كنت ولم اعد

#40

خرج مالدوش لاف سربيتة على وسطو وسربيتة ينشف بيها شعرو لقاها جبدتلو كوستيم مع شوميز و كرافات عض على شفافو وتبسيمة ترسمت على وجهو بلا ميحس لبسو تم تم وحبط للتحت مفاتحو في يدو خرج لقاها تحكي مع جنة غير شافها خزرت فيه غمزلها خلاتو هكذاك وركبت فطونوبيلتها لي كان فيها خال جنة وخالتها اما جنة فركبت مع خوها طول راحو للبلدية
دخلو القاضي بعد ما تلاقاو بنائل وعايلتو مسكين مالصباح وهو يستنا لكل قاعدين يسمعو للقاضي وش يحكي الا نائل لي لوكان يلقى يخبطو

نائل: حبيبنا اكتيفي مزال لغاشي مورانا باش يكفيك الوقت تفطر

خزرو فيه الكل شادين ضحكتهم لانا طبعا لي حكمها الفوغيغ تحكي بسيف

لانا: وشبيك مزروب ههههههه الشغل لمليح يطول هههه
نائل: هاني سكت

كمل القاضي واخيرا لحق الوقت

القاضي: نائل بن مالك تقبل بجنة يحياوي زوجة لك على سنة الله ورسولو
نائل: لكان مانيش قابل لاه جاي عندك نستنا ملعشرة باينة قابل

ترتقو الكل بالضحك

القاضي: ايهم يحياوي الوالي الشرعي لجنة يحياوي هل تقبل بتزويج اختك لنجم بن مالك على سنة الله ورسولو
ايهم: قابل
القاضي: احمد بن مالك هل تشهد
آحمد: ( ببات نائل ) اشهد
القاضي: آسيا بن مالك هل تشهدين
اسيا: ( يماه ) اشهد
القاضي: امل ايت محند هل تشهدين
امل: ( خالت جنة لكبيرة ويمات رهف تشفاولها ) اشهد
القاضي: لانا عصماوي هل تشهدين
لانا: اشهد
القاضي: والمهر جاهز
ايهم: ستلمناه
القاضي: اذا اعلنكم زوجا وزوجة على سنة الله ورسوله

عطالهم الدفتر العائلي و كل واحد راح لطريقو ايهم رجع خالتو وخالو للدار نائل وصل عايلتو و لانا وصلت جنة للحفافة ورجعت للدار بعد ما وصاتها تعيطلها كي تكمل ملي وصلت للدار وتليفونها محبش يحبس تكوبي على واحد تعيط لوخر
ا.......................................
لانا: مزال باش توصلو لعام لجاي ان شاء الله
التريتور: رانا فطريق مدام
ا...................................................
لانا: وينك وفاء ياك جي ليوم
وفاء: اكييد ياختشي توحشت لومبيونص تاع العرس
لانا: وش رايك تجي تباتي هيا متقوليش لالا جيبي حوايج وارواحي توحشتك
وفاء: تتمسخري بيا نجي نبات طفلة منعرفهاش
لانا: ارواحي نعرفهالك زيد جنة مادابيها تموت على الغاشي ديجا راني نسالهالك طيبت هديك لخطرا لعشا في بلاصتك
وفاء: هههه ياديني مزلتي شافية
لانا: هههه اسمعي عندي un deuxième appel مكان لاه نعاودلك ارواحي ياك
وفاء: هههه اوكي
ا.......................................
لانا: وي ايمن لقيتها
ايمن: خصارة عليك الزين انا ڨاع ومنلقاهاش
لانا: يرحم باباك وجدهالي كيما وصيتك لبارح وابعتهالي منقدرش نجوز نديها
ايمن: اوكي مكاش مشكل
لانا: يعطيك الصحة
ا.....................................
لانا: الو بونجوغ حبيت نحجز سويت لزوجين
اكي مدام وقتاش ليوم
لانا: ايه تعيشي
المرا: اوكي مدام على اسم شكون
لانا: نائل بن مالك رح يجي مع مرتو
المرا: حاضر رقم تاع لاكاغت svp
لانا: oui bien sure 2000356
المرا: cbn اقامة ممتعة
لانا: merci
ا.......................
لانا: واش لعريس نقطعو خبارك
نائل: لي يسمعو مايقول بلي صبح تشاوفنا
لانا: ههههههه وش حبيت نقلك ريزارفيت فلوتال
نائل: مزال لعشيا
لانا: غير ماكان لاه سيبون ريزارفيتلكم
نائل: علاه
لانا: اعتبارو cadeau de mariage
نائل: مرسي
لانا: بلا مزية ايا باي راني مشغولة
نائل: هههه اوكي باي
ا......................
لانا: وي جنة كملتي
جنة: وي كملت ارواحي
لانا: اوكي راني جاية
جنة: لحق تريتور ياك
لانا: ايه لحق متخميش بزاف
ا..................
لانا: وين راكم
التريتور: فالطريق
لانا: الطريق هادي تولد شوف يا تلحق في 5 دقايق وتبدا تخدم يا نلحقك لجهناما لحمرا

كبات عليها حطت تليفونها فالصاك رفدت مفاتحها وجات خارجة لقاتو متكي على حرف لباب يخزر فيها
لانا: كاش ما تبحرلك في وجهي
رهف: وش رح يتبحرلو مثلا في فيڨورة كيما تاعك
لانا: ( بين شفافها ) كملت

لانا: ايا وريلي عرض كتافك لنوريلك وش مراكيش حابة تشوفي

جات رح تنتق صونا التيليفون زفرت لانا بملل لوكان تلقى تخبطو جبداتو حطاتو فوذنها بلا متشوف شكون

لانا: وي
وفاء: بليز لانا جوزي ليا راني اونبان

خزرت فيدها شافت الساعة لي حاطتها

لانا: ربع ساعة نكون قدام داركم نلقاك لتحت منستناش
وفاء: اوكي اوكي كوني متهنية

كوبات عليها حتى شافت التريتور مع المساعدين ديالو

لانا: عسلامة سي مراد خاصك كوستيم وتولي عريس مزال لحال بعقلك
مراد: مدموازال
لانا: ( بعياط ) للكوزينة ... ( بصوت اهدا ) مزال مكملناش موضوعنا رهف من بعد نحكو فيه على طريقتي وريلو لكوزينا خليه يبدا من بعد ساهل

رهف: لالا هاد المرة على طريقتي
لانا: اهوووو تعلمنا نحكيو خلينا نشوفو طريقتك بلاك تقتل لفيد لي في حياتي
رهف: نشوفو.... ( بعياط ) يالله تبعني نتايا