كنت ولم اعد

#37

 
   بعدتها شويا و ضمتها لحضنها متقدرش تكذب على روحها توحشتها بزاااااااف اصلا جنة هي احلى صدفة صرات فحياتها حكاية بدات من هاذ المطار فيوم مشمس كيما هاذا بدات من راجل يضرب في طفلة بدات من فضول من رغبة بدات من اشمئزاز من غضب وخلاصت  في اقوى علاقة قدرت تبنيها فحياتها صدفة ربحت منها كنز نفيس بالنسبة ليها عمرو لا يتعوض ضمتها بقوة اكثر ليها تحب تعوض وش فتها تحب تشبع منها خوفها الوحيد انو يجي يوم وين رح تخسرها انو يجي يوم وين جنة اختها و صاحبتها وكل شي عندها تروح وتخليها

جنة: توحشتك يا كلبة
لانا: حتا اما توحشتك يا حلوفة ههه

ودعت وفاء ويزن بعد ما وصاتهم يدربو دارة لدارها كاش نهار ويتعشاو عندها و سلمت على ايهم لي كي لعادة بارد وش يجيكم منو ( كيما قالتلي وحدة لول بارح فريجيدار 😂😂 والله عندها الحق ) ركبو فالطونوبيل وديمارا

ايهم: وين رايحين
لانا: لداري
جنة: اواه مفيهاش جيبها لدارنا بقاو عشر ايام لعرسي مالدار متبوجيش رجلك على رجلي
لانا: ههههه اصبري نتنفس نجيب حوايجي طونوبيلتي متتحشاليش كيما لخطرة لي فاتت نبقى حاصلة امبعد نتي اتزوجي او روحي وانا خليني كي البهلولة وحدي
جنة: هههه
لانا: اضحكي اضحكي راكي فاريتها علجال

وصلها لدارها و خلى جنة معاها بعد ما اصرت انو تبقى وراح للشركة تاعو

لانا: وش بيه خوك
جنة: علاه مزال موالفتيهش هو والحجرة خاوة
لانا: ههه امشي امشي خليني نوجد دوزاني على سعدي و نجي معاك
جنة: جيبي ڨاع حوايجك
لانا: رح تحتاجزيني
جنة: ههه عندك شك
لانا: معنديش ههه

قعدو يفرزو فلحوايج لي تديهم لانا معاها ويخيرو واش تلبس نهار الحنة او وش تلبس فالعرس حتى نتقت جنة

جنة: حقا شكون هدوك الزوج لي كانو واقفين معاك
لانا: اه قصدك وفاء ويزن صحابي يخدمو معايا فنفس لڨروب وكنا عايشين كيف كيف هاذ الشهرين اللخرين
جنة: او وعلاه محكيتيليش عليهم
لانا: هاي شعلت لوبسيون تقرعيج تاعها تعرفيني منخدمهاش
جنة: يعني لوكان تحكيلي كلشي كي الناس ماشي خير
لانا: تامني والله نعجز
جنة: 😑😑
لانا: خلاص بدلي عليا هاد الفيڨورة سقسيني نجاوبك
جنة: وقتاش تلاقيتو
لانا: من شهرين
جنة: تسما مور ما رجعتي
لانا: وفاء ايه مي يزن قبل
جنة: تسما صحابك
لانا: ايه هوما و توماس ودانيال
جنة: هادو تان يسكنو معاك
لانا: ايه  نسكنو كامل كيف كيف ونتفاهمو مع بعضانا
جنة: صح وش رايك نعرضوهم لعرسي
لانا: يووو هداوين قلتي حاجة تصلح امبعد نعرضهم ونقوللهم يجو
جنة: هههههه اوكي ايا كملي كملي خلينا نروحو
لانا: علاه نتي خليتيني ملي راح خوك و نتي ڨرڨرڨرڨر مسكتيش ڨاع والو حرف مطلقتيهش
جنة: هههههه صح هيا مزال
لانا: جنة وشبيك قلقتيني اصبري نجيب السبابط حابتني في خمس دقايق نوجد وش رح نلبس في قوجا عرس ديجا لازم نروحو نشرو راهم خاصيني بزاف صوالح
جنة: هههههه ايا اوكي غدوة نخرجو حتى انا مزال خاصتني بوشات للغوب سواغي ملقيتش وحدا شابة
لانا: نتي لعجب ما يعجبكش ههههه