كنت ولم اعد

#35

    حمم وقطع هاجس الصمت لي خلقو وشكون يقدر يحكي قدام ڨابريال جورج هولند رئيس قسم التدريب واحد من اكبر اعضاء المنضمة لمكافحة الجريمة مشي فاللعمر وانما فالقيمة وعضو من اعضاء المجلس لي عندو هيبة قراراتو اوامر ومشوارو حافل عندو عدة اوسمة تلقاها كعربون شكر على تفكيكو لعدة من المؤسسات والاطارات الخارجة عن القانو وهاذا لي خلاه يشغل المنصب هاذا وصير رئيس قسم التدريب القسم لي عندو قيمة واهمية كبيرة للانتربول القسم لي رح يعوض كل واحد تقاعد كل واحد مات على ساحة الحرب لي دخل فيها باش يحمي الوطن والمواطن
ڨابريال: ( الهدرة رح تكون بلفرنسية مي رح نكتب بلعربية ) بما انكم وصلتو لهنا فنحب نقوللكم انو راكم افضل عشرين متدرب من بين اكثر من الف متدرب مسؤوليتكم كبرت وعلا هاذا مرحش نبقاو مع لعب الصغار وننتاقلو للمرحلة الثانية وين راح تخدمو على ارض الواقع تشوفو كفاه تكون لخدمة وكفاه تمشي كل واحد منكم رح يكون فمجموعة تاع 5 رح تكونو تحت مسؤولية واحد من القادة لي قدامكم رح تساهمو فالمهمة الموكلة ليهم وبعدها تكملو وتقدرو تستلمو المهمات الخاصة بيكم يعني مرحلة التدريب نقدرو نقولو خلاصت وبدات مرحلة التطبيق المسؤولين عليكم رح يفهموكم اكثر بالتوفيق ( مي شحال تهدر يا صحبي جبتلي النعاس ايا سرحرح خويا )
ناض مالكورسي وقفو الكل قدمولو التحية وخرج متبعينو رؤساء الاقسام الثلاثة

ناض نجم والربعة لي معاه وقدموهم لربعة فرق طبعا لانا ويزن مع نجم ومعاهم 3 متدربين وحدوخرين وفاء دانيال و توماس تبعوه للبيرو ديالو دخل قعد فوق كورسيه اما هوما الخمسة فقعدو واقفين يستناو فيه يحكي ناض من بلاصتو ونحى لحاف ( لغطا ) على الصبورة لي كانت فلكوان طاح لحاف وبانت عليه مجموعة من الصور جرائد مقالات وبزاف حوايج يربط بسناتهم خيط احمر مشدود بدبابيس الكل قاعدين يتساؤلو وش هادا وعلامات لحيرة باينة عليهم الا هي لي واقفة مربعة يديها ومعرفتش كفاه خرج لكلام من فمها

لانا: المافيا لحمراء عصابة مونتينيڨرو

الكل دارو ليها مش فاهمين وش تحكي الا هو لي صدماتو اجابتها خزر فيها باستغراب

نجم: كفاه عرفتي
يزن: باين لوشام لي علي يد الراجل لي فالصورة

حمحم نجم بعد ما شاف لوشام لي حكى عليه يزن

نجم: بالضبط عصابة مونتينيڨرو اشهر واخطر عصابة فالمافيا الروسية ولا المافيا الحمراء كيما يقولولها لقب استحقاتو المافيا الروسية بعد كل الدم اللي سال والضرر لي قدرت تسببو فالعالم المظلم فمدة وجيزة مهمتنا انو نقيسو فرع من عصابة مونتينيڨرو لانها عصابة كبيرة فيها 15 نفرع عصابة منظمة وعلى هاذا مقدرناش نوصلولها بالرغم انو كبيرا وعندها اقسام حتى فالولايات فرنسا بلجيكا وحتى اسبانيا عندها مجلس ينعقد زوج خطرات فالعام يتلاقاو فيه رئساء لخمصطاش فرع باش يسيرو امورهم لي تتمحور على التعذيب القمع تهريب الاموال السلاح المخدرات المتاجرة بالاعضاء تبيض الاموال وكل عملية خارجة عن القانون ممكن تخطر على بالكم وهدفنا افشالهم كل واحد رح نعطيلو دوسي عن كل المعلومات والادلة لي عندنا رح نحاولو نجيبو ادلة اكثر باش نقدرو نوصلولهم

  لانا تحكي

لميت حوايجي بعد ما طلب منا نجم نلموهم اما حاليا فراني فغرفتي فالقسم الرئيسي  خلينا نقولو شقتي لجديدة لي تقاسمتها طول هاذ الشهرين انا يزن وفاء توماس ودانيال لي كلنا نجحنا فالاختبارات لي عطاوهملنا طول هاد الشهرين وجدونا لكل الاحتمالات لي ممكن نتحطو فيها وقت نكونو فمواجهت المونتينيڨرو العصابة لي بناونا باش نواجهوها وباش نوقفو ضد اعمالها جازو علينا يامات وين تعرضنا للتعذيب الافتراضي لمدة 10 ساعات فاليوم كانت كيف الكابوس بالنسبة لينا خلاو اجسامنا تخضع للخيال لي زرعوه فعقولنا تحس بكل ذرة تعذيب وتتجاوب مع الالم مع كل ضربة كنا نتلقاوها فالعالم الافتراضي لي عيشونا فيه كنا نحسو بيها حتى ولينا نخلطو ومرجعناش نفرقو بينو وبين الواقع واقعنا لي يمثلنا هاد الشي  حطمنا انو مننساوش شكون حنا فالواقع كان بالنسبة لينا الهدف الاسما تنضربنا اكثر من عدد شعر راسنا وبعد مرور الايام موليناش نستجيبو لا للضرب ولا لاتعديب ولينا حنا نتحكمو فالمحاكات ولينا نسيروها بعد ما كانو يسيرونا لحقنا لمستوى عالي وين ڨابريال بجلالت قدرو دارلنا زيارة وتدخل فتدريبنا عين احسن دكاترا وعلماء نفس باش يختابرونا ويدخلونا فعالمهم ويكملو لعبة التعذيب الذهنية لي بداو فيها بصح لا حياة لمن تنادي هوما وين واحنا وين عقولنا واجسادنا تبرمجت على الالم حتى شي ما ولا يخلعنا ولا يخوفنا قدرنا نثبتو جدارتنا واحقيتنا والاهم من كل هادا قدرت نبني صدقات بين كل الظلام لي عيشونا فيه بنينا اقوا العلاقات حتى رجع واحد فينا ما يسمح فالاخر تعلمنا العمل الجماعي بعد ما كان تدريبنا في فترة الست الشهور الاولى يقتصر على العمل الفردي ولينا باتم معنى الكلمة الواحد للكل والكل للواحد عمرنا لا نخلو فرد مورانا ونكملو طريقنا دايمن نرجعو حتى لو هاد الشي حط حياتنا فخطر ولي زاد خربط حياتنا اكثر نظام نومنا لي كان يقتصر على 3 سوايع راحة لاكثر ولا اقل 22 ساعة فايقين جهاد حقيقي عشر ساعات منها للمحاكات و 12 لباقيا للتدريب المكثف عرفنا فيها جميع انواع الاسلحة ملمواس للكوابس ملكبير للصغير ملخفيف للثقير نقدر نقول انو كلهم جازو علينا بلا ما نحكيو على الانظمة لي كانت كيف السوريز على الكيكة بالنسبة ليا قد ما عقدو وطورو فالانظمة لي بعثوهملنا كنت دايمن نقدر نخترقهم كانت كيف اللعبة بالنسبة ليا لي كل ما تحلها يجيبولك livel اصعب نظام اقوى اصلا نقدر نقول انو وجودي هنايا كان غير باش نطور هاد المهارة وهاذا لي قدرت نلحق ليه بعد سوايع وسوايع ملخدمة على نفس النظام انك تخترق نظام متطور مع ڨاع les risque لي يقدرو يصراو من البيانات لي يقدرو يتمحاو فاي ثانية اذا فاقولك او حتى تفعيل كاش فيروس لي يقدر يقضي على حقيبة البيانات لي عندك الخطأ ممنوع وقت تكون تتعامل مع نظام ذكي ولي يسير فيه اذكى لازم تحط اسوء السناريوهات لي ممكن يصراو تخمم في جميع الاحتمالات ما تنسى حتى تفصيل صغير والا الفشل رح يكون النتيجة الحتمية لمجهوداتك فهاد الشهرين تعلمت ما نوثق في حتى واحد ونوثق فالكل فنفس الوقت معادلة صعيبة متفهمهاش غير اذا حللت واش مكتوب بين السطور وتنسى الكلمات بحد ذاتها وقتها رح تفهم المعنى رتبت دوزاني وحبطت للتحت نلقا نجم قاعد فالصالون قعدت انفاص ليه نستناو غالبا فالبقية يهبطو باش يحكي حبط يزن قعد قدامي وبعد حوالي 10 دقايق كانو الكل قاعدين