For Unicode
" AYO !!!!! "
ကျယ်လောင်လှတဲ့အသံကြောင့် AYO ကိုယ်လေး ဆတ်ခနဲ တုန်သွားရသည်... မဟုတ်တာ လုပ်နေတာ မဟုတ်ပေမဲ့ ဟုတ်တာလုပ်နေတာလည်း မဟုတ်တာကြောင့် လန့်သွားရတာဆိုလည်း မမှား...
" ဦး ဘယ်လိုလုပ် ဒီကို... "
တစ်ခန်းလုံးပွပလဲနေတဲ့ ပစ္စည်းတွေကို ခုန်ပျံကျော်လွှားကာ ကုတင်ပေါ်မှာ မျော့မျော့ပဲ ကျန်တော့တဲ့ သူ့ကို ဆွဲဖက်သည်...
" ဘာလို့ ... ဘာလို့ ကိုယ့်ကိုပြောမသွားရတာလဲ ... ကိုယ်ဘယ်လောက်ထိစိတ်ပူနေလဲ သိရဲ့လား ကလေးရယ် "
ကုတင်အောက်ခြေမှာ ပုံရက်လဲကျနေသူကတော့ သူတို့ဖြစ်အင်ကိုလုံးလုံးလျစ်လျူရှုလျက် .. အခန်းဝမှာတော့ ကုတင်အောက်က လူငယ်လေးရဲ့ မိသားစုဝင်များက ဘာလုပ်လို့ဘာကိုင်ရမယ်မှန်းမသိသော ပုံစံများနှင့်မတ်တပ်ရပ်နေကြသည်...
" သားကလေ ... ဦး စိတ်ပူမှာစိုးလို့ .... "
" မပြောပဲ သွားမှ ပိုစိတ်ပူမယ်ဆိုတာ မသိဘူးလား YO .... ကိုယ့်မှာ .... ကိုယ့်မှာ မင်းကိုစိတ်ပူရလွန်းလို့ သေလိမ့်မယ် "
" ဦးကလည်း ... အိမ်သားတွေရှိတယ် "
AYO က ခပ်ပြုံးပြုံးနဲ့ တိုးတိုးပြောတော့မှ သတိဝင်လာပုံရသည်...
အခန်းပတ်လည်ဝေ့ဝိုက်ကြည့်မိနေသော ကိုသော်ခန့်ဟာ အခုမှ ရှက်ရကောင်းမှန်းသိပုံပါပဲ ...
" ဒီက ညီလေးက ... "
ပြန့်ကြဲနေသော ဆိုဖာများကိုနေသားတကျပြန်ချထားပြီးဖြစ်ပြီး သူတို့အကုန် ထိုင်နေကြပြီ ... ကိုသော်ခန့်က ပျော့ခွေချင်နေတဲ့ AYO ကို ပွေ့ပေးထားတယ် ...
စောစောက ကုတင်အောက်ပြုတ်ကျနေခဲ့တဲ့ကောင်လေးကတော့ အခု ကုတင်ပေါ်ရောက်နေပြီ ဖြစ်ပြီး အားဆေးသွင်းပေးထားတာမို့ နှစ်နှစ်ခြိုက်ခြိုက်အိပ်ပျော်နေပေသည် ...
လွန်ခဲ့သော တစ်နာရီက သောင်းကျန်းလွန်း၍ AYO ကို ခါးနာအောင်ထိ ကိုင်ပေါက်ခဲ့သူမှ ဟုတ်ပါလေစ...
လွန်ခဲ့သော နှစ်နာရီ....
" ဒီတိုက်လား "
" ဟုတ်တယ် Angel "
ESTÁS LEYENDO
သိပ္ခ်စ္လို႔ - သိပ်ချစ်လို့ ( Completed )
Misterio / Suspensoအခ်စ္ႀကီးတဲ့ေကာင္ေလးတစ္ေယာက္ရဲ႕ အတၱနဲ႔တြယ္တာမႈ... အစြဲဆိုတာ အရမ္းခ်စ္ဖို႔ေကာင္းေနတယ္လို႔ ထင္ၾကည့္ပါလား... အချစ်ကြီးတဲ့ကောင်လေးတစ်ယောက်ရဲ့ အတ္တနဲ့တွယ်တာမှု... အစွဲဆိုတာ အရမ်းချစ်ဖို့ကောင်းနေတယ်လို့ ထင်ကြည့်ပါလား...
