كنت ولم اعد

#19

قعدت تمشي ومع هداك الليل مولاتش تقدر تشوف جبدت المصباح من كرطابها حتى شافت شجرة عالية غصانها كبار

لانا: لازم نرتاح لوكان نكمل هكا منلقاش حاجة ناكلها وغير نخسر فالطاقة مراحش نقدر نكمل

تسلقتها حتى طلعت للفوق حطت كرطابها على لغصن جبدت منو حبيلة وربطت روحها مع كرطابها فهداك لغصن باش ادا رقدت مطيحش متقدرش تخاطر وتبقى لتحت اولا علجال الفرقة لي موراها وثانيا علاجال المخاطر لي كاين لتحت من ثعابين و حتى عوالق ( لعوالق هي نوع من الديدان المتغذية على الدماء تبقى فالارض عادة تتربص فطريدة لي تقدر تميزها من الحرارة وكي تصحلها الفرصة تتشبت على فالفريسة وتحقنها بمضاد تخثر يمنع تخثر الدم وهكا ينزف الجرح بلا ما يتوقف وهكا رح تتغذى عليك )

مفاقتش كيفاش رقدت بصح حواسها كلها متفطنة ترقد 5 دقايق وتعاود تفطن حتا شافت الشمس بدات تطلع شافت جهة الشمس منين شرقت باش تعرف طريقها نحات لحبيلة حطت كرطابها على ظهرها وبدات تحبط حطت رجلها على عرف الشجرة بصح لسوء حضها ( لي مسود كي تاعي ) كان لعرف ميت ( يابس ) غير حطت رجلها تكسر مقدرتش تشد توازنها ( وبق 😱 ) طاحت

لانا: ااااااه

تقعدت شويا تتفحص في رجلها لي دخلت فيها حطبة وجرحتها جرح عميق وبدا ينزف جبدت من كرطابها لقرعة تاع لما لي عمرتها لبارح لموس و لقماش تاع ل parachute

لانا: لازم نوقف النزيف والا رح يلقاوني من آثار الدم
قطعت شويا من لقماش حطت مورصو في فمها استجمعت قوتها ونحات لحطبة هاديك

لانا: اااامممممممممم  ااااااه

تنفسها بدا يزيد وكمية التعرق ديالها كمثله قاعدة تعمل بمجهود كبير ملازمش تعيط بزاف والا رح يقدرو يلقاوها حتى فظل اللي صرالها خطواتها لازم تكون مدروسة لازم تلقى حل للوضع لي هي فيه ربطت رجلها بلقماش نحات كرطابها رفدت لموس وراحت من جيهت لقصب تمشي بصعوبة كل ما تحط رجلها على اللرض وتضغط عليها تقطعلها قلبها من داخل شادة روحها باش متعيطش باش ادا كانو قراب ميسمعوهاش قطعت وحدة ملقصب ليابس وجات موليا ( راني حاسة روحي فبير جريلز ).

لانا: هادي ماشي شجرة تاع الدمار

( شجرة الدمار شجرة عالية تتشبه للصنوبر بصح ماشي كيف كيف معروفة فالجيش على اسم هكسامين الادغال لانو تتشبه لاقراص وقود الهيكسامين لي يعتبر شكل من أشكال الوقود الصلب يجي على شكل أقراص يحرقوها يمدوهم للجيش يستعملوها باش يشعلو النار و لانو عديمة الدخان وعندها كثافة نارية كبيرة وتاني كي يحرقوها مراحش تخلي رماد وهادا لي تحتاجو لانا باش ميكشفوهاش بالاضافة الى انها سريعة الاشتعال لاحتوائها على الراتنج )

شدت لموس تاعها قطعت منها رفدت لقصبة او ولات وين كانت قاعدة وحاولت تقعد بشويا

لانا: اااااااه

شدت لموس وبدات تقشر اللحاء تاع القصبة حتى تحصلت على النجارة حطت من فوقها الجزء لي قطعاتو مالشجرة رجلها مزالت تنزف سمعت حس قريب شدت قلبها تدعي ميكونوش هوما

جبدت كرطابها تخرب فيه ملقات والو قلبت جيوبها لقات باكي شوينڨوم ( ماي هاداك الطويل  )

لانا: واخيرا زهرى حبس من كسوحيت راسو او ولا يمشي معايا فلخط خمسة في عينيا بلا عين عليك

فتحة وحدة حطت الشوينڨوم في كرطابها متقدرش تاكلو والا رح تزيد تجوع لانو عملية المضغ رح توهم المعدة انو كاين ماكلة جاية علا هاذا رح تزيد العصارات وتجوع

قطعت الكارط تاع الشوينڤوم بحيث انو الوسط يكون رقيق وبرة خشين جبدت شويا قطن ملي عطاوهم حطاتو مع النجارة والمورصو تع الشجرة جبدت la lampe torche ta3ha نحات البيلة قربتها من لقطن و حطت كل جيهة من الكارط على قطبي البيلة هادا لي خلا شرارة تنبعث ( بما انو طبقة ملكارط مخدومة من الالومنيوم بالاظافة الى شكل الكارط لي يخلي الالكترونات تتركز فالوسط وتبقا تم وهكا تسخن الحالة ودير شرارة بفعل الدارة المستقصرة ) شعل لقطن حكماتو نسفت غير شويا وحطاتو فوق هيكسامين الادغال لي بمجرد ما سخن الراتنج لي فيها شعل وشعل معاه نجارة حطت لموس يسخن, حطت قماشة في فمها لانو تعرف انو لفرقة قريبة نحات الرباط من رجلها و شدت la gourde وفرغت شويا ما على لجرح مع انو ماشي مطهر بصح احسن ما يبقا بلعفن لي فيه قلبها ينزف اكثر من هداك لجرح تضغط على لقماشة باش متخرج حتى حس هادا والو القادم اصعب رفدت الموس لي ولى احمر من كثر ما سخن وحطاتو علا جرحها

لانا: امممممممممم امممممممه

خلاص معادش فيها دموعها صارو يسيحو من قوة لوجاع لي تحس بيه بصح لازم تعمل هكا احسن ما يلتهب مع الجو الاستوائي والرطوبة لي يتميز بيها طفات النار لمت ڨاع دوزانها فالكارطابل رفدت القصبة تتركز عليها باش تكمل تمشي دارت من ومن باش تعرف منين جات

لانا: لالا هاداك ما خص

قعدت هكاك تخزر من و من حتى ضربت في راسها فكرة راحت للشجر تقلب فيهم وحدة وحدة شافت بلي كل الفطريات متواجدة على جيهة وحدة في كل الشجر توقعها كان صحيح ( عادة الفطريات تنمو من جيهة وحدة جيهة الغرب لانو الكل يعرف انو الفطريات صح تحتاج للظوء لاكن لفترات قصيرة ويكون تكاثرها فالظل يعني الضوء ميكونش مسلط عليها مباشرة وهادا لي يحدث فشروق الشمس لي تخلي اشعتها القوية تتسلط مباشرة على الواجهة الشرقية وهاذا لي يمنع نمو الفطريات عكس اشعة الغروب لي تكون قصيرة ونوعا ما ضعيغة وهاذا لي يخلي هاذ النوع من الفطريات يتكاثر )

ترسمة ابتسامة نصر على شفافها رغم ملامح التعب و الارهاق وبالخصوص الالم ستجمعت روحها مكملة طريقها ومرة على مرة تعوض السوائل لي خسرتها

لانا: احسن حاجة فالغابة الاستوائية انو مراحش تنخص بالما بصح لازم نلقى حل مع لماكلة عندي تقريبا يومين مدخلت حاجة لفمي
                       _________________