كنت ولم اعد

#86

     ايهم يحكي

ڨاريت الطونوبيل قدام دارها عندي شحال مشفتهاش اهملتها فالمدة الاخيرة دقيت لباب تحل على صوتو

نائل: يااا ايهم تفضل مرحبا بيك جوز هادي غيبة

حابطة فالدروج تحكي

جنة:حبيبي شكون جا  ااااه  ايهم

حبطت تجري لعندي عنقتني

ايهم: هههه بلعقل لا طيحي
جنة: وين غبرت هاد مبانش حسك
ايهم: مكنتش falger كانو عندي شغالات
جنة: شوف لكلب ادا يقلي اكثر من شهرين وهو غايب
ايهم: وحبيتيني نسقسيك واقيل فكل روحة وجية
جنة: والله مادابيا تتكرم عليا وتقلي تحركاتك نغمض عين ونحل عين نلقاك غبرت لبلاد وحدوخرا يخي حالا يخي وزيد خليت امور الشركة على راصي وراص قيس مسكين 
ايهم: ههههه الله يهديك وش مسكنو
جنة: المهم مزيا جيت Sinn لكان راني جيت جيتك.
ايهم: بصح علاه كل هاد لالحاح لكان خليتيني نكمل لخدمة لي بقاتلي ونتهنا مشي خير.
جنة: مشي خير خدمتكم نت ولانا متخلاصش عندي حاجة نقولهالك
نائل: او وشنو هاد الحاجة
جنة: سوبريور
ايهم: الله يستر
جنة: 😇😇😇 همال نروحو عند لانا اصلا تكون وصلت
نائل: بصح ماشي مزال باه جي مالروس
ايهم: لالا جات
جنة: وي خرجتلها خدمة هنا falger ونت كفاه علابالك
ايهم: اسرار الدولة
جنة: ايهاااام يا زح نت واسرار الدولة تاعك
نائل: ههههه خلاص امشي علابالك ادا منفحتلوش يقول ميقولش ياو لوكان جنحي
.
خرجنا ركبت انا فطونوبيلتي وجنة مع نائل فطونوبيلتو ورحنا لدارها وصلنا لقينا لباب مغلوقة هههه ولاول مرة بابها تكون مغلوقة اكيد مزال موصلتش

.جبدت جنة لمفاتح حلت لباب ودخلنا قاعدين نڨصرو فالصالوت نستناو فيها توصل حتا نسمعو lpotrte d'entré تخبطت وقفنا رايحين نشوفو شكون

جنة: شكون
نائل: هاني معاك وين حبيتيني نعرف

مكملش هدرتو حتا نشوفوها طالعة مخزرت في حتى واحد شكون منغيرها  لانا البنت لي سلبتني
من مشيتها باين بلي شيطانها حاضر ولجاج لكحل يدور بيها  " وش راهو صاري معاها " لحقتها جنة بصح وين كلاتهم ماكلة هدوك الدروج طالعين موراها حتى سمعنا صوت الباب تخبط بعدها صوت تكسار و زجاج على الارض و عياطها مالي الدنيا

طلعنا انا ونائل نجرو ليها جنة تخبط على بابها باش تحل اما والو

جنة: لانا  لانا حلي لباب

بصح لا حياة لمن تنادي ستمر الوضع على هاد لحالة دقايق ودقايق فكرت فيهم اني نكسر لباب وندخل ليها اما هادي لانا مستحيل تقبل واحد يشوفها على هاد الحالة حتى ولو كنت انا ( تنهد ) " علاه شكون انت يا ايهم شكون "

خرجت عيطة من جنة بصوت مخنوق زعزعت المكان

جنة: لااااانااا حلي البااااب.بلييييز .

حبس كلشي دقايق من بعد حلت لباب تخزر لجنة بملامح منكسرة  مفهمتهاش ميلت راسها و كانها تطلب منها السماح معرفتش وش تقصد بالضبط مور هاد النضرات خفت عليها خصوصا بعد ما طاحو عينيا فعينيها نشوف فلمعتهم تمحات نظراتها باردة فارغة متحمل حتى حاجة دموعها يسيلو وحدهم مش قادرة تحبسهم لبيت موراها في حالا زجاج فلرد بالاحرى كلشي فاللرض فراشها مخدتها دوزانها كلشي

تقدمت عند جنة بخطوات رزينة تقول ماشي قادرة تهز روحها راخفة روحها علخر رفدت يدها و حطتها على خد جنة بصعوبة تقول وحدة هداوين ناضت من الانعاش بدات تمسح عليه. بصبعها لكبير وتخزر فيها

جنة: وووش بييك لاااانا ووش ص وش صرالك

تنهدت من عروش قلبها تنهيدتها قتلتني حبيت نضمها لصدري نحميها من الدنيا وكل مشاكلها ندخلها بين ضلوعي ونحميها من هاد لعالم تخنقت وانا نستنا فيها تخرج لكلمات من فمها واخيرا نتقت ورحمتني صوتها تاع واحد غلبان هم الدنيا كلو طاح عليه

لانا: والو عزيزتي سامحيني خربتلك المفاجأة اما متقلقيش روحك قلقت شويا برك شويا ونولي احسن
جنة: لانا تتمسخري بيا انتي تقلقي علا حاجة والو نهار تخلا عليك جاد وكارمن معملتيش هكا نهار عرفتي انو مهمش عايلتك معملتيش هكا

تبسمتلها بانكسار وحكات

لانا: مش غير هوما لي تخلاو عليا حياتي كلها كذبة فكذبة حتى بعد مقلت اني لقيت حياتي ورح نبنيها مجديد لقيتها غلطة وطحت فالقاع اكثر

تلاحت جنة تضمها تمنيت نكون فبلاصتها بصح وين لانا ونعرفها رح تمنعني من اني نقرب ليها بعد كل شي مزال مشفتش رد فعلها من انها كتشفت اني جزء مالمافيا لي عندها شحال وهي حابة توصل ليها

لانا:عيييت يا جنة عييت
جنة: خلاص يا عمري خلاص ارواحي نديك تريحي وبعدها نحكيو

داتها لبيت اخرى وقعدت معاها شويا وحبطت لينا حيلها مهدود بعد كلشي لانا اقرب شخص ليها

نائل: رقدت
جنة: ايه رقدت
نائل: وشبيها
جنة: مفهمتش محكاتليش
نائل: بصح ماشي كانت مع والديها فروسيا وكلشي لباس وش صرا
جنة: وين علابالي

قعدنا فالصالون كل واحد فينا يخمم ويحط احتمالات علا واش يكون صرالها لحق وقت لعشا حطت جنة الطابلة مسكينة كيما حطتها كيما رفدتها معندناش نفس للماكلة كل واحد فينا تخمامو محصور فيها  كل واحد راح لبيتو ينهي فهاد ليوم لي رح يتحفر في بال كل واحد  فينا اليوم لي نهزت فيه لانا الطفلة لي كل لمواقف تثبت انها متدعيش القوة وانما صح قوية
قعدت نتقلب في فراشي مجانيش النعاس بالي كلو عندها