لانا تحكي
وقف نجم من كورسيه يسفق الصراحة مكنتش نتخيل انو يطلع منو كل هادا كلامو صحيح %100
نجم: برافو تحليلك كان صحيح بنسبة %90
يزن: 😒 كنت حاسبو صحيح %100
نجم: غلطت فزوج حاجات الاولى لانا بالفعل خلات ثغرة والا كفاش قدرت نعرف بالموضوع ونكشفو
لانا: والثانية
يزن: شكلو الموضوع هامك اكثر مني
نجم: الثانية مشي غير لانا لي نجحت فالامتحان لحقيقي لهاد المهمة
يزن: وشكون لي نجح
نجم: انت
يزن: ههههه راك غالط
نجم: تقدر تفسرلي وجودك فالنهر وقت ما كانت لانا مع الفرقة وشفتها وقت خلاتهم يفقدو الوعي بلا ما يلقطوك على الرادار ( هيهيهي يزن يمشي تحت مبدا دير روحك مهبول تشبع كسور ايا صاحبي بصح ماشي مع جوجو قصدي نجم )
يزن: الصراحة
نجم: الصراحة انو انت عطلت الشريحة او خلينا نقولو شتت اشاراتها لانو طول الوقت كانت تضهر بلي شاعلة و فالاخير طلعت انت لي ماشي مخلي ولا ثغرة موراك ولوكان مقلتش من شويا انو لانا بضربة وحدة صرعتهم مكنتش رح نكتشف الثغرة ولا خلينا نقولو زلة ( زلة لسان ) لانو منقدروش نقولو عليها ثغرة
بدا يحك فدقنونتو نص ابتسامة على وجهو
نجم: ولا راني غالط
هزلو براسو بلا بمعنى مراكش غالط ، واااو وانا علاه محسيتش بيه وقت كنا فالنهر اكيد مراهوش حابس لهاد الدرجة ويخبي ذكاؤو مور هاد الغباء ( تفكرت ناروتو 😂)
ندق لباب مرة ثانية وقبل ما يحكي نجم حكى يزن كي لعادة وشدني من يدير يجرني معاه
يزن: حنا نخلوك راك trop demandé
حل يزن لباب باش نخرجو ودخل واحد كان يستنى برا بعد ما قالو نجم يتفضل حنا كملنا طريقنا على نفس الوضعية يجر فيا كي كبش لعيد
لانا: اي بلعقل هادي يدي
يزن: علابالي يدك ماشي رجلك نفرق بيناتهم متخافيش
لانا: نت دايمن هكا اواه واقيل السخانة والرطوبة تاع بنما اثرو عليك
يزن: هههه حسيتك تخدمي فالاحوال الجوية
لانا: يزااااااان
يزن: وي لولو
لانا: وشنو هادي لولو تانيت دصرتني واقيل
يزن: تاع وجهك الناس يحقلها باش جي تهدر معايا
لانا: علاه tom cruise ومعلاباليش
يزن: عندك شك ياو خير منو
لانا: امشي خلينا نرجعو احسن ما تترصالنا فعقوبة علاجال التأخير
مشينا انا و يزن راجعين لمركز التدريب راح من جيهت القسم ديالو وانا كملت للقسم B ديراكت لشمبرتي غيرت حوايجي بلخف غلقت التاقة ورميت روحي على فراشي شديت تيليفوني نعيط لجنة عندي شحاااال محكيتش معاها بعد ما صونا 3 خطرات رفدة
جنة: الو ؟؟!
لانا: الو جنة هاذي انا لانا
جنة: يااااااا كلبة وين كنتي اكثر من 10 ايام ما بنتيش تقلقت عليك
لانا: بعثونا mission لبنما ومكانش علابالنا علا هاذا مقتلكش
جنة: او واش عجباتك بنما
لانا: لكان تشوفي من كثرت عجبتني ني حابة ندير عرسي تما
جنة: هههههه حمد لله مع كل لي تعيشي فيه مي مازلتي بهلولة
لانا: اصبري نرجع ونوريلك لبهلولة وش دير فيك
جنة: والله تعملي مليح تزربي باش تجي راني حابة نتزوج تعرفي دارلي demande de marriage فجو رومنسي عاللخر
لانا: ياااا واخيرا تقدملك راطيييييت
جنة: ارواحي برك نحكيلك كل شي بالتفصيل الممل بالدقيقة والثانية
لانا: معنديش شك فهاد الشي
جنة: لانا
لانا: واش
جنة: توحشتك وقتاه ترجعي
لانا: حتى انا يا عمري صدقيني مبقاش قد اللي فات
جنة: مطوليش 😭
لانا: ايييي وعلاه لبكا دكا امسحيلي خناينك سينو نرجع نبكي معاك
جنة: 😭😭😭
لانا: جوجو خلاص والله نعمل كل مجهوداتي باش نرجع فهاد 6 شهور
جنة: 4
لانا: اوكي اوكي نحاول
جنة: ماتحاوليش لانا طبقي نعرفك قادرة على هاد الشي
لانا: اوكي اوكي امسحيلي دموعك برك او سمعيني ضحكتك
جنة: ههههه
لانا: ايوه هكا ... جنة انا نخليك نرتاح شويا وغدوة نحكيو
جنة: اوكي اتهلاي في روحك
لانا: ونت تاني وسلميلي علا نائل
جنة: اوكي باي
كبيت عليها حطيت تلفوني تحت مخدتي ورحت فسابع نومة مفقتش كان على صوت الرافاي يصوني 4:45 دقيقة
_________________
أنت تقرأ
كنت ولم اعد
حركة (أكشن)هكذا هي الأيام .. حَرمتني حتى من الأحلام .. عشقت الوحدة والعذاب ..الأفراح بيني وبينها حِجاب .. إلى مَتى يا قلبي؟ ..... إلى متى ستؤلمني الأيام؟ .... وإلى متى سأكتم الأحزان الى متى ساتحمل احساسي بالاشعور والفقدان ؟؟ ... الى متى ساحس بذاك الفراغ الك...
