كنت ولم اعد

#39

لانا: انت اخر واحد يحوس عليا وين خرجت وين مشيت وش تكون فهمني الدنيا مراهيش فيدك سي ايهم الناس ميمشوش عكيفك مش وقت تحب تبوس او وقت ما تحب تنفر منيش لعبة عندك تفهم مانيش لعبة فيد حتى واحد وكان نعرف اني رح نكون نقتل روحي مدخلش روحك

خلاتو يخمم في هدرتها وطلعت للبيت غلقت لباب ورقدت طول حتى تسمع صوت الرافاي فاقت مش قادرة هاد السمانة صح عيات راحت عملت دوش لبست جبة تاع دار زوينة وراحت لبيت جنة فيقتها بسيف

لانا: يا تنوضي يا نجيب لبيدون
جنة: خلاص خلاص هاني نضت
لانا: 5 دقايق نلقاك لتحت نفطرو باش تروحي تعقدي و نوصلك للحفافة
جنة: نتي متروحيش
لانا: لالا نجبدو برك
جنة: اوكي كيما تحبي
لانا: هاني حابطة بالاكي تولي ترقدي

حبطت وجدت حاجة تنتكل لحقو لكل قعدو فوق الطابلة الا جنة جات رح تطلع ليها حتى قطعتها تحكي

جنة: هههه بلا مدوشيلي دوشت وجيت
لانا: مزية فقتي لروحك احبيبة 20 دقيقة ويجي نائل مع يماه وباباه
جنة: لاه منوضتينيش قبل راني روطار
لانا: دك نتيري عليك بمقلة الا ناس ڨاع ناضت معياطي لكان رقدتي ومبتيش تحكي فتيليفون لوكان نضتي
جنة: راني روطار لوكان جاوبتك
لانا: هههههه هاذي جديدة

كملت طلعت لبيتها لبست سروال كلاسيك مع فيستا وطالون رفدت مفاتحها وجات حابطة تفكرت ايهم دقت لباب مجاوبش حلتها لقاتو راقد
لانا: يا ربي الصبر كي هوا كي ختو رح يجيبو اخرتي
راحت ليه تهز فيه بشويا
لانا: ايهم ايهم فيق تروح للمحكمة يا ربي تقول عليه جيفا ايهم ### فيق يا زح

حكمها من يدها وجبدها ليه قلبها تحتو وعضها من شفتها التحتانية

ايهم: ( ببحة متاع نوم ) من وقتاش تخرجي هاد لخماج من فمك
لانا: وعلاه لي يعرفكم يبقى فيه عقل ختك راح تعقد ونت راقد نوض

طبعاتو من عليها جا واقف ناضت وكملت طبع فيه لين دخلاتو للصالدوبان وغلقت عليه لباب

لانا: عشر دقايق وتكون واجد

سمعت جنة تعيطلها

لانا: دقيقة راني جاية

راحت ليها لقاتها رامية ڨاع حوايجها فوق فراشها

جنة: افففف وش نلبس
لانا: a ce point نخطيكم ضيعو علابالك هههه
جنة: معنديش شك في هاذي

جبدتلها روبة مزيانة تاع خرجة و جبدتلها صباط معاها

لانا: 5 دقايق في يدك مناقصنيش نائل يحرق عليا التليفون نشوف الا لوخرين وجدو

حبطت لتحت تتفقد خال جنة وخالتها لي رايحين معاهم