كنت ولم اعد

#14

نائل يحكي

فقت صباح نلقاها مزالت راقدة قدامي قعدت نخزر فيها فتفاصيل وجهها لي تقتلني حواجبها المرسومين شفارها الطوال نيفها الصغروون وشفافها لغوز منعرفش شحال وانا نخزر فيها دقايق ولا ساعات لي نعرفو اني منشبعش منها قعدت هكاك حتى تململت حلت عينيها بالشويا وبانت خضوريتهم لي تسحر

نائل: صباح الخير الخير يا عمري
جنة: صباح النور عندك شحال ونت فايق
تبسمتلها وهزيتلها براسي بمعنى ايه
جنة: او وعلاه مفيقتنيش
نائل: حبيت نشوف ملاكي وهو راقد

تبسمت ديك التبسيمة لي تقتلني خدودها حمارو مالحشمة تقعدت قربت ليا بسرعة وطبعت بوسة خفيفة على فمي وهربت
نائل: كبرت ورجعت تبوس ههههه

نضت عملت دوش ورجعت لبست حوايجي حبطت لتحتا لقيت ايهم فوق الطابلة وجنة تحضر فالحليب والقهوة

ايهم يحكي
قاعد فوق الطابلة نستنى في جنة تحضرلي قهوتي حتى دخل نائل
نائل: صباح الخير
انا وجنة: صباح النور
نائل: لانا وين
جنة: منعرفش رحت لبيتها لقيتها فارغة وفراشها مرتب تكون خرجت
نائل: يمكن تكون راحت تعمل سبور
جنة: منضنش راهي 8:30 و بلعادة ترجع على 7

قعدت على الطابلة حطتلي كاس قهوة قعدنا نڨصرو انا وياها ونائل حتا سمعنا لباب تاع الدخلة تحلت وصوت طالونها ينقب الارض
جنة: لانا جيتي
جات للكوزينة رافدة المونتو وصاكها في يدها تمشي بكل اناقة
لانا: بونجوغ نضتي بكري ليوم
جنة: بديتينا فلفضايح مع صباح ربي بدلي حوايجك وارواحي تاكلي من بعد ساهل
لانا: صباح ربي على 5 تاع الصبح ماشي على ال 9 .
نائل: هههه ارواحي نت واقنعيها دك
لانا: اصبر ناكل ونتفرغلك نتايا
نائل: هههه
راحت للصالون حطت مونتوها وصاكها وجات قعدت حطتلها جنة jus مع pancake قعدت تاكل فيهم بالشويها حتى نتقت جنة
جنة: وين كنت لانا
نائل: وزيد داربا لحطة
لانا: تفاهمتو عليا نتو ولا كفاه
جنة: متبدليش السؤال
لانا: كنت فالكافيتيريا مع نجم
رفدت راسي خزرت فيها شكون هادا نجم لي خرجت بكري علا جالو وانت وش دخلك ايهم اقعد مركز في حياتك واخطيك مالناس
جنة: شكون هادا نجم
لانا: واحد متعرفيهش
جنة: راح تتزوجي يا كلبة بلا ما تقوليلي
لانا: ههههه حبسي متخلطي يا مهبولة راح نخدم معاه
جنة: ياااا رح تخدمي
لانا: ايه
نائل: ايا مبروك
لانا: مغسي
كملنا ستقهوينا رفدو الطابلة غسلو لماعن من بعد لحقونا للصالون قعدنا نڨصرو مع بعض وخطرة على خطرة نشوف فيها نلقاها شاردة
نائل: لانا وشبيك مش معانا وش يقلق فيك
لانا: لالا تعبانة شويا برك
كملنا قعدنا فطرنا مع بعض من بعد كل واحد راح لدارو

بعد مرور 5 ايام لي جازو بلخف لانا توجد في حوايجها ايهم فالخدمة او فالدار مع اختو جنة لي يوصلها صباح عند لانا ويرجعها مع لعشيا اما نائل فراهو لاتي مع sale de sport والمتدربين ديالو وتحضيراتو ل la coup du monde