كنت ولم اعد

#33

    ناضت صباح كارهة حياتها متمنية لكان مجاش هاد اليوم تتساؤلو علاه ليوم اخر يوم من لعشر يام لي سمحولها بيهم صح من وقت خطبت جنة وهي تخرج معاها يدورو ويتبهلو ما تلقو بارك ما تلقو غابة ما تلقو بحر ما تلقو حانوت دارو ڨاع الجي كل يوم وين هاملين خصوصا بعد ما رجعو خالات جنة لفرانسا وايهم لي مبخلش على جنة وعطاها عطلة باش تتفرغ للانا مش مصدقة انها راح ترجع للتدريب او الجحيم كيما تسميه هي والفت اجواء الضحك وتمسخير ولهبال تاع جنة مش متقبلة ترجع لهذيك الصرامة لي رح تزيد بمجرد رجوعها بعد ما زادت مسؤولياتها ولي كانت صريحة فهدرت دانيال معلابالهاش وش مخبينلها واكيد لي يستنا فيها اكبر من لي جوزاتو مش فالمدة لالا وانما فالمستوى لي متيقنة انو رح يزيد ورح يجوز عليها وش ماشافتش من قبل وعلا هاذا لازم تقوي روحها اكثر تنهدت من قلبها وناضت من فراشها دارت دوش خفيف بدلت حوايجها وحبطت للتحت وجدت حليبها شرباتو وديسيدات تخرح دور مدامو اخر يوم ليها وزيد طلع شويا لمورال لي راهو حابط من تفكيرها والشعور لي تحس بيه شعور الوحدة اصعب شعور صح جنة معاها بصح متقدرش تعوضها بشعور الام جنة وحدها متكفيش باش تملي حياتها وهاذا لي تأكدت منو وقت الخطبة كفاش يحكو خوتات نائل معاه كفاش يحكي هو مع باباه وخوالو ايهم مع صاحبو جنة مع بنات خالاتها واهتمام خالات جنة بجنة هاد العلاقات لي عمرها ما جربتهم انها تشوف كل هاد لعلاقات خلا الشرخ لي فقلبها يكبر والجرح لي فيه ينفتح اكثر واكثر  رفدت مفتاح طونوبيلتها وخرجت حلت لباب حتى تسمع لكلاكسون تاع الطونوبيل دارت موراها تشوف جنة خارجة ملكارو تاع الطونوبيل

جنة: وين راه هارب الزين
لانا: هههه لحاصون بالاكي تخرجي مالتاقة تعودي تحصلي ونعشو نطبعو فيك ههه غير متريسكيش

ايهم: ههههه

حبطت مالطونوبيل وجابت معاها باطة في يدها
لانا: وشنو هاذي
جنة: امشي ندخلو قبل ناوية نقعدو فالباب ديجا ماشي مامبا فالباب فالزنقا

لانا: هههه زعما حشمتي موالفة تدخلي بلا عرضة
جنة: ايه قلت نتسڨم مع لي رح نتزوج راكي علابالك

خزرت فيها تاع راكي من نيتك من بعد شافت فيها وترتقو بالضحك

جنة: ايهم ارواح نت تاني ماشي حتى نعرضوك

ايهم: دقيقة نشوف نائل وين راه من المفروض يكون هنا

لانا: يا زدمت ڨاع لجماعة حتى بنائل
جنة: هههه او كيفاه نخلي راجلي وحدو
لانا: اواه نتي تتخايلي بزاف معرفتكش هكا شكون عداك

جاو داخلين حتى سمعو الطونوبيل فرينات دارو حتى شافو نائل حابط منها

ايهم: واخيرا جيت
نائل: ياخو روطار تاع خمس دقايق ما داو ما جابو
لانا: اكتملت المجموعة ايا دخلو خلوني نشوف واش كيان فلباطة دخلو للصالون حطتها فوق الطابلة من بعد شدت لانا من يدها وداتها للكوزينة
لانا: وش كاين
جنة: اصبري لاه مقلقة
لانا: يادرا راكي بيزار

جبدت  bondo من صاكها وغمضتلها عينيها
لانا: ايا جنة حبسي ما تتمصخري ونحيلي من عيني انا كي نشوف لي فيلم يديرها الراجل للمرا وقت يكون رح يطلبها نت وش حديري مثلا
جنة: افففف مقلقة بحالك ما شفتش بلعي عليا فمك شحال هادو
وراتلها زوج بيدها
لانا: وين رح نعرف ونتي رابطتلي عينيا وش هاد السؤال التافه
جنة: هههه امشي

رجعتها للصالون

جنة: حلي

غير حلت عينيها شافت باتسري قدامها مكتوب عليها joyeux anniversaire Lana ومحطوط عليها الشموع الضو طافي وهوما يغنيو حطت يدها علا فمها مش عارفة وش تقول ملامح الفرحة مخلطة بالصدمة مرصومة على ملامح وجهها كل متفتح فمها باش تحكي تتبسم وتعاود تغلقو

جنة: joyeux anniversaire حبيبتي
لانا: جنة

تلاحت عليها عنقتها مزالها مش مصدقة انو عملولها سوربريز واحلى سوربريز بحياتها عمرها لا حتافلت بيه كي الناس حتى نساتو او ولا يوم كسائر ايام حياتها طول عمرها تجوز عليه مرور الكرام عمرها لا واحد تفكرها فيه حتى ولات بروحها متتفكروش

نائل: هيا انسفي وش تستناي
جنة: اتمناي امنية

حكمت شعرها لي طاح وقت طابست ونسفت عالشموع صوت التسفاق ملا الصالون وايهم لي يصفر لكل يضحط وداخل فأجواء الفرحة جبدت جنة باطة صغيرة و حطتها قدامها

جنة: وقت لهدايا
لانا: حتى لهدايا ومنسيتيهمش
جنة: هههه علاه كاش نهار شفتي عيد ميلاد بلا هدايا
لانا: هههه لالا

شدت عليها لبوات نحاتلها ل papier cadeaux وحلتها لقات فيها سنسلة ذهب رقيقة مكتوب عليها اسمها
لانا: يااااا مرسي
جنة: بلا مزية دوري نربطهالك
دارت شدتلها شعرها وربطتهالها
لانا: ميرسي

قرب ليها نائل وعطالها علبة كبيرة

لانا: وش فيها
نائل: حليها
لنا: ااااه متقليش برك venum chalenger 3.0
هزلها براسو بمعنى ايه
نائل: هوما بالذات
لانا: اااععععععع منين جبتهم oh my good
صوطات عليه عنقاتو ( دك نفهمكم هدوما venum chalenger 3.0 ليمفهمتوش وشنو راهم غير احسن gan de baxe فالعالم وشحال ولانا حابة تشريهم مي مقدرتش تجيبهم   )

حطتهم فوق الطابلة ميتة بالفرحة وهنا تقدم ليها ايهم

ايهم: متشوفيش هديتي ولا هدية نائل نساتك فينا
لانا: هههه نشوفها وين راهي

جبد من جيبو مفاتح طونوبيلتو خزرت فيه مبهمة مفهمت فيها والو

ايهم: علابالي حابة ديري بيها دورا
لانا: احلف
ايهم: ههههه والله

شدتهم من يدو وصوطات عليه عنقاتو

لانا: يااااا مرسي مرسي مرسيييييي
جنة: ههههه غير ابروفيتي قبل ميدور فرايو راو عمرو مسمح فطونوبيلتو حتى الشوفور و مصاڨهاش
ايهم: ههههه