كنت ولم اعد

#5

لانا تحكي

رفدت الحبلين الفوقانيين ودخلت لل ring قابلتني فريدة جهامتها جهامة جايا الدوبل عليا  منظرها وحدو خلاني نخمم مرتين

علن الحكم بداية النزال تقدمت ليا عطاتني بزوج كوتبيات لكرشي من قوة اللول مقدرت نتفادا الثاني تقدمت باش نتفاداها ومع لي دور باش تدربني  بركلة اخرى دربتها bdroite لوجهها وزدتلها وحدة في كرشها شكلها تنارفات جات تجري من ناحيتي رفدت رجلي وعطيتها بضربة  قوية ومع قوة الدفع لي كانت جاية بيها نضمنلكم انها حستها double  وطاحت a genaux مع لي جيت نضربها شدتني من وسطي وطيحتني عالارض تركزت فوقي باش تمنعني ما نتحرك وطاحت عليا بالضرب مخلات وجهي ما خلات كرشي حاولت نحكمها مي مقدرتش  نسمع في صوت نائل بعيد غمضت عنيا بالقاوي نحاول نستجمع في قوتي وعاودت حليتهم حطيت يدي المحررة بين يديها لي كانت تجبد بيها يدي لوخرا تركزت مليح على رجليا ورميت ثقلي لكل عليها وبديت نضغط حتا تفكو يديها ومع  lposition لي كانت فيها فقدت توازنها وحلت رجليها وحررت رقبتي وطبعتها على جنب فنكيت منها بصعوبة

نائل: waaaaé برافو لانا برافو كملي هكذا

جيت حا نوقف و مع لي درت شدتني من رقبتي وكردت فعل عملت نفس لحركة باش نبعدها عليا ستغلت فرصة قربي ليها وخبطتني ب genoux تاعها لكرشي تراجعت وهي قربت حاولت نضربها بصح مزلت مدوخة تفادات الضربة وزادت علا ما بيا و عطاتني بدبزة للوجه دوختني شدتني من وسطي و طبع فيا تحاول طيحني تقلبت باش نوض ونتخلص منها عكلتني وطحت على كرشي بدات تضرب فيا لرقبتي حطت يد تحت كرشي ومررت رجلها على راسي و تقلبت بيا وطحنا علا ضهري وصارت قاعدة بجنبي مركزتني برجلها وتزير باش تضطرني نستسلم معلبلهاش بلي هاد لكلمة متڨزيستيش فقاموسي

سندت رجليا علا لكوان تاع الحلبة باش نعطي الدفع لروحي وقلبتها معايا وطحت نضرب فيها حتى فلتتني نضت جات راح تضربني ب droite لوجهي بصح هاد لمرة كنت اسرع منها وتفاديتها صوطيت رفدت رجليا لزوج باش يعطيني قوة اكثر وخبطتها لوجهها (كيشغل  coup d'ciseaux برك فيعود لا تضرب lbalon دربت راس فريدة وش حسابتلكم غير رونالدو يديرها هاه حتا لانا وديرها ) واووووب طاحت على طولها معادتش قادرة تنوض اكيد اذا ناضت راح باخذوها قبالا للسبيطار يعالجولها لكم كسر لي تسببت فيهم الضربة الاخيرة
جا ليا لحكم شدلي يدي واعلني لفايزة الارض مش سايعة فرحتي واخيرا بديت نحقق فطموحاتي نائل يصوطي ويصفر مالفرجة هههه رحت les vestiaire بدلت حوايجي وهو لحقني عقملي جروحي وحطلي شوية ثلج على وجهي باش ميتورمش خرجنا انا وياه وبعد ديسكور طويل وعريض من اللجنة والتهاني لي قدموهملنا وآمالهم لي علقوهم علينا وصلني نائل للدار بعد ما تعشينا انا وياه برا الايام الاخيرة تقربنا من بعض وصرنا صحاب  اصلا la majorité du temps معاه بحكم التمارين المكثفة لي خذيتها باش لحقت لهاد  niveaux دخلت عمرت لبنوار بماء دافي وقعدت فيها رخيت عضلاتي ورقدت بلا منحيس حتى