كنت ولم اعد

#36

نجم: كل واحد رح يرجع لبلادو رح تخدمو من فرع الانتربول الموجود تما فآخر كل شهر رح نتلاقاو لمدة اسبوع هنايا بش نعرفو على كل التطورات لي لحقتو ليها كل واحد فيكم رح يدي بصبور جديد عليه ختم الانتربول رح يخليكم تتنقلو بكل سهولة منحب حتى غلطة منحب حتى واحد يشكيلي منكم توماس ودانيال حكيت مع الانتربول الفرنسي وفاء يزن و لانا الانتربول الجزائري

بعد شهر رح يبدى دوامكم تخدمو عادي وكيما قلت فآخر كل شهر جو لهنا لمدة اسبوع تسلمو معلومات لي عندكم على المونتينيڨرو بنفسكم منحب حتى تسرب فالمعلومات المهمة سرية مفهوم

الكل: حاضر سيدي
نجم: بدون سيدي منا ورايح رح يكون بيناتنا احتكاك كبير رح نولو زملاء فبدون رسميات
الكل: حاضر
نجم: اما دك فتقدرو تروحو لعايلاتكم وتشبعو منهم لانو وقت المواجهة قرب وعصر مونتينيڨرو خلص وحنا لي رح نرسمو نهايتو اما دكا فتقدرو ترتاحو غدوة تلقاو الشوفور يسنا فيكم يوصلكم للمطار
ناض نجم من بلاصتو وخرج من الشقة الصغيرة لمتكونة من 5 بيوت صالون وكوزينة

وفاء: يايما متحمسة نرجع للدزاير
يزن: تشوفي انا مالڨري وش جاب لجاب بصح والله خير ما تقعد هنا
لانا: هههه
توماس: علاه نتي مكيش حابة ترجعي
لانا: شايفاتك تعلمت الدزيرية
دانيال: لي يتلاقى مع الثلاثي الخطير يتعلم حتى الهندية
الكل: هههه
يزن: اسمعو انا جعت مطيبوش
وفاء: علاه نت وقتاش مكنتش جيعان ( صاريلو كي حالتي وفاء بلعقل عليه ميحس بالجمرة غير لي كواتو )
لانا: شمر على يديك حلاتلك واقيل
يزن: علاه علاه منغيضكش والله غير جعت ومنيش حاب ناكل سم تاع هاد الزوج رهجوني
وفاء: ساهلة ماهلة سوندويتش خبز طوماطيش وملح يدير لافار
لانا: مليح وشباب ونحبوه ڨاع
يزن: هههههههه هيا نوضو منغيضكمش ( كي نقول يزن جاع معنتها انا جعت محبوش يحطولي ناكل راني نخمم غير فالماكلة  )
لانا: اففففففف

راحت للكوزينة دارتلو تم تم مقارون صوص غوج ( هوما الله الله مقارون صوص غوج فيونداشي مدوزي بالفرماج وانا خلاصت عليا بالطعام واللفت لي داير روحو باطاطا معليش كاين ربي ) كلاو مع بعض وتسرسبو لفراشهم رقدو مفاقوش حتى للعشرة ستقهواو مع بعض وكل واحد فيهم شد فاليزتو راجع لبلادو توم ( توماس ) ل paris   دان ( دنيال ) لنيس اما وفاء يزن ولانا فيرجعو مع بعض فطيارة وحدة من بعد كل واحد يروح لدارو
                       ________________

تمشي بكل ثقة فمطار هواري بومدين جر في فاليزتها قدامها راسها مرفوع والقوة تبان من مشيتها على يمينها وفاء لي مش اقل منها قوة اما يزن فمنحكوش عليه حالة خاصة كتلة زين متحركة بصح وحدة متقدر تقرب من حدودو لمحرمة نظراتو مشيتو وكل تفصيل فيه يخليك تفهم انو اللعب والتمصخير مكانش فقاموسو يمشيو كانهم ثلاثي رهيب خارج من هولوود شافت وفاء عايلتها من بعيد تلقت فاليزتها فالارض وراحت تجري عندهم تبوس وتعنق فيهم  امها اللي تبكي مالشوق من شوقها لكبدتها لي عندها اكثر من 8 شهور مشافتهاش خوها الصغير لي راكب في ظهرها وبباها لي شاد مرتو ويحضن في بنتو للحضة لانا راحت لبعيد مع المشهد لي قدامها تفكرت امها لي راحت وخلاتها فنص الطريق زعمى تكون فخورة بيها اكيد رح تكون اما الشي لي متيقنة منو فداخلها انو لوكان مزالت يماها لوكان مزالها قابلة الذل والكلام لي تسمعو من لي هب ودب  واوووب تحس بشكارة ترمات فوقها ههه وشكون من غير الشادية جنة  لي تعنڨشت عليها تعيط بكل صوتها خلات كل لي فالمطار يشوفو فيهم

جنة: اععععع توحشتك
لانا: اااي رح نطيح بشويا خنقتيني ههههه