كنت ولم اعد

#9

  
     كملت كلات السوندويش تاعها وطلعت جابت البيسي تاعها وتيليفونها وراحت للسالون لبست نواضرها وبدات تخرب فيه ولا الاصح قاعدة تخرب على معلومات واشخاص يعاونوها باش تلقى خو جنة قعدت هكاك حتى طلع عليها الصباح غلقت الميكرو تاعها وراحت عملت قهوة وحليب لجنة وحضرت ليها jus de fruits حطاتو فوق الطابلة تشرب فيه مع ڨاطو حتى سمعت تيليفونها يصوني فالصالون راحت رفداتو
لانا: اهلا نائل عاش من سمع صوتك نسيتنا كامل
نائل: لا منسيتكش علاش نتي شكون ينساك
لانا: نعمل روحي امنتك خير علاش تعيط مع صباح ربي
نائل: معيطناش لاه متعيطش عيطنا لاه تعيط فهمي روحك
لانا: ايا نهار نفهم روحي راني نعيطلك
نائل: هههه اسمعي راني  falger
لانا: ياا وش راك دير هنا
نائل: راكي sure متخدميش مع التحريات
لانا: علا حساب واش نعرف راني سور
فهاد لوقت حبطت جنة
لانا:صباح الخير
جنة:(بصوت كلو نوم) صباح النور
نائل: مالصبح ونتي ترغي هاداوين تفكرتي تصبحي علينا
لانا: هههه شكون قالك راني نصبح عليك وماشي على حد آخر
نائل: ومعامن راكي مع صباح ربي
لانا: مع صحبتي جنة ساكنة معايا
نائل: اه اوكي المهم وش رايك نتلاقاو ليوم عندي ما نحكيلك
لانا: جوز لداري اذا حبيت ديجا دوق طياب جنة مكلتها تهبل
قاعدة تعملي براسها تاع وشنو نضرها ضحكني
نائل: ههه اوكي ابعتيلي لعنوان
لانا: ايا دك نبعتهولك باي
كبات عليه وحطت التيليفون فوق الطابلة ودارت رايحة عند جنة فالكوزينة
جنة: معامن كنتي تهدري
لانا: مع راجلك لمستقبلي
جنة: لااااانا مجهلينيش
لانا: نتي كي وريتلك تصويرتو قلتيلي بوڤوس وشباب ا او واشنو تاني اه تفكرت قلتيلي عندو كاريزما تهبل مالتصويرة عشقتيه اصبري  تشوفيه فاص افاص ونشوفو وش ديري تولي تشكريني اني عرفتك عليه
ناضت جنة تجري مور لانا صوت ضحكهم وعياطهم ملى ڨاع الدار
لانا: اه ههههه هادا حق الخير لي دبرتلك رونديفو معاه
جنة: لانااااااا اصبري نحكمك او نوريلك الرونديفو تاع ناناك
لانا: هههه والله ماتصرى ديجا راو جاي لفطور نوضي طيبي
جنة: لالا طيبي نت لي حرقك فمك نضتي تعرضيه لهنا تقول نڨرو les restaurant
لانا: وين تلحق ماكلتك لماكلة تاع les restaurant تاع ودني يعطوني ورقة شلاضة مع حبة كروفات نحطها في ضرستي لمتقوبة تخلاص وشويا صوص متشمخليش فمي ويقولولي  بصجتك اما في كوزينت جنة food تعطيك طبسي تشختشوخة تعمري كرشك وتزيدي تلحسي صباعتيك من البنة

حكمت جنة لانا فوق الفوتاي وبدات تدرب فيها بالمخدة
لانا: اااه خلااااص منزيدش نعاود ههههه
جنة: بلعطي بلعطي حسابتلك منيش فايقتلك هاذا غير باش مطيبيش بصح معليش هاد المرة قنعتيني مع انو معندكش ضرسة متقوبة اما الباقي صح

ناضت عليها رايحة للكوزينة تبدا توجد
لانا: جنة ديري ڨغاتان تاع باطاطا يموت عليه هههه
جنة: يموت ولا يحيا وش راحلي فيه عينك تحضريلو حاجة شمري على يديك
لانا: ههههههههه

تعاونو لانا وجنة حضرو لفطور وش من ڨ غاتان وش من شوربة بلا منحكيو على les souffler و les jus بالانواع راحو رماو لما على لحمهم ينحيو ريحت الطياب لبست لانا سروال نواغ وتريكو تاع صوف ابيض اما جنة فلبست جبة تاع قطيفة باليدين bleu roi و مطرزة بالذهبي
لانا: اوهووووو منين كنتي مخبيا ڨاع هاد الزين لكان كنت عارفة راني شحال ملي عيطتلو
جنة: لاااانا
حاولت دمع عويناتها باش تغيضها تعرف انو دموعها هوما نقاط ضعف لانا
لانا: يوووووو خلاص عزيزتي قاعدة نتمصخر معاك برك متزعفيش علي
ا
عنقاتها وجاو حابطين كيف كيف حتا سمعو لاصونات
لانا: راو جا لبوڨوص تاعك نروح نفتحلو
جات تضربها اما لانا عطات الريح لرجليها وحلت لباب
لانا: بونجوووغ
نائل: ياو خلاص الجوووغ صافي شحال راي 12 ولا مضربتيش طلة على الساعة
لانا: اف شحال وليت تهدر ادخل ادخل
نائل: انا لي وليت نهدر ولا نتي لي طوال لسانك
لانا: هههه جوز خليني نعرفك على جنة   جنة يااا جنة وين راكي
جنة: وي لانا
لانا: نائل الكوتش ديالي سابقا ودك صديقي نورمالمون تعرفيه حكيتلك عليه ( وغمزتها ) وهادي جنة صحبتي وتقدر تقول اختي نساو برك ما ماركاوهاش فالكارني دفامي
جنة حمارت زراقت و خضارت مالحشمة ولانا وجهها صحيح الا حبت تسكت قاعدة تتحلف فيها غير في قلبها
لانا: هيا امشي نفطرو من بعد احكيلي على الموضوع لي قتلي عليه
نائل: اوكي وين الصالدوبان نغسل يدي
لانا: ( شارتلو بصبعها) ثاني باب على يدك اليمين
راح نائل وين وراتلو قاعدة تبع فيه بعينيها حتى صوطات من الوجاع ( قرصتها جنة )
لانا: احححح مسمومة
جنة: باش تتعلمي تكثري الهدرة الخطرة لجايا
لانا: نوضي نكملو نحطو الطابلة قبل ما يجي