كنت ولم اعد

#21

بعد حوالي ساعة من الجري المتواصل حبست ونفسها مقطوع تسمع فصوت قريب ليها تخبات مور شجرا كبيرة
الجندي: he is a meter away from here ( راهو على بعد ميترا من هنا )

خزرت تشوف وين شارلو

الجندي 2: what about the girl ( او الطفلة )
الجندي 3: she is not far I could monitor her ( مراهيش بعيدة قدرت نرصدها )

جوابو خلاها تتاكد من شكوكها

لانا: ( بصوت قريب ميتسمعش ) على هاذا كانو يرصدوني فكل مرة

راحت تمشي بشويا الشتا بدات الطيح صوتها العالي خلى التغطية مليحة وقلل من نسبة سماع صوتها وهي تمشي ستغلت لفرصة هادي باش تبعد تعرف بلي مش بعاد عليها ويقدرو يلقاوها لمحت واحد قاعد يقطع فالشجرة قربت ليه بشويا متأكدة انو هو لي كانو يحكو عليه تتلفت موراها خايفة يكونو لحقوها حتى شافت الشجر يتحرك جرات ليه جبداتو من يدو لمور الشجرة وحطت يدها على فمو و بالثانية عملتلو بيها حركة باش يسكت

الجندي 1: ( كيفاش مستحيل اشاراتهم حبسو )
الجندي 3: ( يمكن من الشتا )

ستناتهم حتا تجاوزوهم بعد ما تأكدت انو مراهمش فهاذ المنطقة

لانا: راحو بصح مراحش يطولو
الراجل: كفاه عرفتي
لانا: مش مهم .... يااا دزيري
الراجل: ايه ونضن معقلتينيش على حساب ردة فعلك
لانا: علاه تلاقينا من قبل
الراجل: تلاقينا فالطيارة وقت نسيتي الشال تاعك
لانا: ااااا نضن مازن 🤔 ااا يزن يزن مش هكا
يزن: هههه وي ( ونتو تفكرتوه ضهر فالشابيتر 15 )

بدات تقلب فكارطابها حتى جبدت منو une puce

يزن: متقوليليش برك
لانا: شريحة ارسال الذبذبات ( شريحة ارسال الذبذبات تستعمل عادة فالمحميات على الحيوانات كيما الطيور حيث ان هاد الشريحة لي تحملها هاذ لحيوانات ترسل ذبذبات يلتقطها الرادار لي يكون عند المسؤولين بحيث كل ما قرب للحيوان رح يصدر صوت ويعطيك البعد بينك وبين الحيوان يستعملوه وقت يحوس على حيواناتابمحمية لي ملقطتهاش كمرات المراقبة خوفا من انو تكون ماتت او صرالها شي وهاذا لي يتطلب تدخل ميداني بحيث كل حيوان عندو شيفرة خاصة يدخلها عالرادار وكل ما قربو منو يصدر صوت وبنفس المبدأ حطو شيفرات فالحقائب ودخلوهم فالرادارات وهكذا قدرو يلقاوهم فكل مرة مع كل محاولاتهم لتغطية ٱثارهم )

يزن: وكيفاش نديرو
لانا: اجبد شريحتك ومتحوسش تفهم

جبد شريحة لي كانت فلجيب الدخلاني تاع كرطابو حطهالها في يدها يستنا فيها تتحرك

يزن: وش حتكون الخطوة الجاية
لانا: نقلب اللعبة رح نلعب بيهم كيما لعبو بينا بما انهم حبو يلعبو فرح نوريلهم اللعب على اصولو

خزر فيها مش فاهم وش تحكي جبتد من كرطابها لحبيلة لي عطاوهالهم قطعت مورصوات جابت حطبة طويلة قسمتها على زوج وربطت فكل وحدة من هدوح لحطبات عدة خيوط عملت عقدة بآخر كل خيط بحيث انها تشكل حلقة من الممكن انها تتزير ( ان شاء الله تكونو فهمتو )