كنت ولم اعد

#64

انتشر كل واحد فيهم يحوس فكل جيهة من المبنى فكل غرفة وفكل طابق بجهاز الكشف فكل مكان ممكن تكون فيه تحت الكراسي والطابلات داخل المراحيض او حتى فسلات المهملات فهداك الوقت وفاء حبطت قيس بالشوية بعد ما حاولت توقفلو النزيف سانداتو على كتافها وتمشي فيه بسياسة نضرات الخوف باينة عليها

وفاء: مهبول انت ولا وشنو لاه ترمي في روحك لكان خليتني نتلقاها انا لابسة giller راني

ساكت مش قادر يحكي اما بالنسبة ليه لابسة السترة الواقية للرصاص او مش لابستها المهم انو سلكها و مجاتش فيها كان متيقن بخطورة الموقف اما كان مستعد يضحي بروحو علاجالها

وفاء: تسمع في قيس خليك معايا وعاوني نحبطك لتحت مبيد ما يلحقوا الاسعاف

يمشي معاها وهي خايفة عليه وعلى جرحوا صحيح مجاش فمنطقة خطرة تقتلوا اما خايفة لجرح يكون عميق او انو يكون قاس واحد من الاعصاب تدعي في سرها يكون لي توقعاتو غالط وانو مجرد جرح بسيط

وفاء: يااا ربي الدم مش راضي يحبس
قيس: عندي هيموفيليا
                 _______________________

الهيموفيليا هو مرض وراثي يعرف بعدم تخثر الدم او سيولى الدم ونزيفه ناتج عن بروتين الدم المعروف بعامل التخثر يؤدي الى تورم في البلعوم و الحلق و نزيف داخلي في المفاصل الانف الدماغ... اما اذا كان المريض معتني بنفسو وبالغذاء تاعو ميكونش عندو هاذ الاعراض او خلينا نقولو يحد منها ويصبح الخطر الوحيد عليه هو عند الاصابة الخارجية ( جرح ) او اجراء العمليات لذلك لازملو جرعة من الفاكتور لي يساعد على تخثير الدم لمدة معينة وكذا يستعمل دواء التالينول الذي يعتبى مسكن للم
                ________________________

وفاء: وشنو 😨

جبدت تليفونها بصعوبة من جيبها وعيطت للمستشفى لي تابع ليهم

وفاء: المريض لي حكينا عليه عندو مرض الهيموفيليا
ا..... : رح نتكفلو بيه مدام

رجعت تليفونها لبلاصتو ورجعت شداتو مليح يستناو فسيارت الاسعاف دقايق وكانو ثما حملوه فالحمالة وحطوح داخل سيارة الاسعاف عطاولو حقنة من الفاكتور ( مخثر ) وحاولو يوقفولو النزيف وخذاوه المشفى

نرجعو ليزن لي قاعد يحوس على القنبلة شد راسو يحاول يعرف وين ممكن تكون حط في راسو مخطط ذهني للشركة وحاول يفكر بطريقة الشخص المطلوب يحط فالاحتمالات وين ممكن يكون حطها مكان فارغ يخبيها بلا ميشوفو حد ويشك فيه مكان حساس منو يقدر يلحق اضرار كبيرة بالمكان حبط يجري للطابق الارضي لانو لو ينضر الاساس يطيح المبنى ويلحق ضرر بكل الناس لي فيها حبط فالوسط يشوف منا ومنا اما والو الدنيا فارغة احتمال قليل يكون خباها فمكتب الاستقبال راح مجيهة الممر يشوف في باب المرحاض مغلوق دخل يحل فلبيبان اما مالقى شي جا رايح يشوف فالغرفة الثانية اما لفتت انتباهو فتحة التهوية لي موجودة فالبلافون

طلع فوق ال cuvette ورفد لغطا ودناها شويا يتلمس حتى قاست يدو حاجة خلاتو يتأكد من شكوكو طلع مليح وحاول يجبدها بلعقل حتى لقاها مابقالهاش وتنفجر زرب حطها فلقاعة حط يديه على حزامو يشوف حاجة يقطع بيها بخيوط اما مالقا حتى حاجة دار شاف لمرايا خبطها بيدو جابها طايحة فالارض رفد مورصو وقعد يشوف وين مربوطين شد لخيط لصفر وقطعوا حتى وقف لعد تنفس وشد اللاسلكي متاعو
يزن: من العميل 217 حول لقيت لقنبلة وقدرت نعطلها اما ممكن تكون وحدة ثانية

المسؤول: DRG للعميل لحقو الدعم رح يمشطو المكان بالاجهزة تقدر تستريح
يزن: شكرا

خرج مالمبنى طول نحا السترة الواقية للرصاص راح لخدمتو حط اقوالو وقع عالمحضر لي مدوهولو وخرج ركب فطونوبيلتو طول لدارو ميت بلعيا اصلا مراهش يرقد من الخدمة لي كلفاتو بيها لانا حل باب دارو حتى لحقاتو ريحتها الريحة لي يقدر يميزها بين كل روايح لعالم شافها جاية من بعيد تمشي على طراطش رجليها ضحك في سرو مزالها مع عادتها مغيرتهاش

يزن: وش تعملي هنا
يارا: يزن 😔
يزن: منين دخلتي
يارا: مالباب همال منين حبيتني ندخل
يزن: alors لباب لي دخلك يخرجو

قربت من عندو وشداتو من كول الشوميز متاعو معنكشة فيه وتحكي

يارا: يزن وش عملتلك انا باش قاعد تصدني عليك فهمني قولي شفت مني حاجة خايبة علاه تعمل فيا هكا يا يزن راني نحبك ونهوى فيك لاه مبعدني عليك اذا عندك وحدة ثانية قولي اذا كنت فرحان معاها علاه نعكرلك فرحتك سعادتك اهم عندي من اني نكون معاك ونت بالك في وحدة ثانية

مع كلامها طاحو دموعها بلا متحس مجروحة وخايفة يكون كلامها صحيح و يصدها اكثر مراهو صادها
قعد يشوف فعينيها دموع لي يسيلو منهم وهو لي كان وقت ينزلو يكسر راس لي كان السبب اما ليوم هو السبب لمعتهم لي تترجا فيه يحكي ولو كلمة ذبحوه اصلا هو ميحكيش ينفذ مباشرتا جبدها ليه اكثر من ما راهي لاسقة فيه شد يدها لي شادة بيها لكول متاع الشوميز تاعو وحطها على كتافو ورفدها من فخاضها شي لي خلاها تزير عليه رجليها غطس في شفافها فقبلة عنيفة طويلة متلقهاش غير وقت حس بانفاسها وانفاسو انقطعو حطت يدها لحنينة على خدو وتكات جبهتها على جبهتو تحكي وتلهث من قوة الشعور لي حسسها بيه من ثواني

يارا: احكيلي يزن وش لي مخليك تبعد عليا بهاد القدر مش متحملة بعدك يزن خبرني مش عادتك تخبي عليا وش كاين
يزن: والو روحي دكا لدارك من بعد نحكو
يارا: يزن علاه تعمل فيا هكا وشبيك تقلبت 180 درجة
يزن: قتلك مكاين والو تعرفيني منحبش نعاود كلامي مرتين
يارا: رح نشوفو يا يزن لوقتاه رح تبقا هكدا بعيد رح نشوفو

رفدت صاكها وجازت من قدامو خرجت وخبطت لباب من وراها زفر وراح تكى على لفوتاي يخرب فتليفونو