رسالة من مجهول 📝💖

الحلقة ٣٨

الحلقة ٣٨
#رسالة_من_مجهول
#بوسى_مصطفى
___________________

بعد مرور ٤ شهور
جلال : مشوفتيش الملف اللي كان هنا يامديحه
مديحه : لأ مشوفتش حاجه
جلال : طب دوري معايا
ونظر للساعة :  هتأخر ع الشغل بالشكل ده
مديحه : شوفوا عندك في الدرج ياجلال.. هيكون راح فين يعني
جلال : معرفش... ابقى دوري عليه... سلام
مديحه : انت بردو هتسيبني ابات لوحدي
جلال : راوية ومرات شكري اخويه معاكي.. اول م تحسي بتعب كلميهم ع طول وهما يجولك بس ابقى كلميني قبلها
مديحه : قلبك جمد اوي ياجلال
جلال : ياحبيبتي م نوران نفس ظروفك ويمكن اكتر كمان علشان هي قاعدة لوحدها
مديحه : بس أنا اللي هولد قبلها
جلال : وانا مش هتأخر... أول م تحسي بتعب بس كلميني وانا هجيلك طيران
مديحه : انزل ياجلال
جلال : مش عايزك تزعلي مني
انتي عارفه ظروفي كويس اوي
مديحه : انزل ياجلال خلاص
جلال يحضنها ويطبطب عليها : خلاص بقى متزعليش
بكره نروح للدكتوره ونشوف ميعادك امتى بالظبط
والاسبوع دا هجيب نوران هنا تبات مع راوية علشان ابقى جنبك
مديحه : تبقى جنبي برضو ولا جنبها
جلال : علشان ابقى جنبكوا انتو الاتنين
مديحه : انزل بقى ياجلال
جلال : خلاص بقى متزعليش
وباس ايدها
مديحه ببتسامة : خلي بالك من نفسك
جلال ببتسامة : حاضر
__________

في شقة راوية
راوية تجري ع أميرة اللي كانت بتفتح باب الشقة علشان تنزل شغلها
راوية : اشرب باقي كوباية اللبن دي
أميرة : مش قادرة ياماما... علشان خاطري بلاش تغضبي عليه
مش قادرة بجد
راوية : طب خدي الساندوتش دا معاكي ابقى كوليه لما تجوعي
أميرة : تاني ياماما
ياحبيبتي مينفعش وبعدين احنا بناكل هناك عادي انا وزمايلي
راوية : اشمعنه يعني ساندوتشاتي اللي مش عايزة تاكليها
أميرة : هههههههههه طب مش هزعلك هاخد الساندوتش معايا
سلام بقى
راوية : اشربي بوق اللبن دا علشان خاطري
أميرة : حاضر ياماما
واخدت الكوباية وشربت باقي اللبن
أميرة : في حاجه تانية عايزة تاكلهالي
راوية : خلي بالك من نفسك
أميرة : حاضر ياماما
راوية : ولو هتتأخري كلميني
أميرة : حاضر ياماما
راوية : أميرة
أميرة : نعم ياماما
راوية ببتسامة : مدنيش ضهرك وانتي نازله
أميرة ببتسامة : حاضر... هدى ضهري للباب
هههههههههههههههههه كده كويس
راوية تشاورلها : مع ألف سلامة يانور عيني
أميرة : مع السلامة ياروحي انتي
وتحدف قبله في الهوا وتقفل الباب
جلال نازل من فوق
جلال ببتسامة : ياعيني ياعيني ع الرومانسية
ايه اللي انا شوفته دا
أميرة ببتسامة : صباح الخير ياخالو
جلال : صباح الورد والفل والياسمين ع عيونك ياميرو ياعسل انتي
أميرة بمزح : كده طنط تزعل... صباح الخير ياطنط
مديحه من فوق : صباح النور يااميرة
انا مزعلش لو الكلام الحلو دا ليكي اما لو لحد تاني هو عارف بقى هيحصل ايه
أميرة : هههههههههه قلبك ابيض ياطنط
جلال : نازله الشغل
أميرة : شور
جلال : هههههههههه طالما شور بقى... يبقى تيجي معايا
واخد ب ايدها ونازلين من ع السلم جرى
أميرة : حاسب ياخالو هقع
جلال : ايه دا امال فين اللياقه والرشاقه
انتو شباب خرع اوي
أميرة : هههههههههه في دي بقي عندك حق
جلال : صباح الخير يا شكري
شكري : صباح النور... صباح الخير يااميرة
أميرة : صباح الفل ياخالو
جلال : هشغل العربية وتحصليني بسرعه يااميرة
أميرة : حاضر ياخالو
شكري : رايحه الشغل؟؟
أميرة : تيجي معايا هههههههه
شكري : لا اجي فين كفاية اللي انتي بتشوفيه هناك
هو فادي مش جاي قريب
أميرة : معرفش هو كان قال لماما من فترة كده إنه احتمال ينزل قريب بس امتى بقى معرفش
شكري : اصل بسأل بنت خالك بردو مش عارفه
_______________