلاحظ جود: اشتقتلك يا خوي اشتقتلك ... وحشتني الايام الي كنا نقعد مع بعض ونسولف ونلعب وحشتني عميمه سحر وليد: والله انا اكثر يا قلبي .. بس عميمه سحر عند الي احسن مني ومنج .. عند ربها جود: متى !!! ... الله يرحمها .. كان ودي أشوفها اطيح ف حضنها .. اشم فيها ريحة الغاليه الله يرحمها وليد وهو يمسح دموعها: الله يرحمهم اليد: نجود ما بتسلمين على اخوج نجود: لا طبعاً .. الحين عرف انه اخونا وان اصلاً عنده خوات .. طول هالفتره وين كنت .. وين كنت يوم ابوي كان يضربنا .. وين كنت يوم كان يعذبنا ويطلعنا فالشارع ف نص الليل .. وين كنت يوم يدخل علينا ناس سكارى فنص الليل .. وين كنت يوم كان الخوف يتملك قلبنا من ابوي .. وين كنت يوم الناس تتشمت فينا وتقول أبوكم وابوكم وابوكم .. وين كنت يوم جود طاحت ف المستشفى و دخلت ف غيبوبه .. وين كنت ها .. الحين بس عرفت ان عندك خوات وان انت اصلاً ولد سعيد .. اذا مشت على جود والباقي انا ما بتمشي معاي ولا تظن او تعتقد اني ممكن اتقبلك ف حياتي كأخو لان ما في عذر مقنع للي صار معانا بغيابك وليد: بس الغلط مب مني .. انا ما ابتعدت عنكم برضاي .. نجود لازم تسمعيني نجود: اذا الغلط مب منك عيل من منو .. من ابوي .. كنت تقدر تحل الشيء بعد فتره او حتى يوم توفى .. انت حتى عزاه ما حظرته صح ولا انا غلطانه جود: خلاص نجود .. لا تضغطين عليه اكثر عن جذي اكيد كان عنده ظروف مثل ما نحن كان عندنا ظروف نجود: صرتي معاه يا جود .. خلاص يعني قمتي ادافعين عنه .. صار هو محور حياتج الحين جود: انا ما قلت جذي بس الحق ينقال نجود: لا تسامحينه .. ما اسمح لج تروحين عنده واتسامحينه على الي سواه جود: بس انا مسامحتنه على كل شيء سواه .. والحمدلله انه بخير وما فيه شيء ما اقدر أخليه يرد وهو مكسور الخاطر نجود: اختاري جود: شو اختار هند: نجود بلا ينون خلي عنج هالحركات لا تنسين ان جود توها طالعه من المستشفى .. لا تضغطين عليها اكثر نجود: اسفه بس لازم اسوي جذي .. اختاري يا تقعدين معاه هو او انا جود: ليش جذي اتسوين فيني نجود حرام عليج ... انزين اسمعيني ليش ما تقعدين معاه وتتفاهمين يمكن تتفقون على شيء نجود بصوت عالي: اختااااااااااريييييي جود: نجود حرا... نجود: اختاري جود شافت وليد وبعدين لفت على نجود : بختار وليد .. انتي صح اختي و توأمي بس هو بعد اخوي و.. قطع كلامها صوت باب البيت الي طلعت منه نجود وسكرته بكل قوتها ............................................... كانت قاعده ف الصاله واتبدل فالقنوات .. شوي رن تلفونها وكان المتصل حمد دانه: الو حمد: السلام عليكم دانه: وعليكم السلام حمد: شحالج اليوم ؟! دانه: اممم كنت الصبح بخير لاني شفتك والحين زاد عليّ المرض لانك بعيد عني حمد: هههههههه .. حبيبتي لازم اتصومين سنه كامله على كذبه هذي دانه: ههههههههه والله هذي مشكلتك يوم انك مب واثق .. المهم .. وينك الحين حمد: توني طالع من الدوام .. اليوم كان تعب صدق .. اشتغلت بذمه وضمير دانه: انزين حمد اذا بترد البيت قول حق نوره تمرني البيت قاعده بروحي وملانه حمد: اتصلت فيج اليوم؟! دانه: لا .. اتصلت فيها انا وما ترد ما ادري شو فيها حمد: خلاص انا بي عندج دانه: لا خلاص برأيك روح ارتاح ف البيت وانا بعدين المغرب تعال عندي .. من صوتك ينعرف انك تعبان حمد: بيب الغدا و بي عندج البيت .. خلي الباب مفتوح لان المفتاح ناسنه ف البيت دانه: ما تخاف حد يشوف المفتاح ولا يشك فيك حمد: نوره موجوده وتعرف تتصرف وبعدين لا تحاتين انا دوم اقفل غرفتي قبل لا اطلع يعني ما في شيء ينخاف منه دانه: ومتى بتقول حق اهلك ؟! حمد: بما ان الحين كل شيء بخير ف قريب ان شاء الله بقولهم .. بس احتاج كم يوم اجمع فيها قوتي لان مثل ما تعرفين الموضوع حساس بالنسبه لهم دانه: ما تدري شكثر اتريا اليوم الي اكون فيه من بين اهلك وينادوني حرم حمد ال... ........................................ عند نجود .. طلعت من بيت يدها وهي معصبه والدموع ف عيونها قعدت تمشي ما تعرف وين رايحه .. نجود:" قههررر قهرررر .. ودي ارتكب جريمة ف جود .. منو هذا الي طلع لنا الحين .. لا ويقول انه اخوي .. وليش جود والكل واقفين معاه .. يمكن واحد يكذب عليهم او شيء .. ما ادري شو اسوي .. لا وجود اختارته هو وقفت معاه وخلتني بروحي " طططاااااااااااااااااااااااااااااااااااااااااااخخخخخخخ نجود وهي تمسك راسها: ااااااااااااااههه فهد من وراها: ههههههههههههههههههههههههههههههـ نجود وهي تمسح دموعها: ما في شيء يضحك .. منو الغبي الي موقف سيارته فالحوش فهد: هههههههههههههههـ معاج الغبي شخصياً ههههههه نجود: وتعترف بعد .. شوهت ملامح ويهي .. وبعدين يلا شل سيارتك واطلع برا بيتنا انا مب فاضيه لك فهد بطل عيونه: نعم!! .. لو سمحتي هذا بيتنا .. وين تبيني اطلع نجود وهي توها تنتبه للبيت : اسفه توني انتبه عبالي بيتنا فهد وهو يغسل سيارته بالصابون: وليش رايحه بيتكم مب على أساس استقريتوا ف بيت يدي نجود: طلع لنا اخو اسمه وليد والكل مصدقنه الا انا فهد: وليش مب مصدقه انه اخوج يعني نجود بصدمه : لايكون تعرفه انت بعد فهد بابتسامه جانبيه: انا اعرف كل شيء عنكم .. حتى كنت اعرف انه بي اليوم نجود بعصبيه : وليش ما خبرتنا .. ليييش سكت!!! فهد: تعرفين جوابهم .. مينون ومحد يصدقه نجود ضربت جامة سيارته بوكس👊 فهد: ايييييههههه!!! ... حدج عاد الا حبيبتي ما تقربين منها ولا تدخلينه ف مشاكلج نجود وهي تصيح: ما أباه .. ما ابا يكون عندي اخو .. كانت حياتنا حلوه بدونه .. أحسه مثل ابوي .. بيتم طيب بس اول ايام وبعدين بيصير نفس ابوي بيرد يعيشنا فسجن ابوي .. برجع اصير خدامه عنده مثل ما كنت عند ابوي فهد: وليش جذي تفكرين يمكن وجوده معاكم الحين بيساعدكم وايد .. بعدين لا تنسين ان الأخو دايماً يكون السند والظهر لخواته وان شاء الله وليد يكون جذي نجود بصوت عالي: ماااااااباااااه .. ما أباه .. اكرههه اكرههه وين كان عنا قبل ليش يا الحيييين .. ليييش فهد: نجود اهدي .. يمكن يكون عنده شيء اقعدي معاه تفاهمي اسمعي منه وخليه يسمع منج نجود عصبت من كلام فهد وقامت ضربته بأقوى ما عندها وتمت تضربه لين قعدت على الارض وهي تتنفس بصعوبة فهد وهو ينزل لمستواها: نجود انتي الحين معصبه و ضايعه عشان جذي ما تعرفين شو تسوين .. اسمعي شوري .. فرغي عصبيتج وبعدين ارتاحي وقعدي معاه وتكلمي واذا تبين انا مستعد اقعد معاج وأوقف ف صفج شرايج؟!! نجود وهي تمسح دموعها: احلف انك بتوقف معاي اذا سويت الي تباه فهد: والله العظيم أوقف معاج لو سويتي الي اقولج عليه معنه كل شيء بتسوينه لمصلحتج نجود: شو تباني اسوي فهد : قومي معاي بوديج مكان سري خاص فيني محد يعرف عنه غيري انا وهند والحين انتي نجود تمت تفكر شوي وبعدين قامت مع فهد.. دخلت ف كذا باب وغرفه لين وصلوا لصاله كبيره شبه فاضيه فيها اشياء البوكسينغ و على الزاويه فيها أنواع واشكال من الصحون نجود باستغراب: شو ها المكان فهد: هذا المكان الي انا وهند انفرغ فيه عصبيتنا .. هند اتفرغه فالصحون وانا ف كيس البوكسينغ الي قدامج نجود: وشو تباني اسوي هني فهد: فرغي عصبيتج كلها هني .. ومب بس عصبيتج حتى ماضيج اباج تطلعين من هني وانتي انسانه يديده وقويه نجود: في حد يسمع صوتي فهد: لا ما ينسمع الصوت لان الصاله مبنايه بخشب يعزل الصوت نجود على طول صارخت بأقوى ما عندها لين حست ان روحها بتطلع سكتت وقعدت على الارض بتعب فهد وهو يشل ايده عن أذنه : ما لقيتي طريقه اتفرغين فيها عصبيتج الا بالصراخ نجود وهي تتنفس بصعوبة: انا .... جذي ... ارتاح فهد: تقدرين تتنفسين ولا تبينا نطلع برا نجود: اقدر اقدر فهد: ان... قطع كلامه صوت فونه يرن والمتصل هند فهد: هلا .. شو تبين .. تقصدين وليد ؟؟! ... هيه اعرف .. عرفت من نجود .. هيه عندي بس لا تخبرين حد .. لا تحاتين ما بسوي شيء .. راويتها المكان السري عشان تفرغ عصبيتها وايد كانت منهاره .. لا تخلين حد اي البيت لين اطلعها .. بطرش لج فالواتس .. اوك يلا نجود: ابا أتم بروحي فهد: ما اقدر نجود: أوقف عند الباب وسكر الباب .. في شيء لازم اسويه فهد: اوك بس انتبهي تسوين شيء مينون ترا اقدر اشوفج من برا ... وعندج خمس دقايق بس نجود هزت راسها بالموافقة وفهد طلع وسكر الباب اما نجود ردت اتصارخ من قمة راسها واتصيح .. قالت كل الي بخاطرها ما خلت شيء لين اخر شيء تعبت وطاحت .. فهد شافها تأخرت دخل الصاله وشافها طايحه ركض عندها بخوف وقعد يرش ماي على ويهها .. بطلت عيونه وشافت نفسها فحضن فهد ابتعدت عنه وعدلت شيلتها فهد: انتي احسن الحين نجود بصوت مبحوح من كثر الصراخ: هيه .. طلعتي من هنيه فهد: كل ما حسيتي انج تبين ترتاحين تعالي عندي و بيبج هني او روحي عند هند .. بس امانه ما تقولين حق حد عن المكان سمعتي؟! نجود: ان شاء الله ...................................... رأيكم فالبارت وتوقعاتكم الجميلة يالجميلين☺️💙🕊
