كنت ولم اعد

#48

قعد على حرف السرير حالتو حالة مش متعودة عليه هكا تعودت على هيبتو وقوتو لي حاجة متكسرهم اما ليوم فقوتو طاحت من الحمل الثقيل لي حاملو راحت ليه ضماتو ليها تمسح على شعرو بشويا تحكي بصووت هادي باش تريحو

لانا: ايهم وش صرا
ايهم: علاه جبتي الصورة
لانا: من ايام حكيت مع جنة وقالت انو معندهاش حتى صورة امها باش تتفكرها
ايهم: واش بنيت في 5 سنين هديتيه في لحضة

كلامو كان كيف السكين لي دخل لقلبها وقع كلماتو عليها كان عندو تأثير كبير اما قوات قلبها وجبدت عليه شادة دمعتها بسيف دمعتها لي منزلتش من يوم ما ماتت امها ليوم حابة ترسم طريقها على خدها حابة تبكي وتخرج كل شي في قلبها كلامو مكانش قاسي للدرجة لي تبكيها اما كان بمثابت القطرة لي فيضت الكاس جبدها من يدها طاحت على لفراش تقدم ليها تكسل وحط راسو على كرشها للحضات طويلة كان الصمت سيد الموقف كل واحد تعمق فبحر افكارو لي تدي وجيب فيه تخمامهم وصلهم لبعيد اما لمكان مهجور متقدرش تفهم منو حتى حاجة قطع الصمت الرهيب لي مخيم على اجواء الغرفة صوت ايهم لي يا دوب يخرج من حلقو

ايهم: ماما ماش لمرا لي متخيلتها جنة ماشي لمرا لي كنت متخيلها من 5 سنين

سكت شويا مش عارف اذا يسكت ولا يكمل حطت يدها على شعرو تحاول تهدي فيه

ايهم: كانت وحدة رخيسة ##### كل لي يهمها الجاه و السلطة عالاقل بابا كان خارج عيناني اما هي كانت كيف الحية تحت التبن ولدتنا وخلاتنا نتعذبو وقت نشوفها ف tv تلعب مع الاولاد ( قصدو اليتامى لانو كانت منخرطة فجمعيات ) كان يتقبض قلبي عمري لا مرضت ولقيتها جنبي كانت جنة لي تصهر ومترقدش طول الليل حتى تطمن عليا عمرها لا سألت على حالي وحال بنتها بعد موتها حاولت نخلي جنة تنساها ومحيت كل حاجة تربطها بيها ولا تفكرها بيها اما

لانا: مكنتش نعرف
ايهم: نعرف
لانا: علاه مقولتلهاش

عدل روحو وتكى على دهرو يخزر في نقطة محددة من لبلافون اما مخو راح لبعيد يحكي بغصة

ايهم: كانت قدوتها ومحبيتش نحطمها
لانا: حتى انت كانت قدوتك ياك
ايهم: كانت لانا كانت

قوماتو من عليها وتنطرت جات قاعدة مربعة رجليها شي لي خلاه يسڨم قعدتو ويقعد en face ليها حطت يديها على كتافو

لانا: ايهم اخزرلي

طلعتلو راسرو بيدها وعاودت رجعتها لمكانها على كتافو

لانا: هاد الشي تجاوزتو من قبل ايهم مش دكا لي تضعف وينو ايهم لي واحد ما يهزو وينها شخصية ايهم وقوتو عمرك لا سمحت لواحد يضعفك ماسمحتلهاش تضعفك من قبل علاه تسمحلها دكا ايهم تسمع فيا راني نحكي معاك ايهم

تلق روحو طاح على السرير ومع لي كانت شاداتو طاحت معاه

ايهم: تعبت
لانا: انت انسان شي عادي انو تتعب بصح متسمح لحتى واحد يحطمك رح نخليك ترتاح ابقا وحدك صفي ذهنك ورجع ايهم لي نعرفوه

قالت كلامها وناضت من عليه

ايهم: وين
لانا: لداري
ايهم: خليك
لانا: اما ....

شافت فيح للحضات متقدرش تكذب على روحها انو حابة تقعد معاه حتى ادا راحت رح يقعد بالها مشغول عليه

لانا: نلبس حوايجي برك
ايهم: مطوليش

جبدت بيجامة من الفاليز ودخلت للصال دوبان بدلت لمت شعرها ورجعت لقاتو مكسل وحاط يدو على عنيه

لانا: قوم ... ايهم .. ايهم .. اووف

قعداتو بسيف و نحاتلو الفاست بطلوع الروح حطاتو على السرير و نحاتلو صباطو سڨمت لمخاد و عدلاتو من بعد تكسلت جنبو وغمضت عينيها ماحست غير بيدو لي تحطت على وسطها و جبدها ليه وغرس راسو فرقبتها يستنشق فريحتا

لانا: خليتني نتعافر معاك باش نحيلك لفاست ونت نايض

حست بتبسيمتو ترسمت على رقبتها الشي لي خلى رعشة تسري على بدنها وزادوا عليها بوساتو لي ما خلى حتى شبر من رقبتها معطاهش حقو و مالامسش شفافو ضامها بكل قوتو تقول عليها هاربة

لانا: ايهم حبس

كمل خدمتو متجاهل كلامها بدا يمص فيها يطبع في علاماتو عليها متاكده انو غدوة رح تلقى خريطة العالم منحوتو على رقبتها

لانا: ايهم
ايهم: ممممـ
لانا: وقت عطيتني لبراسلي قلت انو تاع امك
ايهم: ( تنهد ) مكنتش قاصدها هي

جات تنوض اما زير عليها اكثر تعرف انو مراحش يخليها تتحرك فاستسلمتلو ورخفت روحها

ايهم: هداك لبراسلي عطاتهولي تونت اسما المربية تاعي وقت حاوزها بابا وبعدها سمعت انو ماتت
لانا: ( في قلبها ) من صغرو تحرم من كلشي حتا بعد ما لقى مصدر لحنان لي يعوضلو حب امو بعدوه عليه
لانا: علاه عطيتهولي بما انو يعنيك
ايهم: مش وقتو يجي نهار وين رح تعرفي
لانا: ايهم
ايهم: ممممـ
لانا: خلاص والو

محستش بروحها حتى رقدت في حملتو وستسلمت لعالم مجهول مش حاسة بحتى حاجة ...
                      ____________________