كنت ولم اعد

#24

محبطتش meme pas تتعشا من كثر ما عيات ولا خلينا نقولو مفطنتش حتى

بعد ما قامت راحت طول عملت دوش صحصحت بيه نشفت شعرها وعملاتو queue de cheval لبست survêtement نواغ مع توب فنفس اللون وحبطت تاكل break fast تاعها كيف العادة

         لانا تحكي

قعدت فالطابلة ناكل حتا نتق دانيال كي لعادة لازم يحبسهالنا فالنص sinn متحلالوش

دانيال: ( رح نحكي بلعربية مي كيف لعادة تخاديكسيون في مخكم  ) الاسماء التسعة لي رح نذكرهم دكا نجحو فالاختبر رافاييل بوش سوزي ويليام ايمي واتسون بيار ماندي جورج وينڨتون ادوارد والاس فليب استون سارة ال عمغان ( ياك الراء ينتقوها غ 😂 ) و ميري كالوس تأهلتو للدور الجاي وهاذا يمنحكم تقدم شهر على لوخرين

لانا: ( بصوت واطي ) كشغل مسمعتش آسمي ( لولو علاه دايمن مقلقة يقولو الافضل للنهاية

دانيال: اما البقية فالكل رح يعاودو يخضعو لدروس لانكم رسبتو فهاد الامتحان بينتو انو مراكمش قادرين تتحكمو فروحكم وتبينو قدراتكم خليتو الموقف يسوقكم وعلى هاذا رح تعاودو تخضعو لاختبار التحمل مع بيار ( بيار هو الطبيب النفسي المسؤول على هاد الصوالح ) الا لانا عصماوي لي قدرت تنجح فشطري الامتحان هاد الشي لي واحد فيكم ما وصلو لكل اهمل الفرقة لي كل مرة تلحقكم مجاتكمش بيزار هاد الاهمال منحتاجوش مرة اخرى فالمستقبل رح تكونو اعضاء الانتربول هاد الشي لي يفرض عليكم انكم تكونو منتبهين ومتيقنين فابسط الامور حتى ولو كنتو فالضغط لازم حتى ولو كانت مهمتكم بصيطة لازم تركزو تاخذو حذركم وتنتابهو لكلشي من حولكم لازم تسبقو الخصم بخطوة وتعرفو حتا فاش راهو يخمم لانا عصماوي

دنيت كورسيا و وقفت

لانا: oui mon commandant

دانيال: نهنيك على الفوز لي حققتيه نتمنى تبقاي فهاد المستوى لحقتي لمرحلة وين لخطأ غير مسموح نجاحك فهاد الاختبار المزدوج رح يسمحلك انك تجتازي الامتحانات الجاية لي رح يكونو نفس الموضوع لي رسبتو فيه كلكم كان من المفروض تنتبهو لهاد ال détail لانا عصماوي نجاحك فهاد الاختبار سمحلك بتقدم شهرين على الكل اضافتا للتقدمات لي حصلتي عليها من قبل ولي قلص مدة التدريب ديالك ل 8 شهور هاذا ميمنعش انك تعاودي ترجعي للور وتتمدد المدة قصدي منا ورايح اي خطأ او تهاون فالاختبارات رح يخليك تتراجعي للور وتعاودي نفس الاختبار لي رح يخسرك وقت وبما انك انت اول وحدة لحقت للنهاية رح نعطوك 10 ايام اجازة من ليوم تقدري تروحي فيها لداركم تشوفي اهلك

المسؤولية لي حسيت بيها وقت كان يحكي مع اللول كلها طارت وقت سمعت كلامو اللخر قلبي رفرف من الفرحة واخيرا رح نرجع نشوف جنة نرجع نرقد على فراشي نشوف نائل ناكل ماكلة كي الناس نرقد كي ناس نشوف tv اااااااااااااه قلبي الصغير لا يتحمل كل هاذا شديت روحي باش منوضش نسوطي وكملت نسمع في كلامو