A Feeling So Strange 3 ✔

CHAPTER 24 : You Choose

Allaine’s POV

“Xandria! Sandali!” Naman o! Hindi naman ako magaling sa larangan ng atleta pero bakit lagi akong napapasubo sa takbuhan? Ang bilis tumakbo ni Xandria. Pagkarinig niya nung sinabi nung mga students kanina sa cafeteria, bigla nalang tumakbo paalis. At ako, eto sumunod sa kanya. Hinihingal na ako.

 

 

“Makikiraan! Makikiraan po!” Nakipagsiksikan ako’t sa wakas ay nakasiksik ako’t natigilan ako sa nakita kong eksena.

*PAAAAK…

Everyone gasped. Kita kong galit na galit yung mga mata ni Xandria. Napatingin ako dun sa ground at nanlaki ang mga mata ko’t nagpabalik balik ang tingin ko dun sa kaharap ni Xyla at dun sa nakalupasay sa semento.

 

 

“Ano bang problema mo Sehun?! Bat ka nakikipag-away?! Gusto mo bang patayin si Khier?!” Sigaw ni Xandria. Yup. Si Sehun yung sinampal niya. Bumaba yung mga mata ko’t kita kong puro sugat at dugo yung kamao ni Sehun. Ano bang nangyari dito? Nag-away si Khier at Sehun?

 

Hindi. Wala ng bago diyan. Lagi naman silang nag-aaway mula pa dati bago pa dumating si Xandria sa middle class. Pero teka lang… Sino ba nagsimula ng gulo? E kasi yang dalawang yan, nag-aaway lang tuwing nagkakainitan at pag pinag-aaway sila. Pero sino namang nag-away sa kanila? O… meron ba silang pinag-aawayan?

 

Natahimik lang si Sehun at sinamaan ng tingin yung panay ubo na si Khier na hindi na nga yata maitayo ang sarili dahil sa bugbog na mga natamo niya. I saw Sehun’s cheek. Pulang-pula’t bakas na bakas yung sampal ni Xandria. Buntong hininga lang ang narinig ko kay Sehun bago ito tumalikod pero pinigilan siya ni Xandria.

 

 

“San ka pupunta?” Tumingala lang si Sehun at feeling ko… feeling ko pinipigilan niyang wag maiyak. Inalis niya yung kamay ni Xandria’ng nakahawak sa pulsuhan niya’t hindi nag-atubiling humarap.

 

 

“Help him. He needs you more than I.” He said almost whispering before he left. Hindi naman kaila na maraming nakakita’t nakapanood sa nangyari. Para kaming nakapanood ng instant movie. At ano ang title? Choose me or Choose him ang peg nilang tatlo.

 

Pero sandali lang… bat ba ako nakatunganga dito? Hindi ba ako tutulong? Binalingan kaming lahat ni Xandria’t nakakatakot yung aura niya. Sabagay, nakakatakot nga naman talaga ang isang Laurene Grayson. Pero hindi alam ng iba na siya ‘tong kaharap nila ngayon.

 

 

“THE MOVIE HAS ENDED! GO BACK TO YOUR CLASSES!” Para siyang president na pinag-utusan ang mga nasasakupan niya’t wala namang nag-atubiling hindi sumunod dahil halata sa mukha niyang galit na galit siya. Nag-alisan tuloy lahat ng estudyante at mabilis niyang sinaklolohan si Khier. Lumapit naman ako sa kanila.