كنت ولم اعد

#58

تضحك بضحكة هستيرية لي يشوفها يقول راهي فرحانة اما لكان تتعمق فيها وتقرى الحانها تفهم كمية الوجع لي تخرج بين انغامها

لانا: ايمن تعرفني منقدرش تتخايل مش ساهلة انو نكسر فم جاد وندمو على كل حرف خرج من فمو على كل كلمة طعنت شرفي تتخايل انو مش ساهلة نكسر يدين جود وندمو على كل كف وكل ضربة رسمت اثرها على لحمي وقلبي تتخايل مش ساهلة نربي كارمن وندمها على كلشي عملاتو معايا كان شادني الدم لي يربطني بيهم اما دكا الدم راح تتخايلها صعيبة عليا نروح ليهم دك وندمهم على كل صغيرة وكبيرة عملوها معايا من وقت ما نشوفا على عمري لا ساهلة اما منقدرش رغم كلشي امهم لي تعبت عليا ورباتني امهم لي منعتني من وحشية الشارع لي رماوني ليه عايلتي تعبت ما نكون قوية ونخلي كلشي فقلبي تعبت ملمواجهة تعبت كل احلامي اني نعيش مستقرة بين عايلة وصحاب نوض صباح نطيب لقهوة نوصل ولادي للمسيد نعيشهم في امان ونشبعهم بلحنان لي ما ذقتوش اما انا وين واحلامي وين خليني عالاقل هكدا رح نحقق جزأ من احلامي اني نعيش هانية

ايمن: وين تعرفي يا لانا وين لانا اختي حطي عقلك فراسك خلاص نعرفك تعبانة روحي ارتاحي وخممي فلي رح نقولو ممكن تلقاي لعايلة لي رح تعطيك لحنانة تلقاي الام والاب والخاوة لانا ديري لي عليك باش ميجيش النهار لي تندمي عليه منيش حاب تعيشي لي عايشو انا لكان نلقى خيط رفيع على عايلتي صدقيني نتشبث فيه اوعديني يا لانا انك تخمي معادش حاب نشوفك تتخبطي وتتخنقي فهاد الدوامة غوصي لوصطها رح تلقايها هادية عكس الشي لي من حولها واستنايها توقف وخرجي ومتتخبطيش فيها ونت مش قادرة اوعديني لانا

لانا: وعد

عنقاتو بكل قوتها كلامو مشفر ومعمر بالالغاز اما فهماتو كان كفيل باش يحط مرهم على جروحها ويخليها تخرج القوة لي حابستها داخلها

نائل: جنة راني خارج
جنة: باي حبي اتهلا فروحك
نائل: متنسايش وش وصيتك وطمنيني عليها عيطتلها لبارح بصح مرفدتش
جنة: حاضر

مشات للكوزينة حطت لماعن فال lave-vaisselle رتبت لحالة ودقتلها صونا مرا مرتين ثلاثة جات رح تفصل حتى جاها صوتها كلو نااس

لانا: الو؟؟؟
جنة: ههههه مزالك متشوفيش شكون لي عيطلك
لانا: جنة
جنة: شبيه صوتك
لانا: والو كنت راقدة برك
جنة: وااااااو فليشهد التاريخ لانا عصماوي  ترقد حتى للعشرة
لانا: ههههه كيف حوال
جنة: والله CV سوال عليك
لانا: cavaa حمد لله اسفة لتيت شوية مقدرتش نعيطلك هاد اليمات
جنة: لا عادي وش رايك نعملو شوبينغ
لانا: فغير مرة مهدودة
جنة: سمالله عليك شبيك حتى صوتك ماشي عاجبني
لانا: والو مابيني والو قتلك غير مالنوم
جنة: نعمل روحي صدقتك.... اي لانا اي صوناتلي LA batrie ديشارجا من بعد نعاودلك

فصل لخط عرفت انو طفالها تليفونها رمات تليفونها بدورها عالسرير ورجعت رقدت راسها يوجع فيها ليل وطولو وهي تخمم فلي قالولها ايمن زعما يكونو حوسو عليها وادا صح حوسو عليها علاش ملقاوهاش لحد الٱن وش تعمل فالدزاير او علاش محاو المعلومات لي تخصها مالمشفا اسئلة تدي وجيب فيها حتى حست بالشمس لي ضربتها لعينها واشعتها لي وجعتها لانها تعودت عالضلمة نحات لغطا من عليها وقفت تشوف فجنة قدامها شهقة خرجت من فمها المحلول صفايح