كنت ولم اعد

#67

يزن لي من وقت دخل للاستجواب ومخو يطلع ويحبط شاك في بزاف حوايج وشبه متأكد من شكوكو اما كاين حاجة ماشي فمكانها شد تليفونو وبعثلها مساج
" الى اميرة الملاكمة النزال في ٱخره علينا تقرير الاستراتيجية حالا الدفاع ام الهجوم " ( بهاد الجملة يزن يقصد لانا لانو كانت دير ملاكمة وقاللها لازم نديسيديو اذا نبقاو نترقبو فحركات الخصم ولا نهجمو عليه )

مطولش وجاه الرد

" افضل الهجوم يا عزيزي انه احسن وسيلة للدفاع "
( وبهاذا قررت ينتقلو لمرحلة تنفيذ الخطط ديالهم )

تبسيمة عريضة ترسمت على وجهو بدل la puce تم تم وعاود بعتلها

"  حين تتراودني الشكوك الكلام هو احسن حل " ( معنتها هو شاك في بزاف صوالح وحاب يحكي معاها عليهم وقصدوا من هادا توجد ل VPN باش يتواصل معاها بيه )

دقايق وردت عليه

" وصلتني الهدية وانا في انتضار فتحها " ( قصدها انو وصلها واش حاب يقول وراهي تستنا فاتصالو )

ضحك من قلبو جبد ل pc تاعو شعلو وبرونشاه مع تليفونو بكابل usb جبد فلاش ديسك من قجرو بلاصاه وفتحوا وبدا يغير فال VPN
                     ____________________

ال VPN هو اختصارٌ للمصطلح Virtual Private Network وتعني شبكةً خاصةً افتراضيةً تؤمّن طريقةً تحفظ بها خصوصيّتك أثناء استخدام الإنترنت عن طريق الهاتف أو الكمبيوتر، . حيث يشفّر VPN كافة البيانات المُرسلة من الكمبيوتر عبر الإنترنت ويحوّلها إلى شكلٍ خاصٍ من حُزم البيانات ثم يرسلها إلى مُخدّم VPN والذي يتمكّن من فكّ التشفير باستخدام مفاتيح رقميةٍ وبالتالي لن يتمكن أحدٌ من قراءة البيانات المرسلة إلا عن طريق تلك المفاتيح.
                        __________________

كي كمل فتح تطبيق تغير الاصوات وعيطلها
اما هي فكانت وجدت تطبيق تغير الاصوات وتشويش الموجات وبدلت VPN تاعها هي تاني

يزن: القطط غابت وخلات الساحة فاضيا للفئران ( قصدو انو غيابهم خلا فرصة للمافيا باه توسع خدمتها )
لانا: نعرفك ذكي على هكدا شبيك لعبت الفراشة بعقلك ( قصدها انو مش من اليوم لي عرفنا انو لمافيا توسعت وقصدها بالفراشة يارا ( الطفلة لي بانت مع يزن غير كيما)
يزن: الفراشة لعبت بقلبي ولحد الان عقلي لي خاذي المقود ( قصدو انو صح حب يارا اما راهي موجودة فقلبو ومزالو متحكم بعقلو مشي قلبو لي يحكم )
لانا: فكرتي وقت mémé تحل ل tweety القفص باش يهرب من القط Sylvester ( القصة مشهورة جدا تاع الرسوم المتحركة كلنا شفناه اما قصدها انو فاقت انو يزن حاب يبعد يارا باش ميقيسوهاش المافيا )
يزن: هههه بالضبط كان هدفي نعطيي للفراشة الحرية ونمنع من الضوء انو يحرقها ( هنا شبه خدمتو ونفسو بالضوء لكان تقرب منهم يارا يحرقوها ويأذوها )
لانا: حتى ولو لي كان تقول فيه صحيح الفراشة بلا ضوء تتبحر وتاخذ طريق لغالطة ( قصدها انو يزن راهو غالط لانو حتى ولو بعدها عليه رح تتٱذى من جيهة وحدوخرة ورح يتأذى هو تانيت )
يزن: النيل متسماش على فروعو والعودة الى المنبع فضيلة ( قصدو انو معيطتلكش باش نحكو عليا نرجعو للقضية تاعنا (لي هي المنبع)
لانا: هههه اطربنا
يزن: نضن انو فيرانا تحالفت مع قطوطنا ( قصدو انو لمافيا لي هوما لفيران تحالفوا مع جماعة من لي يخدمو فالانتربول لي هوما القطوط )
لانا: ويني جديد فلحكايا لي نحتاجوه ثغرة باش نلقاو عقد الهدنة ( قصدها انو هاذي كانت باينة من لول والا كفاش لقاو حريتهم ڨاع هكا وقصدها من الثغرة في عقد الهدنة انو لازم يلقاو دليل يثبت هاد الشي )
يزن: صح ملقيناش لعقد اما عندنا ورقة رابحة ( قصدو صح ملقاوش دليل اما عندهم شاهد والشاهد هو ورقتهم الرابحة )
لانا: ولي هي
يزن: سمعتي بٱخر اخبار المسلسل الاحمر ( قصدو ادا سمعتي بٱخر المطلوبين فالنشرة الحمراء )
لانا: معلوم حاجة ما تتخبا في ساحتكم ولي داخلها يخرجوه لبرا ( قصدها انو حاجة ما تتخبا عليا حتى انو الاعلام وفصح عن هاد الشي )
يزن: خلينا نقولو انهم يوهمونا بهاد الشي المهم حلقة اليوم كشفت لغز وخلاتنا نقبضو على واحد من الفيران ( قصدو انو راهم يوهمونا انهم يقولو كل شي وانو ما خفي كان اعضم وقصدو من انو حلقة اليوم كشفة عن لغز وخلاتنا نقبضو على واحد من الفيران انو حكمو واحد من لمافيا لي يعتبر راس لخيط واللغز لي كتشف هو المؤامرة )
لانا: لي مخوفني انو القطط لي فصفنا تعاون الفار وتساعدو باش يهرب ( قصدها انها خايفة انو واحد من المنضمة لي معاهم يهرب المجرم ويخسرة ورقتهم الرابحة )
يزن: والحل
لانا: ما يسلكنا كان توم وجيري ( قصدها انو هاد الحاجة يفريها كان توماس ودانيال )
يزن: والله نسيتهم
لانا: عمرك لا تنسا نقاط قوتك وقت تواجه الثعالب ( قصدها انو عمرك لا تنسا حلفاءك وقت تواجه اعداءك )
يزن: لازم الاضلاع الخمسة يجتمعوا صار الوقت للنجمة باش تتشكل ( قصدو انو لازم هو ولانا او وفاء وتومس ودان انو يجتمعوا ويعاود يتشكل فريقهم لي متكون من 5 اعضاء )
لانا: متحمسة نشوف قوة الضوء لي راح يخرج منها ( قصدها انو متحمسة تشوف لكوارث لي رح يديروهم وقت يتلاقاو )
يزن: متاكدة انها راح تحرق القلعة بالمساجين لي فيها  ( قصدو انو راهو متٱكد انهم رح يشتتو المافيا ويعاقبو اعضاءها )
لانا: ميهمونيش المساجين لانهم مجرد بيادق لي يهمني سلاطينها يطيحو وينكشف اللعب لي كان تحت الطاولة وباش يتم هاد الشي لازم نحاصرو لحجار الاساسية ( قصدها انو ميهموهاش اعضاء المافيا لانو اعضاء المافيا مجرد اشخاص مأمورين وينفذو ولي يهمها اعضاء الانتربول لي مشاركين مع رؤساءهم و هوما لي قاعدين يسيرو فالامور ملتحت للتحت بلا ما يسمع حتى واحد )
يزن: القلعة الحصان .... ( قصدو انو لازم يعسو تحركات رؤساء المافيا ورؤساء الانتربول هاذا هو الحل )
لانا: اما حط عينك علجنود ومتنغمسش فالهجوم ممكن جيك الضربة من واحد متتوقعوش ( قصدها انو كلامو صحيح اما ملازمش يغفل عالاعضاء الصغار مثلا المجرم لي حكموه ليوم )
يزن: متخافيش داير حساباتي وعامل احتياطاتي  ( قصدو انو كان متوقع هاد الشي ودك يتفاهم مع توم ودان باش ينقلوه ويحققو معاه )
لانا: لازم تحضر لعائلة للبيت العتيق ( قصدها انو لازم يتلاقاو باقرب وقت و قصدها بالبيت العتيق المكان لي راهي فيه روسيا )