كنت ولم اعد

#13

جنة تحكي

جنة: لانا حليلي الباب عيش اختي
حلت الباب خزرت فيا وجهها ميعبر على حتى شي شتهيت كاش نهار نفهمها
جنة: لانا stp مديريش عليه لسانو قاسي بصح قلبو ابيض عيشك سامحيه
لانا: بشرط
جنة: قابلة
لانا: متسمعيش وش هو الشرط
جنة: وش هو
لانا: نت تغسلي لماعن ليوم
جنة: منغسلش
لانا: مش كيما تحبي انا سامحتو ونت قبلتي( خرجتلها لسانها )
جنة: والله ونحكمك
مزال مكملتش كلامي طلقت الريح لرجليها حبطت تجري فالدروج وانا موراها راحت للكوزينة دخلت موراها وبدينة ندورو علا الطابلة انا نروح من جيهة وهي تروح مالجيهة لوخرا صوت ضحكنا صار فكل الفيلا

ايهم يحكي

بعد ما طلعت جنة دق لباب حليت لقيتو نائل قعدنا نڨصرو فالصالون حتى نسمعو صوت ضحك فالصالون
نائل: هام ولاو للعب ديالهم هههه
مفهمتوش قمت نشوف وش كاين وهو مورايا فهاد لوقت نشوفها خارجة تجري وتشوف موراها حتى خبطت فيا بعدت عليا بشويا سڨمت خصلة كانت طاحت من شعرها قعدت مركزة فوجهي حتى نتقت
ايهم: وش بيك عمية
ترسمو ملامح الصدمة على وجهها بصح تمتم تمحاو
لانا: ونت لاه جاي في طريقي باش نزدم فيك
دايمن عندها جواب متقدرش تشد لسانها بدينا حرب لعيون كل واحد يتحدى في لوخر حتى قاطعنا نائل
نائل: مزالكم في طبايعكم متكبروش
جنة: علاه نت نسيت روحك هه
لانا: خليه هداك حسابو من بعد
جنة: والله غير ديرلك كيف معاذ
شكون معاد مفهمتش علمن راهم يحكو اذا معاذ خطيبها او حد ثاني
رفد نائل يديه علامة على الاستسلام
نائل: خلاص خلاص منيش حاب تديفورما فڨورتي
ايهم: شكون معاد
نائل: هداك ### تاع ### طليق جنة
وشنو معنتها معنتها هي هذيك الطفلة تاع البار
ايهم: تسما نت لي سربتي الاخبار
جنة: ايه هي
لانا: علاه تسقسي تحب نعلمك
ايهم: هههه لالا ادا لحقت للعلم انا لي نعلمك ( وغمزتلها )
نائل: مجعتوش
جنة: انا مت
لانا: هههههه انت دايمن ميتة
جنة: صح همال وجديلنا ناكلو
نائل: ديريلي الشربة كيما تاع المرة لي فاتت
جنة: ايه ايه وزيديلنا حميس
لانا: ولدتكم ونسيتكم واقيل
ايهم: جايحة
لانا: انعم
جنة: اخطيك خلينا نروحو للكوزينة .
خزرت فيه وكانها تقولو سكت علجالها ومشات مع جنة لي جر فيها تحاول توقف الحرب اللي رح تبدى بيناتهم لوكان يزيدوا يقعدو مع بعض دقيقة وحدة

دخلو لبنات للكوزينة حضرت جنة ڨغاتان فالفوغ اما لانا فحطت الفلفل الحار والطوماطيش يتشواو وبدات تحضرت الشوربة بعد ساعة كلش كان واجد ريحة تشهي بدات تطلع كملو حضرو ال jus حطو الطابلة وتلمو كامل عليها ياكلو وخطرة على خطرة يحكيو
جنة: ايهم حبيبي خلينا نباتو ليوم هنا
ايهم: dacr اا
جنة: يااا مغسي
ايهم: انت باتي وانا نجي ليك غدوة
لانا: ( تمتم بين شفافها ) مزيل فهم روحو
ايهم: لا بليز ابقى حتى نائل رح تبقى مش هكا
نائل: لا عندي خدمة
جنة: بليز ايهم نائل ابقاو معانا خلونا نتلمو كلنا هيا ايهم وش قلت
ايهم: اوك خلاص نبقى
جنة: ونت نائل