كنت ولم اعد

#7

( جنة فالصورة )
خرجت ركبت فطونوبيلتها لي ستلمتها من يومين

راحت تصوڨ باقصى سرعتها واحد لانو هي روطار وثانيا لانو تعشق السرعة وفطريقها طول للجامعة ديالها ( تشفاولها وين كانت تقرى هي وخوها جاد ؟؟ )
حبست فال parking  الناس كل تخزر فطونوبيل اللي عملت صوت قوي وهي تڨاري حبطت من طونوبيلتها تحسها كانها ملكة تمشي بكل رشاقة وقوة كانها عارضة ازياء عالمية  لولاد كلهم يشوفو فيها بنضرة اعجاب وشهوة ترشقو عنيهم فيها وماعاودوش تنحاو اما لبنات فعينيهم تقدح شر غايرين منها وحاسدينها  انو بلمح البصر سرقت كل الانضار ليها لمحاتو من بعيد عاطيها بدهرو راحت ديراكت ليه

لجماعة لي كان معاهم يرجعو يخزرو فيها واقفة من وراه وساكتة نظراتهم لي كلها في اتجاه واحد خلاوه يدور و يشوف وين راهم يخزرو صحابو رسمت نص تبسيمة على فمها تحكي
لانا: جااد
جاد: ( يخزر فيها يحاول يعرف شكون هادي اللي تعرف اسمو )
لانا: نسيتني ولا معقلتنيش
جاد: لل لانا  😐😦😲
لانا: ايه لانا بدمها ولحمها ونص شحمها
راح طول عنقها وزير عليها متوقعتش رد الفعل هادا منو الهدرة لي كانت موجدتها كل هربت منها و راحت فكيل الزيت عاودت لمت روحها بالزربة و دناتو عليها بالشويا
لانا: دكا موليتش تحشم او وليت تعنقني en public  تطور ملحوظ سي جاد
جاد: لانا متحكيش هكا وين كنت حوست عليك بعد ما لقيت رسالتك وملقيتكش وين رحتي لانا ارواحي ارواحي معايا نرجعو للدار

     لانا تحكي

شدني من يدي وداني معاه كل كلمة كانت طيح عليا كانت تخلي كلماتي يضيعو وقوتي كل تتلاشا تبعتو من فم ساكت ركبني فالطونوبيل وديمارا باقصى سرعتو حتى  لحقنا لدارنا لي عندي 9 شهور ما شفتهاش حل الباب دخل وودخلني في جرتو ( مازالو شادها من يدها ) تنفست بعمق الريحة هادي نقدر نفرقها بين الف ريحة وريحة

ريحة الغالية ربي يرحمها رغم كل هاد الوقت مزال ريحتها تملي الدار قاعدة نسترجع فذكرياتي لمليحة معاها حتى وصلت ليوم موتها وكفاش خرجوها من بيتها قاطعني تفكيري صوتها
كارمن: وليت جيبلنا لبنات لقلب الدار يا السي جاد معدش تحشم على روحك
لانا: ههههه وقيل ديتي خبطة على راسك پارداتلك la mémoire
جاد: هادي لانا اختك يا الحابسة وبلعي ### هداك الفم الخامج واعرفي واش تخرجي منو لا نكسرهولك
كارمن: لانا والله درتي لاطاي ههه ونت جاد متهنيتش حتا رجعتلنا هاد لموصيبة للدار
لانا: ( فقلبها ) يعني يعني صح حوس عليا طول هاد الفترة مشي مجرد كلام؟!
كارمن: لاه تحوس عليها باش تنكد علينا عيشتنا اففف
جاد: دار باباها كيما دار باباك عندها حقكها كيما عندك حقك .
كارمن: جاد متخلينيش ننتق من جنابي ونقولك كلام ميعجبك ني نت ني حتى واحد ونخرب هاد الدار على ريصانكم

( وش هي لموصيبة لي تحكي عليها كارمن في رايكم )

سمعنا غير الباب تخبط وصوت جاي مالكولوار
جود: وش كاين كارمن لاه راكي تعيطي
كارمن: ارواح ارواح تشوف شكون جابلنا خوك لعزيز
جود: انتقي تعرفيني منحبش ### تاع suspens تاعك
دخل للصالون شافني عقد حواجبو باين معرفنيش رجعت جمعت اشتات نفسي لي تزربعت وقت سمعت لكم كلمة لي خرجو من فم جاد اما مستحيل ننسى لي صرالي علاجالهم وشحال تعذبت فجرتهم كلو بسبابهم مراحش نسمح لحنيتي الزايدة انها توقفني