خزرو فيها الكل مش من عادتها تحكي هكا
جنة: لانا
رفدت يدها جيهتها واشارتلها باش تسكت
لانا: نقدر نفهم شكون سمحلك تدناي للكابة تاعي
رهف: اه علاش كابتك هاديك؟؟ بصح كانت فبيتي
لانا: هاذا ميمنعش انو مراهيش تاعك معندكش لحق تمسي حاجة ماشي تاعك
رهف: وقت عطاولي لبيت
لانا: نحيه
رهف: لكابة وتاعك وهاذا نضن ماشي تاعك تاع ايهم مراهوش معارض اصلا
قربت ليها اكثر ورفعت صبعها في وجه رهف
لانا: ننصحك متغلطيش وتلعبي معايا راكي تندمي وهاني حذرتك
جات عند ايهم تجري وسيحت هاذوك الزوج دمعات تتحكك فيه
رهف: وش فيها لبست تريكوك ياك تاعك مافيها والو علاه تحكي معايا هكا نت ومقلت والو
ايهم: خلاص
لانا: وش خلاص مخلاصش
جنة: لانا مفهمتش علاه تكبري فلحكايا مش من عادتك
لانا: جنة
جنة: لانا علابالي بلي مضغوطة بصح رهف والله بنت طيوبة وضلمتيها مع الوقت تعرفيها
معرفتش وش تحكي قعدت ساكتة مربطة معرفت ترجع لدارها معرفت تقعد
لانا: هاني سكت مي غدوة منضمنش غير مكان لاه دور بقسام جدي نمحيها ومتشفعيلها ني نت ني وحداخر
جنة: تعشيتي
هزتلها براسها بمعنا ايه
جنة: وش صرالك مالصباح وانا نعيطلك
لانا: كنت فلبيت وخليت تيليفوني فالصالون راني عيانة نطلع نرقد
خلاتهم كامل واقفين شدت صاكها طلعت لبيت رهف جابت كابتها وراحت للبيت لوخرا غلقتها بلمفتاح رفدت تليفونها وقعدت فوق التاقة تشوف وش بعتلها حسام
"تهربي بلا متقوليلي عالاقل طمنينا بلي وصلتي "
شدت تليفونها وعيطتلو
لانا: اولا سينيور كومو ايستا موتشاس بوينو
حسام: بعتناك للدزاير ولا ليسبان
لانا: هههههه cv
حسام: قاعد مع ريصان الشحم كفاه حبيتيني نكون مثلا
لانا: اسكت اسكت لوكان ماجيتش نعرفك نقول بالاك راك dépacé مي كي جيت نعرفك هاك تكون باين تدراڨي فيهم
حسام: هههه
لانا: تضحك ااااا
حسام: نبكي واقيل
لانا: علاه انا قتلك ابكي المهم نخليك تكمل تحكي البطولات تاعك وكفاش سلكت فالمهمات تاعك منعطلكش
كبات عليه وقعدت تشوف فيهم مالتاقة قاعدين تلاثتهم فالجنينة ويضحو
لانا: وش راني ندير هنا علاه جيت
حطت راسها على التاقة وقعدت تخمم افكار تدي وجيب فيها لكان تصيب كفاه تروح دك تروح تستنى غير فالشمس تطلع ستنات وستنات حتى معادش فيها تقعد شويا فوق البونك ودور شويا حتا بدات الشمس تطلع شافت الساعة لقاتها 5 لمت دوزانها حطت التيليفون في صاكها وخرجت من البيت رايحة ديراكت لبيتو دقت الباب بصح مردش عليها فتحتها لقاتو راقد حاط راسو على يديه راحت بلعقل ليه قاعدة تشوف فيه مقدرتش تمنع روحها ودخلت يدها فشعرو تمسحلو عليه
لانا: ايهم ايهم فيق
شافت فملامحو بانلها بلي تعبان
لانا: ( في قلبها ) نموت ونعرف وش شاغل بالك لهاد لحد
أنت تقرأ
كنت ولم اعد
Actionهكذا هي الأيام .. حَرمتني حتى من الأحلام .. عشقت الوحدة والعذاب ..الأفراح بيني وبينها حِجاب .. إلى مَتى يا قلبي؟ ..... إلى متى ستؤلمني الأيام؟ .... وإلى متى سأكتم الأحزان الى متى ساتحمل احساسي بالاشعور والفقدان ؟؟ ... الى متى ساحس بذاك الفراغ الك...
