كنت ولم اعد

#50

ركب كل واحد فطونوبيلتو وديماراو شويا وتفريني لانا حتى قريب مدخل فيها يزن حبطت طول مالطونوبيل شواطنها حضروا وقت طاحو عينيها على هذاك المنظر تبوس فيه و هو حاط يدو على دريارها والثانية تحت التوب تاعها يلعب بسدهرها ملقاتش روحها غير وهي شادتها من شعرها

لانا: سامي ......... 😠 وش تعمل معاها
سامي: لانا  رجعتي
****: تعرفها بيبي
لانا: دك نعتلك بيبي نت لازملك تربية من دارة وجديد
كركرتها مشعرها لطونوبيلتها
*****: شكونك انت اطلقيني
لانا: يااااه نسيتيني معليه دك نفكرك شكون انا متقلقيش
سامي: كارمن لانا لانا استناي نفهمك اتلقيها لانااا
لانا: مكملتش هدرتي مع #@# نتايا خليها فحلقة ثانية باش نتفرغلك مليح

خزرت فيه بنضرة حادة مزال معلابالوش معامن راهو يحكي مع انها نسات حكاية خاوتها ونساتها ولوكان شافتها مع اي حد ٱخر لكان تجاهلت الموضوع اما سامي فلا مستحيل تخلي اختها معاه لانها تعرفو وتعرف طبايعو لبنات بالنسبة ليه لعبة متاع ليلة ودور هاد الشي لي خلاها علاجالو يعرفها انو مستحيل ترضى بيه و بخماجو

يزن: لانا اتلقيها وش تعملي لانا
لانا: اسبقوني نفري شغالي من بعد نحكو

كملت كركرتها من شعرها و دخلتها للطونوبيل وكارمن ( اختها ان شاء الله متكونوش نسيتوها ) غير تعيط وتبكي قلعت بكل سرعتها لدار خاوتها وصلت ڨارات حبطت وحلتلها لباب

لانا: تحبطي ولا نحبطك على طريقتي
كارمن: مكان ما دخلك فيا ديجا شكونك باش تقوليلي وش ندير او وش منديرش

شدتها من يدها غلقت لباب وطلعتها طبطبت

جاد: خير راني جاي

حل لباب لقا كارمن متشنتشفة حالتها حالة

جاد: كارمن شكون دار فيك هكا

ترمات في حضنو تحبط في دموعها

كارمن: ه‍.ه‍.ه‍ي
جاد: شكونك
لانا: ههههه والله لحقت تنساني سي جاد
جاد: لانا
لانا: ناوي تخلينا على لباب
جود: شكون جا .... وش بيك كارمن
لانا: يالي لاتي حاط رجل على رجل ربي اختك وعسها معامن دور
كارمن: ونت وش دخلك
لانا: متخلنيش نحكي على الوضعية لي لقيتك فيها مزالني ساكتة ومزال مجربتيش غشي تروحي تلمي حوايجك رح جي معايا بما انهم مقدروش يزيروك انا لي نزيرك
جود: نت روحتي لاه راجعة دك وتحكي على الشرف زعمى نت شريفة

مستناتوش يكمل كلامو بخطوة وحدة جاباتو لاسق فلحيط تخنق فيه

لانا: محتارمة انك خويا لكبير متخلينيش نغلط
جاد: خلاص لانا اهدي .. ونت وجدي دوزانك تروحي معاها
كارمن: جاد تتمسخر بيا منيتك تسلم فيا بهاد السهولة لهاد المهبولة
لانا: كارمن
كارمن: جود احكي معاه منروحش معاها
جود: تروحي مش ناقسين هدرة اكثر
كارمن: جود حتى انت
جود: عطينالك حرية وبزيادة مش ناقص يحكو على اختي فالحومة
لانا: امشي
كارمن: منجيش منجيش مع لقيطة كيما نتي
لانا: منحبش نحكي بزاف

شدتها من يدها تجر فيها ركبتها فالطونوبيل وطول لدارها تصوڨ باقصى سرعتها وكارمن غير تبكي خبطت يدها على الفلون وفرينات ساك خلاص معادش فيها تتحمل بكاها اكثر

لانا: ( بعياط ) دك متبلعيش على #### مالصبح ونتي تبكي على راسي بزاف

عياطها رعبها وخلاها تسكت متخرج من فمها حتى حرف

لانا: احسن

تنفست براحة وعاودت ديمارات حتى وصلو قدام لباب

لانا: احبطي ولا تستناي فيا نحبطك واقيل
كارمن: ياااه 😍 لكان قلتيلي عندك فيلة نجي بلا ما تطلبي مني .... كفاه جبتي دراهمها

مجاوبتهاش حبطت حلت لباب ودخلت وكارمن موراها طلعو للطابق حلت باب لي انفاس بيتها

لانا: هادي بيتك .... غدوة نروحو نشرو حوايج ويا تركحي يا نحبطك لكاف نشوف شغلي معاك

دخلت للبيت تشوف فالفراش والاثاث لمحطوطين عمرها لا حلمت تكون بيتها قد هادي قعدت تستكشف فيها و فالدوش و حبت تستكشف باقي لفيلا اما كانت صدمتها وقت لقات لباب مغلوقة بدات تخبط فيها وتعيط

كارمن: لانا حلي لانا معندكش لحق تحبسيني لانا

اما لانا فولا علا بالها قاعدة فالصالون تشوف فيلم وتاكل فالبوب كورن يعني احسن متطلع ليها تفسدلها فيڨورتها اصلا مولاتش تتحكم في روحها ولي يقيسها بكلمة ترجعهالو دوبل على طريقتها

#كنت_ولم_اعد تلك الفتاة الهادئة التي تسمع لكلام يجرحها بسكين حاد ويخنقها كلام مر كالسم يفتك بكيانها يرميها في قاع مستنقع يغرقها كلام كالسهام المشتعلة تحرقها وتقطع جسمها والادهى والامر انها تبقى صامتة تسمع ولا ترد #كنت_ولم_اعد تلك الفتاة التي تسكت عن حقها #كنت_ولم_اعد تلك الفتاة التي همها اشباع رغبات الاخرين وتنسى وتتناسى رغباتها