هكذا هي الأيام .. حَرمتني حتى من الأحلام .. عشقت الوحدة والعذاب ..الأفراح بيني وبينها حِجاب .. إلى مَتى يا قلبي؟ ..... إلى متى ستؤلمني الأيام؟ .... وإلى متى سأكتم الأحزان الى متى ساتحمل احساسي بالاشعور والفقدان ؟؟ ... الى متى ساحس بذاك الفراغ الك...
لانا: متفرحوش بزاف خير ما نبطل بين ثلاثة: لالا والله متصرى
رفدت تليفونها عيطت للحفافة باش بعتتلها شوفور ستناوها جات مابيد ما كملو كلاو او لمو طابلة وجاو طالعين حتا تلاقاو برهف حابطة فرح، جنة، وفاء: صباح الخير رهف: صباح النور
اما لانا فكملت طريقها مش معبرتها تحاول تعرف لواش تخطط سكوتها مش عاجبه
طلعت للبيت لحقتها وفاء وغمزتها تاع واش كاين بينك
لانا: قطة صغيرة حاسبة روحها لبؤة وفاء:( جاها الضحك مقدرتش تسكت ) هههههههه لانا: وشبيك ضحكينا معاك وفاء: عداد موتها بدا يحسب ارخفي عليها شويا لانا: رخفت محبتش تفهم وفاء: وش درتيلها لانا: بعثتها تشوف عزرين بطريقة خفيفة ورجعتها وفاء: مفهمتش لانا: بلعادة تفهميها عالطاير وفاء: جيبيلي واحد يفهمك مستعدة نعطيه ڨاع وش عندي لانا: علاه نتي وش عندك على ٱسمك غير لابيس ولفايسبوك وفاء: هههههه متتهربيش من سؤالي وش درتيلها لانا: نهار لخطبة عمرت لفابو بالما و وفاء: متقوليليش
هزتلها براسها بمعنى ايه حطت وفاء يدها على فمها لي تحل على وسعو
لانا: متعمليليش روحك مخلوعة وفاء: اوه نتي ولا بيتخاف منك لانا: حذرتها من قبل اصلا نضن بلي مندعرتش ملخطرة لي فاتت وفاء: او وش رح ديري لها لانا: ساديبون لحالة لي نكون فيها وقت نشوف وش حدير وفاء: اواه نتي هبلتي بالرسمي
غمزتها حتى يشوفو جنة دخلت ومعاها 4 بنات ومعاها فرح لانا: وش قررتو تجتمعو في بيتي جنة: هههه ادا بغيتي زعمة لانا: هههههههه والبقية شكون يمشطلهم 👱♀️: (هادي وحدة مهادوك لبنات راح ندير هاد الاموجي باش تفهمو ) راهم لتحت مدموازال لانا: اه اوكي
بداو يمشطولهم دارو لجنة كواف تفتق دارولها تاج 👑 و مكياج خرجت بوبية لانا دارت كواف صغيرة وخلات خصلات طايحين عليها وفاء خلات نص متلوق والنص الثاني دارتاو كواف اما فرح فخلاتو متلوق واوندولاتو من تحت دارولهم مكياج ثقيل يليق بلعرس وهاد المرة وعلى غير لعادة كانت لانا معاهم دارت روج حامق في فمها وسموكي فعينيها 🔥 خرجت زلة دارت ليهم.
