كنت ولم اعد

#6

لانا تحكي

وجدو منصت التتويج مبيد ما ستعفينا شويا  طلعت عليها انا فالمرتبة الاولى  و جيدان واسماء فالمرتبة الثانية والثالثة  عطاو لكل وحدة فينا des bouqut de fleur جا رئيس الفدرالية للالعاب الاولمبية الافريقية خمس معايا وحطلي على رقبتي الميدالية الذهبية وعلى رقبت جيدان الفضية و اسماء البرونزية وقفنا الكل في استعداد حطو النشيط الوطني الجزائري تحجرت دمعة في عيني وانا نردد فيه بين شفافي  ومزيرة على لعلام لي في كتافي متتصوروش الاحساس لي قاعدة نعيش فيه دوكا شعور مخلط بين فرحة افتخار واعتزاز فرحانة اني خليت علام وطني يطلع فالعلالي( لانو علم البلد الفائز يطلع اعلى من كل اعلام البلدان المشاركة ) ونشيد بلادي يتسمع في كل بلاصة قلبي يخبط فلألف ارض ربي مش سايعة فرحتي واخيرا حققت اول خطوة في طريق حياتي الطويلة اول خطوة فدرجات سلم الصعود كمل النشيد وحبطت من على المنصة جا ليا نائل وضمني كنا فرحانين بلي حققناه بعد كل لي عشناع مع بعض تدريب ضغط سهر وتعب
بعد التكريم لي تلقيناه رجعنا للاوتال جمعنا غراضنا ورجعنا لوهران 11 نساعة ثانية جازت فالطيارة اما هاد المرة بابتسامة كبيرة مرسومة على وجهي وصلنا للمطار لقينا الرئيس  يستقبل فينا والناس كل حاضرة
                   _____________________

الروائية تحكي

بعد مرور شهر جاز عل لانا غير خرجات ودخلات و مؤتمرات صحفية وقرايتها لي  كملتها وعطاولها  diplôme تاعه اما اليومين اللخرين فراحولها غير فالتلمية تاع الدوزان لانو رح ترجع ليوم lalger شرات دار par internet مالدراهم لي ربحتهم بعد الاولمبيات

كملت حطت آخر فاليزة قدام لباب حتى سمعاتو يدق راحت تفتح
لانا:صباح الخير نائل جوز
نائل:صباح النور ان شاء الله منكونش طولت
لانا: لالا اصلا هاداوين كملت

  لانا تحكي

عاوني رفدت les valise وركبنا فالطونوبيل
نائل: طيارتك علا اما ساعة
لانا:على  5:30
نائل:  alors يكفينا الوقت suffisamment باش نرجعو les clais للسيد
لانا:  نائل je te remercie infiniment عل كل شي درتو معايا
نائل: لانا بلا مزية والله راكي فمقام اختي

لحقنا للمطار ودعتو   validit lpasport ديالي و  j'ai déposer mes valise ورحت ل la porte d'embarquement واخيرا بعد كل هاد الشي طلعنا فالطيارة قعدت فالكرسي وبعد 45 دقيقة لحقنا لalger
قلبي يخبط راح نواجه الماضي لي طول هاد 8 شهور وانا هاربة منو قلبي تزير وانا نشوف ڨاع هاد الناس مع عايلاتهم يرحبو فيهم يعنقو ويبوسو فيهم زعما راح تكون عندي عايلة في يوم من الايام خرجت باش نحكم طاكسي ونروح لداري حتا نسمع في بنت تبكي رحت درت و شفت واحد كبير شويا. يضرب فيها رحت شديتو من يدو لي ضربها بيها

الراجل: نحي يدك وش تكوني باش تدخلي روحك فيا
لانا: ونت وش تكون باش تضربها
الراجل: مرتي
المرا:( تبكي بالشهقة ) منيش مرتك اخطيني اخطيني
جا راح يعاود يضربها شديتو من يدو عوجتهالو
الراجل: آآآآآه ##### ييدييي
لانا:( شفت فيه خزرة تاع موت)  كلمة وحدة ومنعاودش هادي الوجه  تنساه لوكان  تشوفها في طريقك تبدلو والا هدرتك راح تكون معايا