كملو شربو ال jus لبعضاهم وحان وقت تلبيس لخواتم جابت فرح لبايط تاع لخواتم فوق لمخدة رفد نائل لبواطة لي فيها لخاتم تاع جنة ولبسهولها شي لي خلى لفرحة تترسم على وجهها على شكل تبسيمة واسعة مالشق للشق الكل فرحان بيهم وقت هيا عملت مثلو ولبستلو خاتمو الدنيا دوات تملات بصوت الزغاريت الا لانا لي تصفر من حيث لا يدرون خلاتهم شبعو عليها ضحك وهي ولا علا بالها مكملا فتصفيرتها
نائل: ( يهمس لجنة ) ليوم خطيبتي وعن قريب مرتي
جنة: ان شاء الله
نائل: يا عمري علي تحشم
كملو فرحانين يحكو عالشروط لي يجيبوهم نهار الحنة لي رح يكون يمات قبل لعرس ولي رح يكون بعد شهرين وقت ترجع لانا ختمو قعدتهم وراحو الضياف لدارهم و طلعت جنة تبدل عاونتها لانا نحات حوايجها وحبطت للتحت لمت لحالة عاونتهم شويا و جات رايحة
جنة: وين يا لالة
لانا: لداري
جنة: اقعدي علاه هكا مشبعتش منك حتى ليوم واصريتي جي صبح ومبتيش معايا
لانا: جنة حبيبتي مشغولة
جنة: ايهم احكي معاها بليز
ايهم: جنة الا حبت تروح خليها تروح
جنة: مفهمتش علاه قتلك 😒 هيا لانا بليز 😫
لانا: جنة خلي غدوى نخرجو مع بعض
جنة: لانا 🥺
راحت ليها ضمتها ومسحت على شعرها
لانا: جنة مديريليش هكا تعرفيني منقدرش نرفض طلباتك وخاصتا بعد ما ديريلي هاد الحركة اما منيش حابة نقعد تعرفي مليح انو اللمات هادو ماشي جوي ومنحبش الغاشي ولخالوطة هادي والفت وحدي وزيد ومنيش حابة نشعل حرب خصوصي مع رهف فخلي كل واحد من جيهتو ومزالو اليامات ونبات معاك ديجا وعد غدوة نضربو دورا انا وياك
جنة: وعد
لانا: وعد
جنة: وين نروحو
لانا: وين حبيتي نديك
جنة: ايا همال نخمم او غدوة نقولك
لانا: هههه اوكاي
راحت جنة للكوزينة تعاون في بنات خالاتها اما لانا فراحت تركب فطونوبيلتها حتا قاطعها قيس
قيس: خلاص رايحة
لانا: ونباتو واقيل
قيس: قلت بالاك اصلا كنتي صارعتنا بجنة
لانا: وشكون يقول بلي نت صاحب خوها
قيس: شتي والله دنيا صغيرة
ايهم: قيس
قيس: انا نخليك الشيطان ينادي
لانا: لكان يسمعك
قيس: يدفني وانا حي مزال متعرفيهش نهار يتقلق en fin ان شاء الله متعرفيهش
لانا: 😂 وعلاه
قيس: راو يحرق الاخضر واليابس
ايهم: ماشي عيطتلك 😠 عشرين سنا باش جي ونتي ماشي حابة تروحي لدارك وش شادك
قيس: هاذا والو مجرد التحمية
لانا: هههه همال انا نروح
راحت لانا مخلية الوحش مع صاحبو
ايهم: علاش تخزر فيا امشي قدامي نتفاهمو
قيس: هههه تحبها
ايهم: وش من حب تحكي عليه منيتك امشي
قيس: امم باين همال علاه تقلقت
ايهم: دك نوريلك كفاه نتقلق تاع الصح امشي خلينا نكملو وش بقا ونروح نرتاح على روحي مالصبح وانا واقف
__________________
جنة: رهف وشبيك ساكتة بلعادة متسكتيش
رهف: اه
فرح: قتلك وشبيك مالصباح منتقتيش c'est bizarre
رهف: لالا عيت برك هادا مكان
جنة: ندير روحي امنتك
فرح: ههه يا درا
رهف: سكتوني
جنة: لا بغيتي زعمة احكي
رهف: دك تصرعيني بلا بغيتي زعما تاعك لي ملي جيت ونتي تقوليها
جنة: هيه وش صرا معاك نتي جاية من مطار 14 نساعة ميتة بلعيا وصرعتيني مسكتيش 5 ثواني دك جي تقنعيني بلي مصبح لعشيا مدرتي والو عيتي
فرح: صبح كنتي نورمال
رهف: اوووه خلاص والو معنتها والو
جنة: يجي نهار وين تحكي متخميش
فرح: هههه معنديش شك
رهف: اففف نتوما زوج نطلع نرقد خيرلي
حكموها لزوج من حوايجها
جنة: وين يا لالة تخلينا حاصلين وتروحي
فرح: مكانش رقاد حتى نكملو
رهف: هداك ما خصني غير ماعنكم
فرح: او لمسيح 😉
رهف: 😫
جنة: 😂😂😂 علاه فكرتيها لوكان خليتيها سوربريز
رهف: ( في قلبها ) الزبلة هاذيك كلات و تمعشقت وراحت وانا خلاصت عليا بلماعن وبلمسيح ادا مندمتكش على وش درتي فيا تشوف ( 😂 علابالك لوكان راي تسمع فيك لوكان خافت وهربت يا يما حتى انا وخلعتيني راكي كي هداك لي كذب و امن لوكان غير فيلميتك كيفاه كنشتي تحللي فيها بصح معليش نتي حجيبيها في عمرك وتتهناي وقت تدخلي لاقرب مقبرة لداركم ومتقوليليش محذرتكش 😉 )
خملو غسلو لماعن وسيقو وكل وحدة طلعت لبيتها ترقدحتا لانا لي بعد ما وصلت طلعت بدلت حوايجها دارت عشا خفيف كلات و طلعت ترقد
أنت تقرأ
كنت ولم اعد
حركة (أكشن)هكذا هي الأيام .. حَرمتني حتى من الأحلام .. عشقت الوحدة والعذاب ..الأفراح بيني وبينها حِجاب .. إلى مَتى يا قلبي؟ ..... إلى متى ستؤلمني الأيام؟ .... وإلى متى سأكتم الأحزان الى متى ساتحمل احساسي بالاشعور والفقدان ؟؟ ... الى متى ساحس بذاك الفراغ الك...
