كنت ولم اعد

#66

الحاضر

واقفة عند راسو تستنا فيه وقتاش يفيق مش قادرة تصبر اكثر حتى حساتو تحرك دقايق من بعد بدا يفطن وحل عنيه بشويا لين ما والف انارة الغرفة والضوء الساطع لي فيها يحس بكتافو مخدر مش قادر يتحرك قربت ليه بشويا

وفاء: كفاش تحس روحك
قيس: مليح
وفاء: دقيقة نخبر الدكتور

راحت تجري خبرت الطبيب ورجعت معاه غير وصلت لقاتو مع الطفلة تاع المرة لي فاتت تبكي عند راسو وهو يمسح ٱثار الدموع لي على خدودها

مقدرتش تتمالك نفسها حست انو خسراتو للابد حبت تروح ليها تقتلها وتخليه كان ليها اما يديها تربطو مش قادرة تحط روحها فموقف تافه خرجت من تما وحبطت للكفتيريا تطلب حاجة تفطن بيها روحها خذات القهوة ورجعت لبيتو حتى تلقاهم راقدين مع بعض فنفس السرير

من صدمتها طاح الكوب من يدها ودفق بلا متحس بيه شي لي خلا ليلى تقوم من بلاصتها والممرض لي كان فالرواق يدخل

الممرض: مدموزال شبيك تحسي بدوخة امشي معايا اكيد من كمية الدم لي نحيتيها ومالصباح مكليتي والو
قيس: تعس فيها ياخي
وفاء: لالا مليحة مرسي
الممرض: معليه من الاحسن انك تحبطي تاكلي شي حاجة واشربي سوائل
وفاء: مرسي دك نحبط
الممرض: تحبي نجي معاك
وفاء: ما
قيس: ماجيش معاك
وفاء: ونت وش حشرك
قيس: والله وتعتبي لباب
وفاء: تحكي مع الانسان لغالط راهو
ليلى: شبيها هادي شكونها قيس متقوليش
قيس: ايه هي 😅
ليلى: 😂😂😂😂
وفاء: امشي خلينا نمشو
قيس: وفااااء
ليلى: حبسي حبسي فاهمة الموضوع بلغالط
وفاء: غالط راو واضح وضوح الشمس مزال معميت
ليلى: اما
وفاء: ما اماش
ليلى: وانا نقول علاه لمخلوقة فارت وغلات المرة لي فاتت
وفاء: ( تمتم ) ياااا ربي الصبر
ليلى: بصح علاه مقلتلهاش
وفاء: وش يقولي
ايهم: بلي ليلى خت قيس
وفاء: اه
ليلى: ايييهاام

سوطات عليه ميتة بالسعادة عندها شحال مشافتوش هو بمثابت قيس عندها ملي كانت صغيرة وهو معاها كان يشوف جنة اختو فيها كل ما يشوفها يتفكرها ويتفكر الرابط لقوي لي كان يجمع مبيناتهم كانت معوضاتو حنانت اختو تسأل عليه وتطمن على حالو وهي مكانتش اقل منو شايفاتو المثل الاعلى ليها

ليلى: عسلامة وقتاش جيت طولت هاد لمرة

تبسم معاها وبعدها عليه يشوف في وفاء كفاه قاعدة تشوف في قيس مش عارفة وش تحكي

ايهم: وش قاعد تتفرج سيليمة واقيل
الممرض: اه ٱسف

ستناه حتى شافو خرج غمز لقيس وشد ليلى خرجها معاه يخلي الفرصة لوفاء باش تحكي مع صاحبو
قيس: وشبيك ساكتة

قربت ليه اكثر جات تحكي اما رجعت غلقة فمها دايمن تتسرع وتتهور اصلا هاد المرة حطت روحها فموقف ما يتحسدوش عليه ضحك عليها وشدها من يدها وجبدها ليه جابها طايحة فوق صدرو

رخات روحها فحملتو وعطات العنان لدموعها شي لي خلاه يحاوطها بيديه اكثر

قيس: ششششششت
وفاء: قيس علاه مقتليش
قيس: على واش بالتحديد
وفاء: بلي ليلى اختك
قيس: علاه هاد الشي كان مهم بالنسبة ليك
وفاء: اممممـ مهم
قيس: اما ما راح يغير حتى شي
وفاء: لا راح يغير
قيس: مراحش يغير انك متحبينيش ويمكن تحبي واحد ٱخر
وفاء: ايه نحب
قيس: همال وش قاعدة ديري عندي انا هنايا روحي لعندو

جا راح يبعدها عليه اما يدو وجعاتو ومقدرش وزيد هي زادت كبشت فيه تقول عليه رح يهرب

وفاء: راني معاه
قيس: ( ساكت )

تنهدت وقعدت تسمع في دقات قلبو لين سمعت دقديق علباب جبدت روحها اما شدها وهمسلها

قيس: مستحيل نخليك تهربي مرة ثانية
وفاء: مراحش نهرب حبس تبهديلا
قيس: ادخل
ليلى: شكلهم تصالحو

وفاء حمارت وخضارت وزراقت من لحشمة وزيد مزير عليها خشات راصها في صدرو تغطي في وجهها وهو شايخ عليها

ايهم: وش صرالك
قيس: معرفتش كنت قاعد فالاجتماع حتى دخلو وقالو انو كاين واحد مطلوب
ايهم: شكونو وفاء

واخيرا رخفها وقدرت تبعد عليه اما حست بفراغ كبير وبرودة سرات فجسمها تمنات تعاود تدخل لحضنو الدافي وتقعد فيه للابد وقفت وراحت قعدت فالكرسي لي كان تما متفادية نضراتهم لي تبع فكل حركة منها

وفاء: ملمفروض منحكيش لانو لقضية مزال منطرحتش اما بما انو صرات فالشركة نقدر نوضحلكم بعض النقاط
ايهم: تفضلي. ليلى اخرجي
ليلى: علاااااه
ايهم: منعاودش كلامي
قيس: لكلام لي رح تقولو يقدر يحطك في خطر طبقي وش قال

سناوها حتى خرجت وبدات تحكي

وفاء: المجرم دافيد هيڨل مطلوب دوليا يمكن يكون متورط مع الارهاب بصح مش متأكدين حتى انو يمكن يكون متورط مع حوايج اخرين
ايهم: مرسي وفاء قيس تعرف مضغوط هاد ليامات خلي فؤاد يتولى الشركة ليمات هادو مابيد ما ترتاح وكل ما تصحلي الفرصة رح نرجع لعندك
قيس: مكان لاه تشقي روحك صاحبي مجرد رصاصة برك
ايهم: اتهلا فروحك

خرج مخليهم فالغرفة مش عارف وش يدير فوق الامور لكل لي عندو زادتلو المشكلة هادي والشركة و الصفقة لي وقفت فالنص ومكملتش وكل هاذو لازم يتعامل معاهم فوقت واحد
                       ________________