كنت ولم اعد

#54

وهو هكاك معنقها زير عليها ورفدها دورت يديها ورجليها عليه وكبشت فيه مطلعها لبيتها حل لباب بال coude تاعو وحطها على فراشها وجا رايح

لانا: متروحش
ايمن: نجيبلك حاجة تلبسيها نعرفك متقدريش ترقدي بهاد لحوايج

تبسمت معاه تبسيمة ضعيفة مش قادرة تعبت ومعادش فيها شويا و جابلها تريكو اوفر سايز مع شورت خفيف

ايمن: بدلي راني برا

هزتلو راسها كي شوفتو خرج نحات حوايجها ولبست لي جابهملها بسيف مهدودة مش قادرة تعمل اي حاجة
زاد شويا ودخل دار الستور وضلملها لغرفة وتكسل معاها غرست راصها في صدرو تحاول تحس بشعور الامان والراحة بشعور انو يكون واحد جنبك واحد حاضنك واحد يوقف معاك من كثرة التعب لي حست بيه رقدت ديراكت مش حاسة بحتى حاجة ورقدت

        لانا تحكي

حاسة بحاجة كابسة عليا حتى تفكرت اني رقدت فحضنو احساس غريب حاسة بيه لاول مرة حاسة بالانتماء ريحتو لمسات يديه على يدي وبوساتو لخفاف لي على شعري كانو تمادى جيت نتحرك حتى زير عليا اكثر حليت عينيا بشويا مش قادرة لحمي كل يسطر عليا كاني مشاركة فشي مرتون ولا بت نكسر فلجبال
لانا: ايهم ، وش دير هنا

حاولت نتحرر من قبضت يديه اما مع كل حركة مني يزير اكثر واكثر

ايهم: شششششت اركحي
لانا: وينو ايمن
ايهم: ...........
لانا: ايهم
ايهم: تعبان جبتيني نجري

اففف علاوش يهدر هادا ديجا وين كان وعلاش جا وينو ايمن يزح عمري لا سقسيتو وجاوبني كي الناس مممم ريحتو تهبل حسيت بيديه على ضهري وجبدني ليه اكثر حطيت راسي بين سدرو ورقبتو ومفقتش كفاه عاودت رقدت
                      ________________

ناضت من وجاع راسها لي رح يترتق مالرقاد لي رقداتو رقدت بزاف وماشي موالفة حست بغيابو خزرت قدامها لقات السرير فارغ نفخت بفدة وقعدت مربعة رجليها تحكي مع روحها بعصب

لانا: حمار .... جايح... افففف خرا نكرهك نكرهك ... حبسو زعما كنت نوم  افففف مفهمتش لهاد الدرجة وليت نوم بيه اواه انا هبلت... لانا هبلتي غير روحي اجري على روحك.... اي بصح مزالني نحس بلمسات يديه على لحمي بوساتو ... اواه لمنام تطور او ولا فول HD يا جدكم ... لانا راكي تهدري مع روحك معليه لي يشوفك يقول عليك هبلتي .... علاه حتا لدك انا مزمان مهبولة.... اي خليهم يقولو مهبولة وشدخلني لهدرة باطل لكان جات بالدراهم ما تتباعش بالفين فالجرنان وديجا من وقتاش نحسب لهدرة الناس.. خلاص نوضي متحلالكش... يكون راح ايمن.. افففف. ... نقاش عقيم

ناضت من فراشها تكركر في رجليها غسلت وجهها تشوف فلي ساغن لي ترسمو تحت عينيها نسفت بفدة لبست لبونتوفل تاعها وحبطت للتحت تالقة روحها

لانا: ايمن وش بيك وش صرالك علاه راك زرق وعينك منفخة شكون دارلك هكا
ايمن: الوحش تاعك
لانا: الوحش تاعي 🙁 ( في قلبها ) "قصدو ايهم زعما تسما كان هنا تسما مكنتش نوم"
                      ________________

تقدمت ليه بشويا تفحصت عينو لي ولات الدوبل ميقدرش يحلها و لونها لي رجع نيلي مخلط بحمورية

ايمن: اححححح وجعتيني
لانا: اصبر متوشيتكش meme pas

راحت للكوزينة جبدت الكيس تاع لي ڨلاصون ورجعت ليه

لانا: اصبر خليني نحطهولك عالاقل تنفشلك شويا

شداتو من يدو وقعداتو تكاتلو راسو وبدات تحطلو فيه بشويا شافتو ضاغط على قبضتو متاكدة انو توجع فيه وماشي حاب يوري

لانا: شدها ومتنحيهاش

عطلتهالو وجات رح تحكي معاه حتى شافتو داخل ملبالكون بوهرتو ورجولتو الطاغية سيڨارو في فمو للحضة نسات كلشي نسات لغصة لي في قلبها نسات ايمن لي يتوجع قدامها ونسات العالم لي من قدامها وقعدت مركزة فيه وفتفاصيلو لي يجذبوها بلا متحس مركزة فتحركاتو وكفاه طفا سيڨارو وحطو فالسوندغيي لي محطوط فوق الطابلة كفاه قرب ليها وحملها فحضنو والرعشة لي سرات في كل جسمها وقت تحطو يديه عليها

لانا: ايهم وش تعمل هنا

كي لعادة قابل سؤالها بسكوتو قعد وخلاها قاعدة فحجرو كل ما تتحرك يزيد عليها اكثر

لانا: نت لي عملتلو هكا

ترسمت تبسيمة استفزاز مخلطة بتبسيمة نصر الشي لي خلا لعصب يتملكها
            _______( flash back ) ______

***: بوس رجعت ليوم وبعد ما دخلت لدارها سمعنا اختها تعيط وخرجت هي او واحد بعدها بحوالي عشر دقايق دخل واحد ليها
ايهم: معرفتش لحكاية
***: لالا سيدي مقدرناش نقربو اكثر
ايهم: حضرولي الطيارة immédiatement
***: حاضر

رفد lpc لي كان قدامو تليفونو مفاتحو وخرج ركب طونوبيلتو ديراكت للمطار 10 دقايق وكان تما حبط لقا لبوديڨارد تاوعو ثم مامنينلو الطريق وصلوه للطيارة ركب سناو عطاولهم الاذن بالطيران واقلعت الطيارة متوجهة للجزائر بعد 4 ساعات ونص كان قدام بابها حل الباب الدنيا ضلمة طلع لبيتها لقاها راقدة مع شخص ثاني محضنها عينيه ضلامو وعفاريتو حضروا مفاقش غير وهو حاملو ويضرب فيه صوت انينها وقفو اما خلا قلبو يتزير عليه مش قادر يشوفها فهاد لحالة تلقوا فالارض وراح ليها حضنها وضمها لصدرو يخبي فيها من الدنيا لي محبتش تخليها خذا نفس عميق يدخل بيه ريحتها مع انفاسو لي كانت كيف السحر وخلاتو يهدى يمسح على يدها همو الوحيد انو يفهم الشي لي وصلها لهاد الحالة من الضعف
اما أيمن لي مفهمش منين جاتو الضربة عنيه لي مزالو مغلوقين من النوم خزر فيه وفيها مش حاب يعمل مشاكل اكثر ويتعبها ستسلم وخرج من الغرفة بدون ولا كلمة
          ______ ( flash back and ) ______