هكذا هي الأيام .. حَرمتني حتى من الأحلام .. عشقت الوحدة والعذاب ..الأفراح بيني وبينها حِجاب .. إلى مَتى يا قلبي؟ ..... إلى متى ستؤلمني الأيام؟ .... وإلى متى سأكتم الأحزان الى متى ساتحمل احساسي بالاشعور والفقدان ؟؟ ... الى متى ساحس بذاك الفراغ الك...
ايمن: واش زين عجباتك لانا: علاش بعثتها ايمن: خصارة عليك حتى لدوك بعثتهالك صباح مع واحد تابعني وقالي ستلمتيها لانا: لمن مدها ايمن: قالي عطاهالك ليدك لانا: ايمن مجهلونيش فيميزك لكان ستلمتها نسقسيك ايمن: اصبري دقيقة
سمعتو يحكي من بعيد مع واحد بصح صوتو مكانش واضح حتى نقطع حسهم ورجع حكا معايا
ايمن: قالي بلي حلتلو وحدة لباب كي سقساها على وحدة وسمها لانا قاتلو بلي انا لانا: كفاش عاملة ايمن: قال بلي شعرها اصفر
طلعت راصي جات عيني فرهف وهي تودع في جنة موتها على يدي كبست على يدي نرص على سناني نحاول نتمالك اعصابي
لانا: نعاودلك نعاودلك من بعد ايمن: تحبي نعرفلك شكونها لانا: مفيش داعي علابالي شكون رح نتصرف ايمن: لانا اهدي متتهوريش
كبيت عليه مش ناقصة نصايحو نشوف فطونوبيلت نائل ديمارات والباقي بداو يدخلو للصالة والله عمرو لا الوضع مشا مع مخططاتي كيما ليوم وليت نشوفها كحلة جبدت مفاتحي ملبوشات ورحت ليها نمشي بكل ثقة صوت طالوني حيكسر الدنيا مشيت قبالة ليها شديتها من مرفقها ومشيتها معايا مالاحسن نقولو كركرتها معايا لانو وبحكم كانت مقابلتني فوقت شديتها وبديت نجرها مقدرتش تمشي للور مع الروب لي لابستها والسرعة لي نمشي بها حليت باب طونوبيلتي رميتها لداخل وغلقت عليها لباب ركبت و ديماريت الطنوبيل باقصى سرعة منقدرش نقول كيف لعادة لانو هاد المرة نصوڨ بسرعة جنونية نتفادى فطونوبيلات يادوب نسمع صوت عياطها وشهقاتها لي ميهمونيش لانو وش راح تشوف دكا رح يخليها تبكي دم اقل من عشر دقايق كنت قدام داري حبطت وحبطتها معايا نكركر فيها حتى دخلتها لاكاف
رهف: ل.ل.لانا س.س.سا.محيني
لانا: بلعي صوتك منسمعوش
غلقت عليها لباب وصلعت لبيتي جبت le poing American تاعي صدقوني فهاد اللحضة تمنيت يكون عندي غرفت تعذيب كيما فليفيلم اواه واقيل ندير وحدة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
__________________
نرجعو دقايق من قبل لعند ايهم لي كان داخل حتى لفتت انتباهو وقت كانت لانا ماشية وجهها ميتفسرش رايحة قبالة جيهت رهف لي تخزر فيها مش فاهمة باش تبلات مش فاهم وش راه صاري حتى شافها تكركر فيها لطونوبيلتها ورماتها داخلها
