هكذا هي الأيام .. حَرمتني حتى من الأحلام .. عشقت الوحدة والعذاب ..الأفراح بيني وبينها حِجاب .. إلى مَتى يا قلبي؟ ..... إلى متى ستؤلمني الأيام؟ .... وإلى متى سأكتم الأحزان الى متى ساتحمل احساسي بالاشعور والفقدان ؟؟ ... الى متى ساحس بذاك الفراغ الك...
قيس: صاحب هاد لجعرور لانا: متقوليش ايهم: راني هنا علابالك
شافت فيه وتبسمت معاه ببلاهة
قيس: جنة وين ايهم: فبيتها قيس: همال انا نشوفها ونتو كملو في غرضكم ايهم: تعمل مليح
دار ليها لقاها رايحة مجيهت لكوزينة تزرب فخطواتها ( اغفل تتغوفل سي شباب ) راح موراها لحقها للكوزينة لقاها راح تغلق لباب حكمو بيدو ودخل حصرخا بينو وبين لحيط ايهم:( يحكي بنبرت تهديد ) ماشي قتلك استنايني دك نجي
جات راح تحكي بصح سكتها وقت عضها من شفتها التحتانية متلقهاش الا وقت حس بطعم الدم في فمو حطت يدها تتحسس في مكان لعضة
لانا: ااه وجعتني ايهم: باش وقت نقلك حاجة لمرة لجاية تسمعيني لانا: صامط دك يتنفخو 😒
طلعلها راسها بيدو ومرر صبعو على شفافها
ايهم: مزال يوجع فيك لانا: مممـ ايهم: سامحيني
اWtf ايهم يقول اسف كانت صدمة ليها مخلاهاش تهظمها طول وعطالها الصدمة الثانية وقت حط شفافو على شفافها ييوس فيها بكل حنية شهقة خرجت من فمها وهاذا لي خلاه يتعمق فالبوسة اكثر ويعطي الضوء الاخضر للسانو باش يلاقي لسانها ويتفننو في رقصتهم على انغام دقات قلبهم وتسارع انفاسهم مجبدوش على بعضاهم غير وقت حسو بالنفس نقطع عليهم يتنفسو كانهم كانو في مرتون قلبها يخبط كانو شي طبلة في وسط عرس وكرشها عملت حفلة وعرضت كل فراشات المجرة هو مكانش قل منها احساس جديد تملكو ولاول مرة يحسو احساس قد ما كان شباب قد ما خلا الخوف يتسلل لقلبو خوف من المستقبل او واش مخبيلو نسا او خلينا نقولو تناسا كل هاد الافكار وحطها بجيها يفكر فيها وقت يكون فاضي اما دكا فالاهم انو يعيش اللحضة جبد من جيبو بوات وعطاهالها
شافت لمعة بكا في عينيه وللحضة حست بنفس الشعور لي تحسو وقت تتفكرها حطت يدها على خدو والثانية على رقبتو و وقفت على صبعتين رجليها ودخلت معاه في بوسة تطمن فيه تخبرو بلي حاسة بيه وانو هي معاه ( ايا بزاف رومنسية بما فيه الكفاية فوق هكا منقدرش اصلا بدات تخنقني وتوحشت لاكشن يا ناس 😂😂 )
فصلو بوستهم وقت سمعو صوت لباب يدق
لانا: وصلو
خرجو من لكوزينة راحت لانا وين كانو خالات جنة يستقبلو في ام نائل وتلث نسا و زوج شويا صغار وتكفل ايهم في استقبل باباه مع زوج عمومو وخالو حكاو شويا وطلعت لانا تعيط لجنة لي كانت متوترة وخايفة عطاتلها السنيوة تاع القهوة وعاونتها دات الباقي هي و فرح لانو رهف من وقت الصالدوبان وهي تتفادا فلانا وكل متشوفها تحبط راسها متسترجاش تحط عينيها عليها
هزيتلها براسي رفدت السنيوة ومعا ندور نعفس على ربتي قريب طحت وجبت سنيوا فاللرض وتبهدلت مي لحمد لله زهري مخلانيش هاد المرة وقدرت نشد توازن بدون خسائر مادية ولا بشرية وكملت طريقي بسلام للصالون ( كيما نقوللهم انا طحت واقفة 😂 ) حطيت السنيوا فوق الطابلة سلمت عليهم وعطيتلهم لكيسان راصي مقدرتش نطلعو ملحشمة كي لحقت ليه تعمد يلامس يدي وقت عطيتلو الكاس تاع القهوة طلعت راسي خزرت فيه يا عمري محلاه مطراسي اللحية وشعرو مرتب
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حكا معايا بصوت هادي باش ميسمعوهش
نائل: وانا متسلميش عليا
طلعتلي السخانة خدودي رح يطرطقو علابالو متوترة ومصر يكمل على جد بابا قررت ندرب عليه الناح احسن مندير حاجة انا في غننا عنها درت و كملت عطيتلهم الكيسان تاع القهوة للي بقاو وقدرت نتنفس السعداء مقلبت على حتا واحد لفنجال انجاز عضيم مع يديا لي كانو يرعشو
آسيا: ( يمات نائل ) بنتي ارواحي هنا
وشارتلي بيدها على البلاصة لي بينها وبين خالتو
آسيا: مشاء الله وتبارك الله والله عرفت تخير يا ولدي قدرت نشوف لانا لي شادة ضحكتها بسيف عاجبتها حالتي وانا قريب ندخل في حوايجي ملحشمة حتا قالولنا نروحو للبيت نحكو مع بعضانا ولانا لي همست
لانا: لي يشوفكم هكا متحمسين يقول عمركم لا شتو بعضكم
قرصها نائل لي كان قدامها ووقف ومشينا للبيت
نائل: يعمري تهبل مرتي
تبسمت معاه مقدرتش نحكي غير نشوف فيه و فالكوستيم لي زايدو كاريزما على الكريزما لي عندو حكينا شويا ( بيناتهم حنا مدخلناش 😊 ) عطاني دراهم تاع الشوفا ورجعنا للصالون
قراو الفاتحة من بعد جابت لانا ل pièce montée باش نقطعوها لانو قررنا نديرو خطبة و فيونصاي فنفس لوقت بحكم انو لانا مبقالهاش وتعاود تروح ومنيش حابة انو متكونش حاضرة رفدت لموس وحط يدو على يدي وقطعنا مورصو حطيناه فوق الطبسي او وكلنا بعضنا ( هوما قريب يتزوجو وانتو اقعدو وكلو ولاد خاوتكم 😂😂 انا ني حابة نتزوج ونعيش اللحضة وقت ينوض على زوج تاع الصباح ويلقاني مع تليفوني نقرا في كرونيك و يجي ينحيهولي 😭😭😭😭😭 )
