كنت ولم اعد

#51

طلعتلها الماكلة كي لعادة سمانة وهي محبوسة فالبيت لين جيبلها لانا الماكلة

حلت لباب عليها و حطتلها الماكلة

كارمن: لانا عيشك اختي والله منزيد نعاود نوعدك.

كلمت اختى لي عمرها ما سمعتها منها خلاتها تحس بشعور غريب شعور انو يكون واحد ساندك اما فنفس الوقت ساند روحو عليك متعرفش اما وقع هاد الكلمة خلى قلبها يخبط فرحة تملكتها كانت تضن انو خسرت الكل ومابقالها حتا واحد يقولو انو ربي ميغلق باب حتى يحل الف باب وباب

كارمن: تعيشي اختي والله تخنقت من هاد البيت بليز لانا والله منزيد ندير حتى حاجة تزعفك
لانا: اما اي غلطة رح نرجع نحبسك
كارمن: يااااااي مرسي مرسي لحوووب

تسوطي من فرحتها واخييرا رح تخرج ملحبس لي راهي فيه اسبوع وهي مقابلة لحيوط معندها ما تعمل تلاحت عليها ضمتها اما لانا فمعرفتش وش تعمل بعدتها و تبسمت معاها تحكي

لانا: متحبطيش تشوفي الدار
كارمن: ههههه امشي

حبطت وراتلها دار غرفة غرفة حتى من لجنينة الخلفية و البسين وراتهملها

كارمن: يااااا 😍 تهبل دارك
لانا: مغسي

دخلوا للكوزينة يديرو حاجة حلوة ياكلوها

كارمن: ايهيه وش نديرو
لانا: همم منعرفش وش راكي حابة نتي
كارمن: نديرو tarte au citron
لانا: ههههه اوكي نديرو
كارمن: بصح منعرفش كيفاه
لانا: ههههه علابالي خلي دك نديرها ونعلمك كفاه
كارمن: اوكي

حطت لانا لبيض السكر والزبدة والقارص فوق النار وبدات طيب فيهم حتى شافت كارمن جابت كاس jus وقعدت فوق البوطاجي

لانا: ههههه والله مليح

قعدو يحكو ويتمصخرو ويضحكو مع بعضهم بعض وخطرة على خطرة تسرق كارمن من لاكرام و تاكلها ( هادي تمثلني اجماعة ) كملت دارت لانا la créme au citron و حطتها تبرد وحضرت لابات

لانا: هاكي etaliha فالسنيوة مابيد ما ندير لاشونتيي
كارمن: خليلي نلحس
لانا: ههههههه خلاص نخليلك

قعدو يحكو ويتمهبلو حتى صونا تليفون لانا

لانا: دقيقة بالاكي غير تحمار شويا خرجيها
كارمن: اووكي
لانا: وبالاكي تحرقي روحك

رفدت روحها وراحت تحكي مع جنة فالصالون

لانا: بونجوغ ولا بونسواغ
جنة: ههههه لالا بونصواغ
لانا: ايهيه كفاه حتى جيت في بالك وتفكرتيني
جنة: متفكراتك متفكراتك اما مقدرتش نعيطلك
لانا: نعرفو محبش يطلقك
جنة: هههههه احشمي
لانا: اتحادنا انا ولحشمة يعطي مجموعة خالية تسما مفيهاش
جنة: ههههه .... اسمعي وش حبيت نقلك ماناش جايين غدوة يمكن حتى السمانة لجاية ولا لي بعدها
لانا: مكفاكمش شهر ايا احشمو علا روحتيكم ههههه
جنة: لانااااا
لانا: حقا خوك وينو
جنة: منعرف حساب ما قالي عندو شغل ومراهوش فلبلاد
لانا: ( بصوت خافت ) نتي عالاقل قالك
جنة: مفهمتش
لانا: مقالكش وقتاه يجي
جنة: لا مقاليش تعرفيه يحكي زوج كلمات ويقطع اما نضن انو هاد ليامات يجي لانو قالي مراحش نطول
لانا: اه اوكي ... حقا كاش بومبينو فطريق ولا مزال مفريتوها عليها مزال مراكمش راجعين
جنة: اواه نتي برسمي فقدتي طرف لعقل لي كان عندك ههههه
لانا: ههههه صار يا جنة فقدت عقلي ارجعي ونشوفو شكون لي طار عقلو
جنة: ههههه استسلم من دكا
لانا: ههههه ايا نخليك