كنت ولم اعد

#68

كوبات عليه وكملت جولتها فشوارع روسيا الباردة تكمشت في مونتوها وكملت استكشافها لهاد الدنيا الجديدة اما عندها اهداف من وراها لانو مش وقت التحواس والاستجمام بلعكس هاذا وقت التخطيط لانو الحلقة الاخيرة مابقالهاش بزاف وقت التنفيذ قرب ولازم تعرف نقاط ضعف لخصم

تفكرة كلام نائل وقت اول مرة كانت طالعة للحلبة باش تواجه احسان وتتأهل لاولمبيات افريقيا

      ___________ ( flash back ) __________

قبل عامين ونص فوحدة من صالات الملاكمة تاع الباهية وهران بالتحديد من داخل غرفة الملابس

نائل: اول حاجة نحبك تركزي وتشوفي تحركات المنافسات تاعك خطوة بخطوة نحبك تحفضي تحركاتهم قبل ما تخوضي مبارات معاهم بش تقدري تتوقعي تحركاتهم تستغلي نقاط ضعفهم وتعرفي نقاط قوتهم ثانيا نحبك تستعملي السرعة ديالك فالمبارات هجومك السريع راح يكون احسن خطة للدفاع ديالك بما انهم ڨاع خشان عليك و عندهم مدة وهوما يدربو ويعرفو الدومان اكثر منك فلازم تحاولي تكملي النزال فاقصر وقت ممكن اضغطي عليها وعلا نقاط ضعفهم باش متعيايش وتخلي طاقتك لآخر جولة فهمتي
لانا: حاضر كوتش
       _________ ( flash back and ) _________

اه يا دنيا لعبها صعيب وما يقدرلو كان لي سواها شكون قال انو خذيت الدرس فوهران وبعد حوالي عاميين ونص جايا نطبقو فروسيا نفس الشروط اما الضروف تختلف هذاك كان مجرد امتحان بسيط وسهل فمواجهة شخص واحد على رقعة صغيرة تحليل نقاط الضعف كان باين كلشي تلعب علمكشوف اما ليوم اللعب راهو تحت الطابلة الرقعة وساعة بعد ما كانت حوالي 2500 متر مربع تجاوزت لحدود وصارت تشمل عدة بلدان و الخصم ماشي طرف واحد وانما عدة اطراف واغلبيتها مجهولة الامتحان صعيب وصعيب بزاف و سواءا ربحتو كيما ربحت في وهران او خسرتو النتيجة وحدة ريصان بزاف راح يطيحو اما الفرق الوحيد فالنتيجة هو راسي وراس الخماسي لي راح يطيح او ريسان اعداءهي

الايام وحدها لي رح تبينلنا النتيجة وكفاش راح تكون
                       ______________________

تانيا: ماكس علاه راك قاعد هنا مشي عندك مباراة
ماكس: لازم واحد يجي معايا يحكي مع المدرب عندي استدعاء وممنوع عليا اللعب حتى يجي واحد من العايلة اما واحد ما رضى يجي معايا لي نقولو يقولي مشغول
تانيا: معدتي الصغيرة لم تهضم هاذا الخبر القاسي تسما انا ماشي من العايلة ولا كفاه
ماكس: اه لالا مقصدتش
تانيا: همال علاه مجيتش عندي

صوطا عليها وقعد يدور ويدور فيها .

ماكس: مرسيييييي يا احلى اخت فالدنيا
تانيا: هههههه امشي
ماكس: اما رانا روطار شويا

غمزاتو وعملتلو اشارة بيدها باش يسبقها حبطو مع بعض ركبوا فطونوبيلتها وباقصا سرعتها ديمارات  لمكان التدريب لي موالف تاخذو ليه كل احد واربعاء اما عمرها لا دخلت معاه تحطو وترجع تاخذو تصوڨ بسرعة جنونية او ولا على بالها مستمتعة بالريح لي يهز فشعرها اما ماكس فمتيبس فمكانو شايد la Cienture بزوج يدين خايف لا يطير ولا يعملو اكسيدون

تانيا: هههه وشبيه وجهك اصفر استرخي مش حاب نلحقو علوقت
ماكس: ويني الرزانة لي كنت نشوفها فيك
تانيا: رزانة هههههه وين شفتها اكيد غلطت بيني وبين يوليا مع انو مناشابهوش بزاف ويفرقو بيني وبينها بكل سهولة

فرينات ساك و دخلت هي وياه للملعب تشوف المدرب من بعيد. راحت ليه خزر في ماكس ومعبرهاش

المدرب: شكون جبتلي هاد المرة
ماكس: اختي tanya rybakova
المدرب: كيما نهار جبتلي عمك لي هو فالحقيقة حارس بلدي
تانيا: مدرتش في حسابي نلقى واحد مشكاك Sinn لوكان جبت ل carnet de famille
المدرب: احكي بأدب مدموزال
تانيا: تعلمت الادب منك سينيور
المدرب: 😡😡
تانيا: معجبكش كلامي ولا غالطة فيه هممم يمكن غالطة اما انا نشوف لكان يجي واحد يحكي معايا وانا نتجاهلو تعتبر قلة ادب وانت وش تشوف حضرة المدرب
المدرب:( الصمت التام )
تانيا: المهم نولو لموضوعنا وش دار هاد المرة
المدرب: مرة ثانية يجيني بلا Soulier وهاذا مرفوض تماما

خزرت فماكس ورجعت خزرت بالمدرب

تانيا: خليه يلعب ليوم واعتبروا راهو لابسو او وعد مني انو ميزعلش يتأخر ولا ينسى دوزانو

هزلها براسو طلعت المدرجات تشوف في خوها يلعب اما مخها راح لبعيد كل لي شاغل بالها الايام وش مخبيتلها من مفاجٱت

حتى حست بيه قعد قدامها دارت ليه تتبسم

تانيا: بيبي معرفتكش هكا ميسي وتلفهالو
ماكس: هههههه وييين
تانيا: نسقسيك
ماكس: سقسي
تانيا: وين راه a soulier تاعك يعني مجيش تدخلي في راسي انو بمستواك المعيشي معندكش

ماكس:  قتلك بلي papa محابنيش نلعب foot ودايمن يعملي مشاكل مع مستلزماتي ويستغل حاجتي ليها حتى انو مصروفي ميعطيليش زيادة باش نوفرو ونشري وش نسحق
تانيا: منا ورايح اي حاجة تسحقها ارواح عندي اوكي
ماكس: مرسي
تانيا: خلينا نرجعو
                  ______________________