توم: واخيرا راح نلعبو شويا
دان: يا جدك توحشت
توم: بصح معندناش الحرية التامة
دان: متفكرنيش حتى اللعب ومراحش نلعبوه على اصولو
توم: قالت انو هاذا مجرد احماء معنتها مزال اللعب طويل
دان: وهاذا لي مصبرني
توم: والخطة
دان: مفتوحة على شرط متتخطاش شروط اميرة الملاكمة
توم: او وش هي شروطها
دان: الجن وميعرفش وين وكفاه اختفى دافيد هيڨل وكانو فص ملح وداب
توم: علعين والراس الاميرة تطلب وحنا نفذوا
دان: وش تقترح
توم: اول شي يزن يعرف مكانو بالتحديد نخلوه يبعثلنا مخططات المبنى
دان: خلينا نشغلو يزن و وفاء باش ميشكوش فيهم
توم: فكرة مليحة اصلا بعد غدوة اجتماعنا فالمركز الرئيس
قطع حديثهم صوت تليفون دان وهو يصوني رفد وحطو عالسبيكر
دان: الو
وفاء: اهلا جيري
دان: اهلا مدللتنا
وفاء: نخبطك نتيرك تم تفهم الدلال كفاه داير
دان: ههههه خلاص شيري متتقلقيش برك
توم: ولات تخبش يااه
وفاء: سمعتك
دان: ههه ايه وش هو الموضوع
وفاء: رح ينقلوا الفار للمخبر
دان: ههه so cool معنتها رح نعملو شويا تجارب
توم: بففففف الاضرار راح تكون صغيرة
وفاء: ارضا بلقليل واحسبها مغامرة صغيرة
توم: وقتاه
وفاء: نضن غدوة
دان: انت و الغامض احضرو اجتماع غدوة
وفاء: علم
توم: وحنا ليوم نحبطو للجزائر باسماء مستعارة
لانا: معرفتكمش هكا ضاع ذكائكم
وفاء: باسم الله الرحمان الرحيم
دان: منين خرجتي اطفلة
توم: ماشي منين خرجت الاصح منين دخلت فالاتصال وكفاه
لانا: هههه
وفاء: وش قصدك بفقدانهم لذكائهم
لانا: علاه تخسرو وقتكم ومجهودكم باش جيبو فار التجارب وهو من اصلو جاي للمختبر
توم: قصدك انو نوفرو لوقت ونروحو للبيت العتيق
دان: وهكا تكون التجربة سهلة بسيطة بدون تكلفة النقل
لانا: بالضبط
وفاء: انا علميلي كفاه قدرتي تدخلي للشبكة
لانا: خلي نكملو لعبنا امبعد التهاي باللعب معا الٱغا
دان: اوهوووووو
توم: هههه شكونو
وفاء: بهدلتيني كي نتلاقاو نتفتهمو عليها
لانا: هههههه اصلا شكلى توحشت طوايشكم ونتو مجتمعين
وفاء: وقتاش نجو
لانا: بعد ما نشوفو نتائج التجربة ونتأكد من صحة احدى الفرضيات ( انها العلوم يا سادة )
فصلو لخط وكملو حديثهم عالخطة
توم: تبدلت لخطة جوجو
دان: شوف نت راني حامل جيري بسيف زيد كمل على قسامي
توم: هههه ريلاكس بايبي دونت بي انڨري
_________________
الحديث بالروسية
حلت لباب ودخلت عليه شكون غيرها لي يملك هاد الوقاحة ايميليا
ايهم: معلموكش دقي لباب
ايميليا: او وعلاه معنديش صلاحيات تسمحلي ندخل بلا مندق
ايهم: علاش وش تكوني
جات رايحة تقعد في حجرو اما سبقها وناض خلا فمها يتفتح دايمن يصدها مهما حاولت دير باش تتقرب منو وقف قدام la bée Vitré لي في بيروه يشوف فالناس لي يبانولو صغار وهوما يتحركو فالشارع لي يطل عليه حاكم كاسو متاع القهوة ومرة على مرة يترشف منو
ايهم: مزلتي هنا
ايميليا: اففف يا ايهم اففف
ايهم: ( بعياط ) ايميييليااااا
تهزت وتحطت معا عيطتو بلا النضرة لي وجهالها وقت تلفت لعندها النضرة لي خلاتها تتمنا لو انها متلفضتش ٱسمو النضرة لي ندمتها على دخولها لهاد المكتب النضرة اللي فطنتها معا شكون راهي
ايميليا: ساسامحني boss
جات خارجة حتى حبسها وقت عيطلها
ايهم: ايميليا !
ابتسامة عريضة ترسمت على شفافها في بالها رجع في رايو وقرر يخليها معاه اما سرعان ما تمحات وخاب ضنها بعد كلشي ماشي ايهم لي يتراجع
ايهم: وقتاش يتحرك دافيد هيڨل ملجزائر
ايميليا: غدوة على 3 تاع الصباح
ايهم: وقتاش يوصل لروسيا ا
ايميليا: اذا حسبنا لمس
ايهم: مقتلكش احسبي قلت وقتاه يوصل
جوليا: اه على 13:30
ايهم: مليح تقدري تروحي
___________________
دان: عندي خطة
توم: احكي
دان: alors انا نشوف ادا رحنا للمطار وتبادلنا الادوار مع الحراس على اساس بعتونا الانتربول نحطو غاز الفلوران ( الفلوران مخدر قوي وفوري يستعمل عادة في العمليات الجراحية ) وهكذا نقدرو نخرجوه بلا ميفيقو
توم: مليحة اما متنجحش ملازمش دافيد هيڨل يخرج مالمطار اساسا تعرف انو المافيا متعقباتو والانتربول محابينوش يطيح عند العدالة فاما يكونو راسمين خطة كيما تاعك او بكل بساطة رح يسلموهولهم بشكل عادي فالمطار على اساس انهم من العدالة
دان: او وش تقترح
توم: عندي خطة مليحة اما نحتاج مساعدة وفاء
دان: نسمع فيك
توم: ........................................................................................................................................................................
دان: من اين لك هاذا يا هاذا
توم: هههه انا دبرت لخطة ونت دبر مخططات التهوية مبيد ما نحكي مع وفاء
دان: ukaay
_________________
أنت تقرأ
كنت ولم اعد
حركة (أكشن)هكذا هي الأيام .. حَرمتني حتى من الأحلام .. عشقت الوحدة والعذاب ..الأفراح بيني وبينها حِجاب .. إلى مَتى يا قلبي؟ ..... إلى متى ستؤلمني الأيام؟ .... وإلى متى سأكتم الأحزان الى متى ساتحمل احساسي بالاشعور والفقدان ؟؟ ... الى متى ساحس بذاك الفراغ الك...
