كنت ولم اعد

#22

نجم يحكي

صوت الباب وهوما يدقو عليه خرجني من افكاري رتبت روحي بلخف وسترجعت روحي

نجم: تفضل

دخلت وهي لابسة روبة فوق الركبة بلايدين مع صندال فالنواغ حاطة pansement على رجلها اليسار اكييد تكون مكان الجرحة تاع لبارح شادة صاك صغير ماغون في يدها حتى فالغابة مع ڨاع لجروح لي فيها مي كانت لابسة شيك وكانت جذابة مالمفروض منستناش اقل من هكا

نجم: تفضلي اقعدي علاه قاعدة قدام الباب
لانا: حاضر سيدي

جات ناحية الكورسي لي محطوط قدام البيرو ديالي حطت صاكها فوق الطابلة الصغيرة وقعدت فالكورسي

نجم: وقتاش جيتي
لانا: من شويا وصلني حسام لانك طالبني
نجم: ايه نضن علابالك علاه جيتي
لانا: من وين رح نعرف مثلا
نجم: ندير روحي امنتك صح جاوبي وش هو الهدف لي بعثناك عليه لبنما
لانا: ....
نجم: انتقي
لانا : ( ستجمعت كل قوتها ) الوصول الى نقطة النهاية فغضون 10 ايام
نجم: ومبروك وصلتي فغضون 9 ايام رغم كل الصعوبات لي تلقيتيها بصح نقدر نعرف واش هو المبرر تاعك للتهجم على اعضاء الفرقة و الحاق الضرر بيها
لانا: اولا متقدروش تتاكدو بلي #انا لي تهجمت عليهم لانو ميعرفوش هويتي وميقدروش يثبتو بلي انا وثانيا هوما لي جاو لعندي وثالثا تهمت الحاق الضرر باطلة لاني ما جرحت ما تسببت فاصابة بليغة او حتى كدمة صغيرة لي عملتو هو اني قمت باغمائهم وافقادهم الوعي فقط متاكدة من لي عملتو اما تبريري فهو انو كانو حاجز فطريق الهدف ديالي وانا بعدتهم

جوابها عجبني و صدمني فنفس لوقت منين جيب فكل هاد القوة نعرفها عندها caractère بصح مش لدرجة هادي مش لدرجة انو تقدر تبرر ولا خلينا نقولو تناقش مسؤول بالصرامة هادي ملامحها متبين حتى تعبير الجدية طاغية عليها حسيتها توجهلي فتعليمات مش اعتذارات نعرفها متقصدش اما .. المهم

نجم: معناها تعترفي
لانا: علاش حتى نكذب
نجم: حكايت الفرقة وقلنا معليش والشريحة ديالك
لانا: ( حكت رقبتها رايحة تجاوب حتى ندق لباب )
نجم: تفضل
يزن: اوهوووو وش هاد المفاجئة كابتن لانا علخط ديراكت
نجم: مناش نبانو سي يزن
يزن: سامحني حضرات ( ودار التحية )
نجم: تفضل اقعد جيت في وقتك
يزن: علاش علاوش راكم تحكو
نجم: ( بحدة ) يزن ... جبتكم بخصوص موضوع الشرائح لي بين اكثرمن 800 شخص تبحرو غير تاعكم نتوما الزوج وملقاوهمش في كراطبكم

يزن: صدفة برك
نجم: في هاد العالم مكانش مكان للصدفة لانا مقلتي والو
لانا: فالحقيقة انا لي نحيتهم
نجم: وشنو
لانا: جاتني bizarre انو كل خطرة يلقطوني مع انو كنت نبعد ومنخليش آثار مورايا وكيما قلت انت مكانش صدف فهاد العالم وبالاخص انو مستحيل الصدفة تصرى 3 خطرات اه قصدي ربعة خطرات حتى ولو كانت صدفة فراح تكون مرة وحدة مش اكثر وتاكدت من معلوماتي وقت سمعتهم يحكيو على يزن او وقت قالو بلي مرانيش بعيدة وقدرو يرصدوني وهاذا لي خلاني نعرف انو تكون كاينة شريحة ذبذبات لي يستعملوها فهاد المناطق
نجم: بصح لزوج كانو شاعلين
لانا: اكيد مرانيش غبية باش نكسرهم
نجم: 🤨🤨
لانا: سيدي قصدي كيما هوما لعبو معانا وخلينا نقولو دارولنا فخ فحبيت نقلب اللعب ونخليهم يطيحو ففخهم
يزن: مفهمتش
لانا: وقت نحيت الشرائح صيدت زوج حيوانات وربطت الشرائح فيهم هكا يقعدو يتحركو و اعضاء الفرقة يتشتتو ونكون هكا بعدتهم من طريقي نهائيا

بدا يزن يسفق ودار لنجم يكي

يزن: منين جبتها هادي اواه غير بلاك عليها يعودو يطيرو بيها وتاخد رايي غير اخطيكم من هاديك الفرقة لي صرعنا بيها ميشال ( ميشال هو المدرب المسؤول ف la section A كيما دانيال المدرب المسؤول وين لانا ) تمسخر بضربة الاخت صرعتهم وكشفت وش كانو يقولو

لانا: كفاش فقت بلي بدربة صرعتهم
يزن: خلي لمرة لجاية نحكيلك 
نجم: تقدرو تروحو
لانا: مراحش نتعاقب
نجم: لالا اصلا مفاقوش لانهم حطو شريحة يتوقف عملها بعد انقضاء 10 ايام وقلتلهم انهم طاحولكم وقت كنتو فالغابة
لانا: شكرا سيدي

صونا تلفون نجم رفد يدو كاشارة باش يقول للانا دقيقة شاف شكون نقس للتيليفون باش ميعاودش يقاطعهم

لانا: ونعتذر على وش درت فالغابة
يزن: نضن انو مكانش داعي تعتذري عليه لي عملتيه صحيح انت مغلطتيش دربونا باش نتصرفو على حساب الوضع لي نتحطو فيه من المفروض يكافؤوك لانك اكتشفتي وحدا من اساليبهم قدرتي تسبقيهم بخطوة بينما الكل طاح فالفخ لي رسموه والاهم من هاد الشي قدرتي تقلبي اللعب وتاخذي الكرة وانتي فملعبهم خليتيهم يبعدو من طريقك بدون ما تخلي حتى ثغرة يشكو فيها هاذا لي يأكد جاهزيتك اذا تحطيتي فموقف مماثل امام العدو بلعكس نضن انو هاذا هو الهدف مور هاد الامتحان لي واحد ما نجح فيه غير انتي لانو لوصول الى نقطة النهاية فمدة عشر ايام صح صعبة بصح ماشي مستحيلة الامتحان الوحيد لي فيها هي انو تبين قدرة التحمل لي تقدر توصل ليها وهاذ الامتحان بالذات جوزناه من قبل ومنضنش انو رح يضيعو اولا وقتهم و بالاخص يشغلو فرقة مخضرمة غير باش تزيد الضغط النفسي علينا ويصير همنا الوحيد انو نتفاداوها ونوصلو للنهاية وهكا مينتابهوش لهاد التفصيل الصغير وكفاش تقدر هاد الفرقة برغم كل محاولاتنا انو منخلوش آثار مورانا واللي نجحنا فيها وبالرغم من كل هاذا قدرو يلقاونا فكل هاد المساحة لكبيرة ( قتلكم بلاكو منو راو يدير روحو بهلول بصح هي ايز سمارت هي ايز ماي بوي )