كنت ولم اعد

#44

 
    رهف لي لكان تصيب دك تقتل لانا و تتهنا منها من وهي صغيرة تحاول تتقرب من ايهم اما لي كان دايمن صادها على طريقو رافضها ورافض كل وحدة حاولت تتقرب منو مكانش يحب يضيع وقتو بهاد التراهات لي هو اصلا علابالو بلي حابينو علاجال سمعتو ودراهمو وتأكد من هاد الشي وقت طردوا باباه وملقى حتى واحد بحذاه كان دايمن يخدم بكل جهدو باش يحقق اهدافو اما لبقية لكل فرحانين ڨلبوها بلي كلاكصون والتزغريت الا وفاء لي ملي ركبت مع قيس وهي محبطة راسها مش قادرة تحكي حرف حتى وصلو للصالة حبطو وعاونو جنة تحبط ودخلوها بالصلاة والسلام على رسول الله لقاتها ٱسيا يمات نائل بسنيوة فيها كاس حليب وحجرة سكر تحلي دخلتها صدروها على لكورسي وعاونوها تنحي برنوسها ودارولها غنية عاصمية مع الكاراكو لي كانت لابساتو

اااامسلخييير اعلييكم انعااام الله امسااكووم بالخير ولهنااا جينااكووم الالة امووولاتي الللة اموولااتي انعم الله مسااااكوووم بلخيير ولهناا جينااكووووم جينااااكوووم الللة امووولاتي الللة يويويويوووووووييي

كملو تصدروا البسو جبة قبايل روبلوها بالشطيح خصوصا وقت حطو الشاوي ولقبايلي ( احححح يقلبي ها دزوجو خلوني نحضر العرس ) بدلو لبنات ولبست جنة قفطان moderne يهبل دخل نائل بكل اناقتو مطراسي شعرو ولحيتو كوستيم نواغ وبابيون فنفس اللون قمجة بيضة وصباط كلاسيك تصورو مع بعضاهم خرجو كيووووت يهبلو

دخلت جنة مع لبنات وعاونوها تلبس لاغوب بلونش بدلو هوما ثاني ولبسو لي غوب سواغي تاعهم نبداو برهف لي لبست روب ميني نوار صدرها مفتوح بكمام. عراض

وفاء لبست روب زرقة طويلة بشقة توصل لفخاضها