كنت ولم اعد

#53

واخيرا حطت الطيارة فمطار هواري بو مدين

يزن: لحمد لله وصلنا
وفاء: يزح جامي لا جينا نورمال دايمن روطار يكونو تقلقو عليا
لانا: جاتك جديدة خلينا نروحو ديجا راهي لوحدة
يزن: ايا تشاو نتلاقاو بعد 4 يام

ركبت فطونوبيلتها دارت اشارة بيدها ليهم وديمارات طول لدارها متوحشة تشوف ختها وتاخذها لجنة وتعرفها عليها وتعمللهم سوربريز ثنيناتهم اما لي متعرفوش هو انها هي لي رح تتفاجأ

ڨارات طونوبيل وحلت لباب بلعقل باش متسمعهاش راحت الصالون ملقاتهاش

لانا: اكيد تكون في بيتها

طلعت للفوق ولفتها صوت لي تسمع فيه حلت باب بيتها هههههه ويا ريتها ما حلتها تشوف في سامي مع كارمن في وضع مخل بالحياة ولي وقت سمعوها حلت لباب بعدو على بعضاهم كارمن رفدت طول لكاب تاعها لبساتو وسامي لبس الشورت تاعو قدمت ليه جا رح يحكي معاها خسرت عليه دبزة طيحاتو فاللرض خلات نيفو يسيل دم وقت شافتو كارمن قلبها جمد لانا بطبعها غشها خايب تولي متشوفش قدامها جات رح تدرب كارمن بكف اما شدتها

لانا: #### بيا ستنيتيني رحت ولقيتيها فرصة باش @@@@ مع هاذ #@#@#
كارمن: وش دخلك فيا حياتي وانا حرة فيها وش نعمل او وش منعملش مكان مدخلك

خبطت يدها فلحيط واصلتلها للتوب شويا وتترتق

لانا: ( بعياط ) دخلني
كارمن: (بعياط ) بصفتك شكون اه قوليلي
لانا: كارمن مجهلينيش ### حاكمة روحي بسيف
كارمن: داية روحك مش فاهمة ههههه في ميزك وحدة كيفك مش معروف منين جاية لا عيلة ولا شي تقدر تبني روحها ههههه غالطة عمرك لا خممتي علاه نكرهوك حنا الثلاثة رح تجاوبي لا لانو من وقت ما جابتك ماما منعرف منين وانتي ديتي بلاصتنا وحدة ### كيفك تخلاو عليك لالا تصحيح رماوك تدي بلاصتنا ههههه
رجعت بيها الذاكرة قبل متموت امها

جنة (ام لانا): سامحيني يا بنتي سامحيني
لانا : امي علاواه نسامحك انا لي لازم نطلب منك السماح مش انتي
جنة: يجي النهار وين حتعرفي نتمنا تسامحيني لاني مش رح نكون وقتها رح نكون لحقت أدم (باباها)

تفكرت وقت كانت مع جاد فدار امها وتلقاو بكارمن

جاد: دار باباها كيما دار باباك عندها حقكها كيما عندك حقك .
كارمن: جاد متخلينيش ننتق من جنابي ونقولك كلام ميعجبك ني نت ني حتى واحد ونخرب هاد الدار على ريصانكم

افكارها تدي وجيب فيها زيرت على قبضت يدها وعضت على شفافها مش حابة تغلط فيها نضراتها باردة وكانو حاجة ما صرات اما داخلها يدوي قلبها ساحة حروب العالم مجروح وينزف دمعتها متحجرة مش راضية تنزل اما مل داخل فتبكي دم على حياتها لي دايمن عاكستها عايشة غير مرها على امل يجي النهار لي رح تذوق فيه حلوها زعما رح يجي هاد اليوم

تبسمت مالشق للشق الشي لي خلى كارمن تتصدم متوقعتش منها ردة الفعل هاذي مدة وهي تضحك مش قادرة نسيطر على لفورير لي حكمها لين وأخيرا قدرت وتمتلك نفسها تحكي والبسمة مرسومة على طول وجهها

لانا: وحدة كيفي مقطوعة من شجرة مربية على وحدة ### كيفك مربية على بنت العز لي تربات بين العايلة والخاوة بين الجيران والصحاب نصيحة ارفدي كرامتك لي راهي تتكركر هاذا اذا بقات واخرجي منا احسن ما يكون عندي تصرف ثاني معاك تندمي على الثانية لي خممتي فيها تكسري كلامي وتندمي على الدقيقة لي طاحت فيها عيني عليك

كارمن: هههههه وحدة ### كيما نتي تخلعني

مكملتش كلامها حتا تلقا روحها بين يدين لانا رجليها ميلامسوش اللرض

كارمن: ات.اتلقيني. ل.لا.لانا مش قادرة تتنفس

بدات تتحرك بين يديها وجهها رجع احمر مش قادرة تتنفس كي شافتها معادش فيها تلقتها جات طايحة فالارض
لانا: يا تمشي يا نفذ عليك الطرق لي جاو لمخي وصدقيني متخرجيش منا غير الا شفيت قلبي منك

مزال مكملتش كلامها غير وكانت كارمن خرجت دموعها على خدها شعرها متشنتشف اما لانا فقوتها لكل ضاعت منها تحس في قلبها رح يخرج من مكانو تسمع فصوت تليفونها بعيد خرجها من دوامة الافكار لي فيها حلت صاكها ورفدت

لانا: ايمن نحكو من بعد
ايمن: وينك وشبيه صوتك وش صرا معاك
لانا: والو
ايمن: ما #### بيا احكي
لانا: ههههه ضهرت بلا عايلة
ايمن: راكي مليحة لانا
لانا: او وعلاه منكونش مليحة
ايمن: راني جاي بليز مديري حتى حاجة

تلق كلشي كان فيدو وطار ليها 5 دقايق وكان عندها حل لباب لي كان نصها محلول ودخل ليها لقاها قاعدة فالصالون جامدة متعمل فحتى حركة غايسة جسمها حاضر اما عقلها فغايب قلبو واجعو عليها مش عارف وش يحكي ولا وش يقوللها ردت فعلها لي زادت قلقاتو عليها اكثر

ايمن: ( بصوت واطي ) لانا

حالتها صدماتو عمرو لشافها بهاد الحالة صحيح انو متحكيش بزاف معاه اما حيويتها ديما طاغيا تقدم ليها وحط يدو على شعرها

لانا: ايمن

حضنها بقوة معيرفش اما حاب يحييها بوجودو انو مزال عندها ناس في حياتها اما علمن يكذب شكون عندها نائل وجنة لي ملي تزوجو معادش بانو ولا ايهم لي من اصلو مش فاهم روحو خطرات يبعد وخطرات يقرب ولا وفاء يزن ولجماعة لي تجمعهم كان الخدمة ولا هو لي يحكي معاها خطرة ولا زوج فالشهر

ايمن: علاه ساكتة
لانا: وش حبيتني ندير
ايمن: عيطي سوغي كسري
لانا: تعبت