كنت ولم اعد

#49

حاسة بروحها طيح من مكان عالي فمكان مفرغ الشي لي خلاها تتنطر من مكانها قلبها يخبط مش قادرة تتنفس شافت للرفاي المحطوط عالتابل دو نوي 4:37 دقيقة قامت طول للصال دوبان غسلت وجها وحكمت سربيتة تنشف بيها و حبطت للتحت طول للكوزينة حلت لفريجيدار جبدت قرعة ما شربت منها ورجعت للبيت بدلت حوايجها ولبست تاع السبور حطت لكيت وراحت تجري حتى حست بروحها بدات تعيا شافت ساعتها 6:42 دقيقة حبست لونترانمون تاعها و رجعت للدار وفي طريقها جابت كرواسون حطتهم على لكونتوار تاع لكوزينة وطلعت عملت دوش لبست سروال كحل sweet فال crevette مع vans نواغ مشطت شعرها وخلاتو متلوق

حبطت شربت حليبها بالكرواسون لي جابتو رفدت مفاتحها وطول للخدمة احسن ما تلحق روطار وتترصالها في تبهديلة

شهر من وقت عرس جنة او 21 يوم من وقت ما جنة ونائل سافروا لجزر القمر يقضيو فشهر العسل تاعهم 21 يوم مزادتش شافت وجهو 21 يوم و اخبارو مقطوعة لا اتصالات ولا اخبار مع انها حاولت تبع تليفونو وتلقا اثروا اما كلي يحوس على دمعة في وسط الما 21 يوم وهي عايشة وحدها حياتها غالبة عليها الروتين تنوض صباح تعمل jogging ترح لخدمتها تهتم بالقضايا لي يكلفوها بيها وترجع لدارها 21 يوم والوحدة والسكات طاغيين على حياتها 21 يوم جازو عليها كانهم 21 سنا غير وفاء و يزن لي يحكو معاها صحيح فهاد ل 21 يوم تبدلت عليهم اما عاذرينها يعرفو انو مش ساهلة عليها انو الدنيا تخليك ديما وحدك مش ساهلة انو تعيشي مع عيباد يتعدو على االاصابع ماليينلك حياتك وفجاة يروحو عليك عايشة فالوحدة حتى تعودت عليها قد ما حاولو يخلوها تحكي اما شي طبيعتها انو همها يبقا في قلبها يقتلها من داخل اما راسمة تبسيمة على وجهها وصلت للمقر لي مع انو صغير مقارنتا مع لي كانت فيه فليون اما لباس بيه قعدت فالمكتب لخاص بيها شعلت ل PC و بدات خدمتها تحاول تبيراطي نظام معلومات المطار باش يتابعو واحد من المطلوبين
 
وفاء: holla Sinyourita
لانا: holla como estas ( اهلا CV )
وفاء: aburrido ( كارهة )
يزن: نت علعام كارهة سوبحان الله
لانا:بونجوغ يويو
يزن: بونجوغ لولو
وفاء: حبسو من يويو ولولو تاعكم تقول دراري صغار... لانا ليوم منسحق تقوليلي والو نخرجو نفطرو مع بعض يعني نخرجو مع بعض .... مفهمتش كفاه راكي عايشة
يزن: والله كي نفهم نفهمك لوكان انا صافي long temps ملي سويسيديت
لانا: ياو مزالني هنا علابالكم
وفاء: هيا لانا نخرجو يزح سمانة ونتي كل يوم غدة
لانا: اوك
وفاء: من قبل حتى اعذارك اصلا عشيا مكانش خدمة..... دقيقة قلتي اوكي
يزن: هههخخهه فقتي شويا روطار
وفاء: والله كنت موجدة جرنان باش نقنعها متوقعتش تقبل مالجملة الثالثة هههههه
لانا: دك نبطل
وفاء: لالا خلاص ... يالله الى الكفاح
يزن: الله اكبر
لانا: هههههه مفهمتش كفاه وصلتو لهنا وحق ربي خصك بولون
وفاء: زوج ماشي واحد
لانا: مكانش مشكل امبعد نقول لساعيد لميكانيسيان تاع الدورة يدبرلي زوج بولونات نديبانيك بيهم
يزن: ههههههه تحكي علينا كفاه وصلنا لهنا وناسية روحك

قعدو يخدمون محسوش غير وقت صونا تليفون وفاء

يزن: بيبييييي متقوليليش درتي alarm
وفاء: و همال هما يحبو ندخل سواسوة فالوقت ميحبوش التاخير وانا نحب نخرج سواسوة فالوقت بدون تاخير
لانا و يزن: هههههههههه
وفاء: هيا رانا تاخرنا زوج دقايق
يزن: اواه هاذي تاع لانا
وفاء: ياخويا راني نطبق فالمثل لي يقولك عاند ولا تحسد
يزن: هههههههه

لمو دوزانهم وراحو طول للريستو دخلو حكمو طالبة مطرفة جاية مع la Bais Vitré وين طل على لبحر

وفاء: ااااه يا قلبي وش توحشت نجي لهنا
يزن: والله حتى انا

طلبو لماكلة وقعدو ياكلو حتى لمحتها لابسة نص ميترا قماش تقول عليها #@# قاعدة مع واحد اما مشافتش وجهو قررت تتغاضى على الموضوع وتنسى لحكاية لي قررت تنساها وتطوي صفحتها كملو كلاو خلصو وجاو خارجين

يزن: وش رايكم تجو لداري نديرو فيها سهرة
وفاء و لانا: okaay