كنت ولم اعد

#55

ايمن: لانا عندي شغل نقضيه ونرجع
لانا: اوكي اصبر نوصلك

جات راح تنوض زير عليها اكثر ( وين الهربة وين )

ايمن: معليش المرة الجاية وقت تقدري تنوضي هههه

خزرت فيه بنضراتها لي يقتلو لكان ماشي ايهم ليشادها بيديه لكان ناضت ليه اما هو فحاكم ضحكتو بسيف ويايهم لي ولا علا بالو كل لي هامو انو يستمتع بريحتها لي تخدرو بلمستها على لحمو و بلحظات وجودها على حجرو لانو علاباالو بلي مراحش طول سارح فعالمو لخاص لي فيه كان لانا وهو ماحس غير بنسمة باردة لامساتو وقت بعدت يديه عليها وقامت شافها رايحة للكوزينة لحقها متكي على لباب ويخزر فيها وفتحركاتها
تحرك فالقهوة لي عملتها وتحكي معاه بلا متزيح عينها على الكاس

لانا: ناوي تقعد ساكت كي لعادة
ايهم: وش حبيتيني نحكي
لانا: مثلا وقتاه جيت او وعلاه جيت او وش جيت دير فداري او وعلاه ضربت ايمن
ايهم: غاضك ؟!
لانا: ايهم متتجاهلش سؤالي بسؤال ثاني
ايهم: جيت لبارح ، امور شخصية، نشوفك ، دنا لحاجة تخصني

خلاها مصدومه من كلامو يسكت يسكت وكي يهدر يدخلها بعضها شدت لكيسان لي قدامها ولحقاتو للجاغدان الخلفي مدتلو الكاس خزر فيها رايح. يحكي اما قاطعاتو

لانا: نعرف قهوة مرة

تبسم معاها وشدو عليها ودنا خلالها بلاصة قعدت قدامو وطلعت رجليها لصدرها متحضنتهم ومرة على مرة تترشف من كاس القهوة لي في يدها

ايهم: مش راح تحكي
لانا: واش
ايهم: لي صرا معاك
لانا: مصرا والو
ايهم: لانا
لانا: ايهم والو
ايهم: منيش حاب نعرف بطرقي الخاصة حاب نت تحكي
لانا: منيش قادرة نحكي

خزر فيها ماشي حاب يضغط عليها علابالو انو صرات حاجة كبيرة اما يعرفها متحبش تحكي خلينا نقولو مش من عادتها تحكي تخبي فقلبها لين يجي نهار لي ماتقدرش تتحمل فيه اكثر وتتلاشى حاوطها بيدو وقربها ليه اكثر مكانتش معارضة لانو كانت محتاجة لهاد لحضن الدافي محتاجة لواحد جنبها معادش فيها من شعور الوحدة اللي تقتلك من داخل تنهشك بشويا وانتي تشوفي روحك محاوطة بناس اما متقدري تحكي لحتى واحد متقدري توثيقي فحتى واحد كل خوفك انو يجي نهار ويتخلاو عليك كيما تخلاو عليك البقية وراحو واحد واحد لين تبقاي وحدك هايمة بين جدران دارك تحبي تسوغي تعيطي اما قوتك ضاعت و صوتك تلاشا شي ماهو راضي يخرج مانعاتو قوتك لي تعبتي منها كرامتك لي عمرها ما تهزت ودموعك لي حابستهم يستناو كان فتصريحك

ايهم: لانا
لانا: ممممممـ
ايهم: خلينا نخرجو
لانا: منحبش
ايهم: منيش نسقسي فيك
لانا: او وين نروحو
ايهم: كي نوصلو تعرفي
لانا: اوكي امشي
ايهم: ناوية تروحي هكا واقيل بدلي راني نستنا فيك
هزتلو براسها وطلعت طول لبيتها لبست سروال boy friend مع شوميز باج a carreaux دارت اونتي ساغن تغطي بيه الهالات لي خرجولها ڨلوس غسيل دارت مناڨش وحبطت لقاتو يستناها داخل الطونوبيل