كنت ولم اعد

#52

توم & دان: ههههههه خصارة عليك bro خلينا الافضل للنهاية
يزن: احشولي احشولي

صوطاو عليه هو ثاني بعدها قعدو وبداو يحكو على وش صرالهم فهاد الشهر ونص

توم: ليوم طياب على لانا
دان: هيه والله توحشت ناكل ماكلة كي ناس يما قبرتني بلفريت لمحروقة تاعها
لانا: هاقول هكا من الاول صار توحشت ماكنتي ولبوس وتعناق غير تكليخة
دان: خصارة عليك ليزوم
الكل: ههههههه

طيبت لانا او وفاء تعشاو و كل واحد طلع لبيتو يرتاح ماهو غدوة يستناهم نهار طويل يتفاهمو فيه على امور العصابة لانو بعد غدوة رح يكون اجتماع مع الرؤساء
_____________

ناضت صباح دارت دوش خفيف شيحت شعرها لبست كوستيم وحبطت لقات وفاء طيبت لقهوة وقاعدين فوق الطابلة ياكلو

لانا: مبكرين ليومة
دان: وحبيتي نجم يقتلنا

دق الباب حتى ضحك الكل

يزن: اذكر القط يجيك ينط
نجم: علمن تحكي
يزن: على لقط تاع لحومة ماتت مرتو

وفاء حاكمة ضحكتها بسيف اما توم ودان فمرغين فاللرض
نجم: وش هدا سڨمو روحكم تشوفو
يزن: حاضر
نجم: بونجوغ لانا سمعت انو اختك جات تعيش عندك
لانا: اه.. ايه من شي اسبوع
نجم: عسلامتها

قرصت وفاء لانا تاع امبعد نتفاهمو عليها كي مخبرتينيش

لانا: ( بلعقل ) اححححح مسمومة
وفاء: هاذا والو
نجم: المهم نعرف قدراتكم وكفاءاتكم واثق فيكم فمتخيبوش ضني ليوم اجتماعنا رح يحضرو اللجنة وكباقي اجتماعاتنا اللي بدورهم رح يتحققو مالمعلومات اللي قدمتوها ويوصلوها للرئيس
يزن: حاب نعرف شحال من رئيس عندكم
دان: متفهمش خير
توم: جي تفهم تحير يزح
نجم: خلونا ملهدرة الزايدة ونولو للمهم الاجتماع رح يكون بعد زوج سوايع رح يوصلكم حسام اما نتي لانا فجي معايا
لانا: علاه انا
نجم: كلامي قلتو تفضلي

خزرو في بعضهم بعض تبسمولها ولحقاتو بعد ما خرج اما دان فكمل حسا لحليب لي قعد في كاسو وناض

دان: امشو عالاقل نتبهدلو على حاجة وحدة مخصناش نزيدو نتبهدلو على الروطار
وفاء: يروحو يرنكو هوما هادا شحال مقدرو يصيبوا عليهم حتى دليل وحنا يعاقبونا على كيملقيناش

توم: وش ديري دايمن يرموها على راس ليتامة
وفاء: صدقوني ندمت لي تقدمت لكان قعدت في دارنا لكان راني alaise
يزن: متفكرينيش حمبوك مشاكلهم كثر منهم عالاقل سمانة ونعاودو نرجعو
دان: والله قادرين يعيشوك لويل في ساعة برك فما بالك سمانة
وفاء: علاه قلال الشهرين اللخرين لي جوزناهم نحكيهم لحفار قبري
دان: اه وش معنتها
توم: ها حلبونا
يزن: هادي خشينة عليك متقدرش تفهمها
دان: ناناك ماشي
وفاء: هههه امشو احسن ما نتأخرو

حبطو للتحت لقاو حسام يستنى فيهم سلمو عليه طريق كامل وهوما يڨصرو حتى وصلو دخلو لقاعة الاجتماعات

وفاء: ويني لانا ونجم
يزن: راني معاك وين رح نعرف مثلا
توم: خلينا نقعدو
دان: ياخو وين راح تقعدي كاين 300 نكورسي
وفاء: قرعتها
توم: وش معناها هاذي تاني
يزن: هههه قتلكم خاطيكم
دان: يا تهدري يا منتفاهموش
وفاء: معناها tu exagger
توم: يعني صح كغعتها
يزن: ههههه يا يما حرفو جد اللغة
وفاء: قرعتها ماشي كغعتها ههههههه
توم: ههههه كيف كيف

حكمو بلايصهم حتى بداو يدخلو للقاعة
                            _______________

نجم: منحبش اختك تعرف على خدمتنا وخاصة التفاصيل تقعد سرية
لانا: اكيد كونك هاني
نجم: tres bien

وصلو حبطت هيا وياه طمت شعرها لي كان متلوق ودارتو كعكة دخل سابقها وهي موراه جات رح تقعد قدام صحابها حتى شارلها على لبلاصة لي قدامو اما مكانش لي يفرض قراراتو على لانا عصماوي وتنفذ كان لي يعجبها تبسمت معاه وكملت طريقها و قعدت قدام يزن لي شايد ضحكاتو بسيف

يزن: ( بصوت هادي ) عسلامة يا سكر بلا ما
لانا: بلع
يزن: وش عارفاك ههههه ها بلعقل لا تطرطقي

خزرت فيه نضرة حادة خلاتو يسكت للحضات اما مهوش يزن لكان مينتقش

يزن: كالية دوارة بزاف في حياتك دك برك كنتي نورمال

كتفت بالصمت كجواب محبش يزيد عليها فسكت هو ثاني حوالي خمس دقايق و دخل واحد لابس كستيم كحل هههه الطابلة

" الحديث رح يكون بالفرنسية مترجم للدارجة "

جون كلود: نضن تعرفو علاه اجتمعنا ليوم عصابة منتينيڨرو العصابة لي لازم تتحل فاقرب وقت قبل ما تروح سيطرتنا عليهم كل واحد منكم عندو اضافة على هاد العصابة يقدر بتفضل

نجم: سيدي كيما علابالك العصابة قدرت تخلي امورها سرية كل حاجة نعرفوها انو عصابة مونتينيڨرو او العصابة الحمراء كيما يعيطولها فالوسط المظلم عندها 15 نفرع على مستوى روسيا كل فرع مستقل عن الٱخر يجمع بينهم الاسم والرؤساء لي يتلاقاو 2 خطرات فالعام كل مرة يغيرو مكان لاجتماع وحتى ادا عرفناه مستحيل نلحقولو