رسالة من مجهول 📝💖

الحلقة ٤٤

الحلقة ٤٤
#رسالة_من_مجهول
#بوسى_مصطفى
_________________

وقبل م شريف يرد ع سؤال راوية كانت اميرة خارجه من الغرفة وفيها ايدها علبة الدهب
نظرت ليها راوية وفهمت كل حاجه قعدت ع الكرسي وهي في مكانها ومنطقتش
أميرة : دي حاجتك ياشريف اتفضل
شريف نظر ليها بحزن ولسه هيتكلم : أميرة انا
أميرة تقاطعه : باقي حاجتك هبعتها مع خالي شكري
شريف : أميرة عايز اسمعها منك وتقوليلي انك مسامحاني
أميرة نظرت لمامتها وهي حابسه دموعها وخلاص هتنهار
راوية بتحاول تنقذ الموقف ومحبتش تظهر أميرة ضعفها قدامه
راوية اتكلمت بلسان حال أميرة وقتها : انزل ياابني شوف مصالحك
شريف : طنط انا آسف ليكي ول أميرة
اسف ليكم كلكم
راوية : دا قسمه ونصيب ياابني
شريف نزل.. كانت أميرة دخلت اوضتها جرى
راوية بتخبط ع الباب : افتحي الباب يااميرة
متقفليش على نفسك
أميرة منهاره وبتبكي
راوية :"طب علشان خاطري افتحي الباب
ومتوجعيش قلبي اكتر من كده يااميرة
أميرة : ماما علشان خاطري سبيني لوحدي دلوقت
راوية : م انا هسيبك لوحدك بس متقفليش بالمفتاح
افتحي الباب بقى
جرس الباب يرن... طبعاً شريف كان قفل الباب خلفه
مسحت راوية دموعها وهي بتفتح الباب
فادي ببتسامة وكان مرتبك : سلام عليكم
راوية : وعليكم السلام
ماجده ببتسامة : ازيك ياطنط
راوية : مين دا يافادي
ماجده : انا ياطنط... فادي قال إنه كلم حضرتك عني
راوية : اه... اه يااهلا وسهلاً
فادي يمسك ب ايد ماجده ويدخلوا
فادي : ماما انا كتبت كتابي على ماجده
راوية : م انت قايلي الكلام دا امبارح... مبروك
ماجده : انا اسفه ياطنط... كان نفسي اتعرف عليكي من زمان
وقولت لفادي نستنى شويه
بس هو كان مستعجل
راوية : هو حر بس ميجيش يشتكي
نظرت ماجده ل فادي وهي مضايقة
فادي : سلمي على ماما ياماجده
معلش ياماما اصل مفيش وقت وخلاص الطيارة هتطلع بعد ساعتين لازم نبقى في المطار في نص ساعة
تسلم ماجده على راوية تنزل تنتظر فادي تحت مع خالها
فادي يسلم على مامتك ويسأل عن أميرة
ويقرب يخبط على باب غرفة أميرة
فادي : شكلها نامت
راوية : خلاص سيبها نايمه
مع ألف سلامة.. خلي بالك من نفسك
فادي : ماما انتي زعلانه مني
راوية : دي حياتك وانت حر فيها
انا عملت اللي عليه ونصحتك وانت مش صغير ياابني
بس هقولك حاجه كمان قبل م تنزل كلم مراتك واسمع صوت بنتك كل يوم
متخليش الدنيا تاخدك منهم ياابني..
فادي : يسرا مصممه على الطلاق
وانا بحاول معاها لكن الظاهر مفيش قدامي غير اني انفذ طلبها ده
راوية سكتت ومردتش
فادي : اشوف وشك بخير ياماما ابقى سلميلي على أميرة لما تصحى
قبلت خطيبها وهو نازل على السلم
هو مكانش في حد موجود لما جه ولا ايه
راوية : انزل ياابني علشان متتأخرش
نشوف وشك بخير
__________________
ينزل فادي تحت يقابل شكري وجلال داخلين من البوابه
شكري : على فين يافادي مسافر ولا ايه
فادي : اشوف وشكم بخير
يسلم على شكري وجلال ولسه هيلتفت علشان يخرج
يمسك جلال ايده
جلال : الناس اللي في العربية قدام البيت دول تبعك
فادي : ايوه ياخالي دي مراتي وخالها
شكري : مراتك ايه ياابني... انت بتقول ايه
فادي : مراتك ياخالي مش مصدق؟؟
جلال : يعني نفذت اللي في دماغك بردو
شكري : وبنت خالك هتعمل معاها ايه
فادي : انا سايبها براحتها عايزة تكمل معايا اهلا وسهلاً هبعتلها ونعيش كلنا سوا
مش عايزة حقوقها كلها هتوصلها وهتفضل قاعدة في شقتها معززه مكرمه
بس ياريت حد يقنعها إنها تحافظ على بيتها علشان خاطر بنتها
جلال : ومحافظتش أنت على بيتك ليه
فادي : حضرتك يا خالي اللي بتقولي الكلام ده
جلال : انا فاهمك كويس وإن كنت بتلمح بالكلام إني يعني عملتها واتجوزت مرة تانية
فدى ظروف ملكش دخل بيها
فادي : وانا عندي كمان أسباب تانيه خلتني اتجوز مرة تانية
شكري : وانت ياابني قاعد معاها علشان تشتكي
ماهى مستحمله كمان بعدك عنها
دا بدل م تحاول تخلص ورقها وتاخدها معاك
تروح تتجوز عليها
فادي : خالي الموضوع مش كده خالص
وبعدين انا ياما اتحايلت عليها اني اخدها معايا وهي اللي مش موافقه
خلاص براحتها بعد اذنكم
وخرج فادي من البوابه ركب العربيه وبعد عن البيت
شكري : انا مش عارف الواد دا جراله ايه
يكونش بيعمل كده علشان اللي عمله نبيل مع أميرة
بيرد لخاله القلم يعني
جيل اخر زمن
جلال : محدش يعرف ياشكري
زي م قال كل واحد له أسبابه
المهم ميظلمش بنت اخوك
شكري : وهو كده مظلمهاش
ماهو مسافر من غيرها وواخد التانية معاه
جلال : انا طالع اطمن على راوية
شكري : انا هدخل اريح شوية لما تنزل ابقى رن عليها علشان نروح مع بعض المشوار ده
جلال : حاضر
ودخل شكري شقته وطلع جلال فوق
يخبط على شقة راوية.. تفتح مديحه باب شقتها
مديحه من فوق : انت هنا ياجلال
جلال : هدخل اطمن على راوية وهبقى اجيلك يامديحه
مديحه : طيب
ودخلت مديحه شقتها.  فتحت راوية باب الشقة
راوية : تعالي ياجلال
جلال : سلام عليكم
راوية : وعليكم السلام
يدخل جلال : مالك ياراوية
راوية : مفيش انا كويسه
اقعد اعملك حاجه تشربها
جلال : متتعبيش نفسك اقعدي بس استريحي
راوية : كنت عايز تقولي حاجه
جلال : قابلت فادي وهو نازل من عندك
راوية : اه... جه يسلم عليه قبل م يسافر
جلال : وايه رأيك في اللي عمله
راوية : تقصد على الجواز يعني؟
هو حر يااخويه محدش غصبه ولا ضربه ع ايده
ولا هو صغير علشان هضربه واقوله متعملش كده
جلال : ايوه ياراوية بس كنتي نصحتيه ابنك اه كبر
بس مش هيكبر عليكي وكان محتاج منك كلمتين يفوقوه علشان يعرف هو بيعمل ايه
راوية : تفتكر متكلمتش ياجلال
ولا علشان م بنت اخوك جات هنا واتخانقت معايا وضربت بنتي
انا هشجعه واقوله روح اتجوز
انا لما نصحته كان لمصلحته هو
وأما اللي متجوزها دي مليش دعوة بيها
ولا تجيني هنا ياجلال لا هي ولا اخوك
جلال : قلبك ابيض ياراوية
يسرا دي عيله دا انتي اللي مربياها ناسيه ولا ايه
راوية : ياريت طمر فيها يااخويه
انا ظالمه ومفتريه ياجلال
جلال : انتي!
دا انتي مفيش أطيب من قلبك
انا هجبهالك تصالحك وتبوس على دماغك كمان
بس معلش اعذريها.. كانت مش في وعيها بسبب ابنك واللي قالهولها
راوية : يحلوا مشاكلهم بعيد عني
انا ملبدخلش في حياتهم
وملهاش دعوة خالص ب أميرة
بنتي عايشه في حالها ولا عمرها أدخلت كمان في حياة اخوها
يتجوز يطلق ملناش فيه
جلال : هي أميرة جات من الشغل
راوية بتنهيده : ايوه
جلال : نامت ولا ايه
راوية : معرفش عنها حاجه..اهي دخلت جوه لا أعرف أن كانت صاحيه ولا نايمه
جلال : هو في حاجه ولا ايه
راوية وهي مدمعه : كل شيء قسمه ونصيب ياجلال
جلال : مش فاهم هي وخطيبها متخانقين يعني ولا ايه
راوية : ابدا لا في خناق بينهم ولا
بنتي بتعرف تتخانق مع حد
هي جات من بره وكان هو جاي معاها ولا معرفش جاي لوحده
المهم هي دخلت من هنا و لاقيته واقف هنا ع الباب دخل يعتذر ومعرفش ايه
لاقيتها خارجه بعلبة الدهب بتاعته سلمتهاله ونزل بعدها ع طول
جلال : ايه الكلام دا... ليه ايه اللي حصل يعني مش فاهم
راوية : معرفش قالها ايه بقى
اهي جوه مش عايزة تفتح الباب
جلال يخبط على باب غرفة أميرة
أميرة كانت نامت.. قامت علي صوت الباب وهو بيخبط
أميرة : ماما معلش سبيني عايزة انام
جلال : انا يااميرة كنت عايز اتكلم معاكي
لو مش قادرة خلاص براحتك
أميرة : معلش ياخالو مش قادرة بجد اتكلم دلوقت
جلال : خلاص ماشي براحتك
راوية : تعالي ياجلال اقعد
قعد جلال بتنهيده
راوية : متزعلش نفسك بكره يجيلها اللي يستاهلها
جلال : انتي اللي بتقوليلي الكلام دا ياراوية
راوية : هههههههههه امال هستني لما انت تقوله يعني
يااخويه  العرسان كتير هو يعني مفيش غيره في الدنيا
جلال :"ايوه بس اعرف ايه السبب يعني
دا كان طاير بيها.. ايه اللي غيره فجأة كده
راوية : انا هقولك ولو ان دا استنتاج يعني للي حصل
جلال : انتي عارفه حاجه ومخبياها
راوية : مش مخبيه بس انا بقول دا اللي حصل بعد زيارة هبه لينا
جلال : هبه مين
راوية : هحكيلك الحكاية من اولها
وبدأت راوية تحكي وتقوله كل حاجه من أول زيارة هبه ليهم وكلام أميرة إنها قلقانه بسبب تعلق بنت شريف بخالتها وإنه ممكن يفكر يتجوزها لحد م جه واخد حاجته
_________