كنت ولم اعد

#47

وقت سمعها تنطر من بلاصتو وراح لعند جنة حاكم قبضتو

جنة: ههههههه شوف ايهم واخيرا صورت ماما تعرف حوست فڨاع غراضي اما ملقيتش

حطتلو لكادر فيدو وعنقت لانا سعادتها متتوصفش

جنة: ياااي مرسي لانا عمري لتوقعت نزيد نشوفها متتصوريش قداه فرحتيني

لانا: اطلبي لغالي يحضر يالوكان يكون في سابع ارض

حس بقوت كلامها عرف انو لانا لما تحب تحب بصدق تحب بأتم معنى الكلمة بصح يا هل ترى رح يشوف وجهها الثاني وقت تكره

فرح: وقتاه مسافرين
نائل: بعد غدة
جنة: ياه تسما مراحش نشبع منك
لانا: اشبعي من راجلك بزاف عليك
وفاء: ههههه عندها الحق اصلا سمانة لجاية راجعين للخدمة
جنة: راجعة لفرانسا
لانا: ههههه وشبيك تفجعتي تقول رح نموت
وفاء: ههههه لالا رح نخدمو هنا انا وياها ويزن اما رح نطلعو اسبوع كل شهر .... لانا محكيتيلهاش
لانا: والفت نسمع الشي لي خلاني ننسى كفاه يحكو

كلامها عندو معنا كبير قليل لي يفهم معناه لانو لكل يشوف الامور بنضرة سطحية واحد ما يتعمق فيك وفشخصيتك باش يفهمك ويفهم احساسك

نائل: حنا نروحو
لانا: حتى انا نروح دوزانك واجدين وفاء
وفاء: ايه واجدين
لانا: همالا اصبري انا مزال موجدتهم
قيس: alors خلي انا نوصلها
وفاء: لا معليش متشقيش روحك نستنا لانا توصلني
قيس: لا عادي
لانا: ني شقى ني هم يحزنون دارك في طريقو

غمزت لانا لقيس فاهمة حركاتو لي حاب يتقرب بيها من وفاء لي جذباتو

نائل: حتى حنى امشي نروحو

راحو قيس او وفاء ولحقوهم نائل و جنة اما لانا فطلعت ترتب دوزانها بعد ما ڨصرت هي وفرح بدات تلم فدوزانها ما حست كان بصوت الباب لي تفتح

لانا: ايهم

دخل يمشي برزانة دموعو متحجرة فعنيه اما عمرهم لا يحبطو من نهار وعد روحو ميزيدش يبكي

         _________ ( flash back ) _________

جنة: ماتت يا ايهم ماتت
ايهم لي ملي كان صغير ودموعو متحبطش حبطت ليوم على فراق امو لي خلى حالت اختو تدهور مع انها مكانتش مهتمة بيهم وبتربيتهم همها الوحيد جمعياتها و صورتها كامرأة نشطة وزوجة رجعل اعمال امام المجتمع ولا خلينا نقولو امام الكمرات والاخبار

ايهم: خلاص جنة عيش اختي عندها 3 يام ملي ماتت ماكليتي حتى لقمة
جنة: كفاه حبيتني ناكل منين جوز
ايهم: هيا معليش شويا برك

قاعد يحاول يوكل فيها حتى سمعو لباب تحل تبعو صوت ضحك باباهم قامو يشوفو وشنو وهنا كانت الصدمة الثانية بالنسبة ليهم باباهم حاضن مرا ثانيا ودخلها لدارو بروبة بيضة

جنة: ( بهمس من قوة الصدمة ) ت.ت.تز.تتزوج
ايهم: روحي لبيتك دك نفهم منو الموضوع

راحت لبيتها وهو جبد باباه يحكي معاه رغم صغر سنو الا انو كان واعي وقد المسؤولية كان راجل ويهتم بيهم الكل وخاصة اختو لي يحسها من مسؤولياتو

ايهم: وش هاذا نعرفك متحبهاش اما مش فليوم الثالث من موتها

نطرلو يدو لي كان شادو بيها جابو فالارض

اكرم: ( باباه ) لا وراني طولت
ايهم: بصح علاه تعمل هكا العشرة لي بيناتكم وين راحت ولا نسيتها
اكرم: هههههه العشرة ### بيا امك يا سيدي لي تشوفها ملاك على الارض #### واكبر ##$#
ايهم: ( بعياط) منسمحلكش تحكي عليها هكا الزواج وسكتنا اما شرفها فخط احمر هاني نحذر فيك
اكرم: هاذا اذا كان عندها شرف
ايهم: احترم نفسك
اكرم: علاه راني نكذب يماك العفيفة لي تحكي عليها ماماتتش اصلا كي الناس وماتت بالايدز نهار كامل وهي من واحد لواحد العفيفة لي تحكي عليها خانتني على جال الدراهم منعرف ادا ولادي ولا ولاد كاش #@#@#

خلاه مرمي فالارض وراح لعند مرتو خلاه فوقع الصدمة لي نزلت عليه وحطماتو صحيح انو كانت مهملاتو وعمرها لا هتمت بيه وباختو لا هي ولا بوه يعني اذا كان باباه كلامو خلاه ينقم عليه وعليها ينقم على الحب لي حبها و نقم على دموعو لي نزلو عليها وعلى فراقها ليوم هو لي تقلبت حياتو وتكشف لمخبي الشي لي خلاه يتبدل 360 درجة راح ايهم لي يضحك ويلعب وجا في بلاصتو ايهم البارد لي متهزو حتى حاجة مشاعرو كلها تمحات وتمحات معاها لمعت عينيه هدفو الوحيد يخرج اختو من هاد المستقبل

#كنت ذاك الفتى المتفائل المحب للحياة حتى علمت ما كنت اخشاه #ولم_اعد فالمحبة ضعف مذلة واحتكار #كنت ذاك الفتى الذي يفرحه الجلوس امام طاولة العشاء في احضان العائلة #ولم_اعد فالعائلة اكبر كذبة عشتها اوهمتني بشباكها الخادعة #كنت ذاك الفتى الذي ينهمر ماء عينه بمجرد صقوطه #ولم_اعد فقد تجمدت

       _________( flash back end ) _________