كنت ولم اعد

#25

         لانا تحكي

طريق محبتش تخلاص غير بفارغ صبر واخيرا لحقنا للمطار متحمسة و مش مصدقة وقتاش نلحق حاسة اني نحلم ارض ربي وكبرها مش سايعة فرحتي

لانا: شاف
نجم: oui
لانا: الطيارة على قداش

عطاني البيي لي شراه كي و صلنا شديتو عليه لقيتو على 5 تاع لعشيا خزرت فيه تاع تتمسخر بيا

نجم: ملمفروض تكون كاينة طيارة على 1:30 بصح لضروف جوية مقدرتش تطير ولهاذا صرا تأخير
لانا:( بصوت واطي وتعكي على هدرتو فنفس الوقت ) ظروف جوية فعز الصيف
نجم: التقاء التيارات الهوائية السخونة لي لتحت ولباردة لفوق يخلق رياح قوية خطيرة على الطائرة خاصة وحدة كيما AW_002 ( طائرة صغيرة من اختراعي غير مكان لاه تحوسو عليها كفاه تخيلت قوجا حكاية قوجا قسم تدريب تاع انتربول منتخيلش طيارة صغيرة ترفد يا ربي 100 😂😂 )

وقت سمعاتو جاوبها تربتت وحشمت علخر متوقعاتوش يكون سمعها قعدو فالسال d'attente يسناو او بالاحرا تستنى هاد الزوج سوايع ونص يخلاصو بفارغ الصبر

نجم: من غدوة يبداو لعشر يام استمتعي قد ما تقدري لانو بمجرد وصولك راح يبدا الصح ورح نركزو اكثر على التهكير بما انو رح يكون مجالك

هزيتلو براسي بمعنى ايه

نجم: بعد ما تخلاص اجازتك رح نجي نديك باش نرجعو

لانا: لهنا ل Alger 😕
نجم: ايه عندك مشكل
لانا: non معنديش
نجم: وقت توصلي رح تلقاي شوفوغ خاصتنا يوصلك

هزيت راسي وشديت تلفوني قاعدة نلعب بيه حتى قاطعني افف دك هادا ميسكتش

نجم: مراحش تخبري عايلتك انك جاية
لانا: لالا رح نعملهالهم surprise

كملت نلعب بتيليفوني حتى سمعت ال réceptionniste  تحكي

المرا:les voyageurs en direction d'Algérie, vous êtes priés de vous rendre à la section n ° 3890 (نطلب المسافرين المتوجهين الى الجزائر الذهاب الى البوابة رقم 3890
وقفت رايحة ندفع لpasport و البيي حتى وقفني نجم

نجم: باي لانا
لانا:  باي

كملت مشيت و عطيت للراجل لباسبور والبيي تاعي نحيت ساعتي حطيتها فالسنيوا هاديك وعطيتلو كابتي جزت عطالي دوزاني وكملت طريقي طلعت للطيارة حطيت كابتي فل porte bagages ( داتها bagages a main بحكم ماشي كبيرة بزاف ومراهيش حابة تضيع وقتها فال débarquement )

طفيت تليفوني حطيت لكاسك على موسيقى هادية درت la ceinture وغمضت عينيا نرتاح دقايق من بعد سمعت المضيفة تحكي

المضيفة: veuillez prendre soin de bien attaché vos ceinture l'avion vas d'écoles dans quelques min vous aller sentir quelques trouble mais c'est a cause du décolage si vous avez besoin de quoique ce soit appuyez sur le boutons au-dessus je vous souhaite un bon voyage (خوذو حذركم باش تربطو مليل احزمتكم الطيارة راح طير خلال دقايق رح تحسو باضطراب صغير علاجال الاقلاع واذا حتجتو اي حاجة ماعليكم غير تعبزو على الزر لي فوقكم نتمنالكم رحلة سعيدة )
                        _________________